عرض للطباعة
السلام عليكم
الان العربية عملت حوالي 58000 و بفكر قريب اروح اخلص من صيانة ال60000 و بالمرة يشوفوا الرعشة اللي في العربية دي عشان لو كويل ولا حاجة يغيروه ان شاء الله و كمان التيل شكله محتاج يتغير و المساحات (ربنا يستر بقى على الفلوس :d )
بس محتاج اعرف هم بيعملوا ايه في الصيانة دي و بيغيروا ايه بظبط فيها ؟
و سعرها فعلا 3000 جنيه شامل الضريبة ؟
شكرا
شوف الموضوع ده
http://www.nilemotors.net/Nile/182970-60-ii.html
مساحات مو 2007 و طالع = 330 ج بدون ض. م.
ما تفكرنيش بالمساحات يا سيادة العقيد...
و لو إن بتوعى بعد استعمال متكرر فى يوم مطير كان كويس
هما بس بيكونوا مش ولا بد لما أستعملهم فى غسيل الزجاج
ملاحظ كمان إن الرشاشات الشمال ضغط المياه فيها أقل من اليمين
فعلا صيانة ال 60 ألف بتتكلف فى التوكيل 3 آلاف جنيه أو أقل بشوية و فيها بتتغير مجموعة سيور ( كاتينة و دينامو ) و ترس ال Dephasor و طلمبة المياه....بس الفرق فى العربية يستاهل و هى مرة كل 3 سنين ( على اعتبار إنك بتعمل 20 ألف فى السنة )
طيب سعر التيل عندهم كام طالما مش من ضمن صيانة ال60 ؟ لأنه غالبا هيتغير
تقريبا... تيل + مصنعية + ض. م. = 600 ج للأمامي ، 500 ج للخلفي
أنا بشتري تيل "رمسا" الأسباني و أغيره بمعرفتي : 270 ج للأمامي ، 180 ج للخلفي بالمصنعيات (كل على حدى) .
طيب انا دلوقتي العربية عاملة 58200 كيلو بظبط ,, بس السحب بقى بطئ و استهلاك البنزين بقى زيادة عن الطبيعي فهي مش متظبطة كده و بفكر اعملها صيانة ال60000 كيلو بكرة ان شاء الله, محتاج اعرف رأيكم ؟
و حاجة تانية, هل المساحات بتتغير في الضمان لما تكون بتفوت يعني مش بتمسح اجزاء من الزجاج ؟ تيويوتا عملوا كده.
شكرا
لأ ..صعبة شوية حكاية المساحات دى.....خصوصا إنها حتة كاوتش..ما أسهل يقول لك عمرها كده 3 سنين بس..أو عيب استخدام أو غيره...
إلا إذا كان يوجد عيب بالموتور بتاع المساحات مثلا فيمكن التفاوض لو داخل الضمان