ضبطت الكاوتش وبرده الدركسيون ثقيل

انا رحت انهرده ضبط الكاوتش بس الدركسيون تقيل وعندى عضه فى الغيار الاول اعمل ايه انا تعبنكم معاى ربنا يباركلكم

تقيل ازاي يعني .. زي اللادا والنيفا مثلاً .. وهل حضرتك تعرف أن العربية مفيهاش باور .. أصل موضوع تقيل وخفيف ده نسبي بيختلف من واحد للتاني .

بالنسبة لعضة الفتيس يجب مراجعة التوكيل في أول صيانة .. وبالمرة قول ليهم على تقل الدركسيون ده .. وإن شاء الله الأمور حتتظبط بعد الصيانة .

سيدتي الكريمه احب اوضح لحضرتك انك ممكن تكوني كنت بتسوقي عربيه باور ولما سوقتي العربيه دي حسيتي بالفرق تاني حاجه عضه الغيار في صيانه الالف هيظبطلك الدبرياج هتلاقي العضه راحت ارجو ان اكون افدتك

سلام عليكم
كلامك تمام يا أخ ميموس وبعدين تروح التوكيل افضل
وهية لسة فى الأول علشان ماتتعبش الفتيس

اولا جزاكم الله خيرا والف خير بالنسبه لى انا كنت بسوق 132 يعنى المفروض مفيش وجه مقارنه انا حسمع كلام حضراتكم واستنى صيانه الالف وربنا يكرمنا بالنسيبه لتقل الدركسيون يعنى فى الملفات بتعب جدا عشان احودها لاكن شمال يمين خفيف حلوه بس العربيه بوجه عام خاصا فى السحب ما شاء الله جميله جدا جدا كنت بعدى بيها الالنترا على الاتوستراد وشكلها ملفت وجميل والتصميم الخارجى كمان ان شاء الله ممكن اروح الصيانه بكره يبصوا بصه ولا ايه رايكم

الاخت الفاضلة///////////لاداعى للقلق--فقط راجعى التوكيل غدا صباحا وبدون ميعاد مسبق لان عضة الفتيس على الرغم من تفاهتها كعيب الا انة يجب علاجها فورا حتى لاتؤثر على تروس الجيربوكس-----وهذا عيب شائع فى كل السيارات الزيرو ويتم اصلاحة فورا وهو عبارة عن رجلشة الفتيس وللتقريب والتبسيط تماثل عملية ضبط باب السيارة ليغلق بشكل طبيعى بدون فروق او عنف ولاحظى انى اقول ضبط وليس اصلاح--اى ان الامر بيسط ولكن نصيحة لاتفتحى التكييف قبل 1500كم ولا تتجاوزى عدد لفات 3000لفة اى يفضل بل ويلزم عدم القرص على الغيار وربنا معاك وطمنينا

بكره ان شاء الله حطب عليهم فى صيانه القطاميه وان شاء الله بعد ما ارجع حرد عليكم والله انت ناس قمه فى التكامل ربنا يباركلكم فى وقتكم اللى بتساهمو فيه بمساعده الناس اللى بتبقى محتاجلكم وربنا يباركلكم فى سيارتكم ويبعد عنكم كل الشرور امين

اختى الكريمة
حياكى الله
اعتقد انك كنت على علم قبل شراء السيارة بعدم وجود بور ستيرينج وبالتالى يجب ان تعلمى ان الدركسيون لن يكون خفيف بنفس درجة السيارات التى يوجد بها بور
السيارة f0 انا لم اقودها من قبل ولكن شوفت واحدة كانت عرض فى مركز الصيانة عندما كنت اقوم بصيانة الالف للسيارة f3 وبصراحة السيارة كان شكلها شيك وشقية جدا ويوجد موضوع مثبت لاحد الاخوة بالمنتدى كتب عنها تقرير جيد بخصوص التسارع العجيب والاقتصادية فى استهلاك البنزين التى تتعدى 450 كيلو/صفيحة
اعتقد(ولكن رايى يحتاج بالطبع الى دليل او خبرة سابقة)انه الدركسيون لازم هيكون تقيل شوية نسبيا لعدم وجود بور ولكن ليس مثل السيارات ذات الموديلات القديمة وحضرتك كان عندك 132 فيات وتقدرى تقولى لنا الفارق انصحك بنفخ الاطارات شوية زيادة وده هيخليكى تحسى انه الدركسيون خفيف يعنى لو المقاس الstandard للسيارة 28 مثلا خليها 30 بالاضافة الى تشحيم البارات والمقصات بس يكون الشحم زيادة حبتين وده شئ ممكن تعمليه فى بنزينة محترمة شوية وشوفى الفارق
ممكن تطلبى من التوكيل انه يركب لها بور واعتقد ده امر ممكن بس هيكون مكلف جدا لانه هيترتب عليه استيراد مكونات البور لسعادتك مخصوص والشئ التانى وانا غير متاكد منه تغيير فتيس السيارة بالكامل لانه الفتيس المجهز على سيارة بور يوجد به تجهيز خاص اسمه speed valve بيتحكم فى البور ويتقل الدركسيون كلما زادت السرعة
هناك بعض الناس بتوع العفشة ليهم حلول غريبة للموضوع ده بس انا لم اجربها لانى كان عندى سيارة لادا وكنت اعانى من الموضوع ده واعتقد انه بيركب قطعتين على البارات زى مساعدين بحجم صغير على ما اتذكر او شئ زى كده بيخلى الدركسيون خفيف بس الموضوع ده هيترتب عليه فقدان الضمان والله اعلم
مع الوقت هتتعودى على الدركسيون وهيكون الامر طبيعى وأسال الله عز وجل انه يصلح لك الحال ويرضيكى بما قسم لكى
تقبلى تحياتى

جزاك الله الف خير وانا والحمد لله راضيه بما قسم الله لى لانه الخير والعربيه انا مقتنعه بيها جميله بس الواحد لما بيكون شارى حاجه جديده بيحب يشوف الشئ على الاقل فى الاول كامل ان شاء الله بسيطه ودلوقت رايحه الصيانه اسمع منهم ايه النظام وان شاء الله حقللكم اللى حصل وربنا يباركلكم