خلاصة الكلام فى النوبيرا الاوتوماتيك

**3ateef** · 14-01-2011 10:37 PM

صدق توقيع الاستاذ محمد ممدوح...

**Sherif Khalifa** · 15-01-2011 01:01 AM

وجهة نظرى الشخصية جدا

فتيس النوبيرا فعلا علية كلام كتير

بس فى نقطة ان الفتيس مش هيبوظ منك كل يوم يعنى لو لا قدر الله عمل مشاكل سعر فتيس تانى استيراد فى حدود 1200 جم او يزيد حاجة بسيطة
بالمصنعية ممكن تكون التكلفة فى حدود 1700 جم

انت لو عملت اى شغلانة كبيرة فى العربية زى تغير اسطوانة دبرياج هتتكلف حوالى 700 جم
و لو شغلانة كبيرة فى المتور ممكن جدا توصل لاكثر من كدة

يعنى انا شايف ان تكلفة صيانة الفتيس عادية و هتحل المشكلة و كمان مش شرط اصلا يطلع نصيبك ان الفتيس هيبوظ

**Hany A Fattah** · 15-01-2011 01:41 AM

المشاركة الأصلية كتبت بواسطة sherif khalifa

وجهة نظرى الشخصية جدا

فتيس النوبيرا فعلا علية كلام كتير

بس فى نقطة ان الفتيس مش هيبوظ منك كل يوم يعنى لو لا قدر الله عمل مشاكل سعر فتيس تانى استيراد فى حدود 1200 جم او يزيد حاجة بسيطة
بالمصنعية ممكن تكون التكلفة فى حدود 1700 جم

الفتيس الاوتو الاستيراد 750 جنيه والموتور كامل بالفتيس 3500

**bahaaothman** · 15-01-2011 10:54 AM

والدبرياج برضه بيبوظ من الاستخدام اللى مش مظبوط يعنى كده مافيش فرق بين المانوال والاوتوماتيك هى يمكن كانت تفرق لو سعر الفتيس الاوتوماتيك كان غالى بيتهيالى ان اول مالعربية نزلت كان غالى جدا عشان كده الناس حست ان الاوتوماتيك وحش بس دلوقتى خلاص الفتيس الاوتوماتيك تقريبا نفس تمن تغيير طقم الدبرياج

أصل النوبيرا دى عربية جميلة جدا ومناسبة جدا لمصر وسعرها معقول بس لو اوتزماتيك كمان تبقى احلى عريبة فى الدنيا :)

**omar4_all** · 15-01-2011 02:33 PM

يا جماعة بس انتو بتتكلموا في ايه ياريت اللي يقول رايه يكون عن تجربة انا معايا نوبيرا 2001 اوتوماتيك ( قديمة يعني ) حالتها ممتازة اشتريتها من حوالي سنة ونص الجير بوكس بتاعها الاصلي متغيرش خالص يعني شغال من موديلها وكفاءته عالية جدا وسحبه ممتاز والعربية فعلا فعلا احسن من المانيوال عن تجربة مع زملاء لي معاهم مانيوال المشكلة ان احنا معندناش فكرة عن سواقة الاتوماتيك كله فاكر ان السواقة بتاعة الاتوماتيك اني احط الفتيس علي ال d وامشي وخلاص لا يا جماعة في الزحمة بغير بين ال n وd علشان العربية متبقاش واقفة ومحملة علي الفتيس وعلشان كده الغيار بين الاتنين بدون زرار الامان والمشكلة الكبيرة لاي فتيس اوتو انك تغير من الامام للخلف ( d r ) والعربية بتتحرك وعلاوة علي كده صيانة الزيت والبطارية الجافة وكل الكلام الجميل ده لكن عموما الاوتو في النوبيرا ممتاز جدا والميزة الوحيدة للسمعة الوحشة اللي مش حقيقة خالص ان سعرها نزل شوية عن المانيوال بسرعة بقة نشتريها هههههههههههههههههههه

**Sherif Khalifa** · 15-01-2011 02:37 PM

المشاركة الأصلية كتبت بواسطة omar4_all

يا جماعة بس انتو بتتكلموا في ايه ياريت اللي يقول رايه يكون عن تجربة

على فكرة مفيش ولا رد فى الموضوع دا قال ان الاتوماتيك وحش !

**MMamdouh** · 15-01-2011 02:49 PM

انا بردة محتار فى الموضوع دة لان فيه ناس اشتكت من الفتيس و ناس لا... و الفتيسات فى العربيات دى كلها موديل واحد.... مما يعنى ان الفتيس مش هو المشكلة

اعتقد الموضوع يرجع لطريقة استخدام و مراعاه صيانة اكتر من اى حاجة تانية... و الا فما تفسير ان ناس كتير معاها نوبيرا اوتو و ماشية زى الفل؟؟؟؟

اعتقد برضة ان الناس اللى حصلت عندها مشاكل كانت شاريه العربية مستعملة بالتالى متعرفش اى حاجة عن حالة الفتيس ولا صياناتة السابقة اللى عملها المالك السابق للعربية (اذا كان عملها اصلا).. و ممكن يكون البعض منهم هو شخصيا اهمل فى صيانة الفتيس بالتالى حصلت عندة مشاكل

انا طبعا بقول الكلام دة بناء على ملاحظاتى من القسم هنا و من اصحابى مش عن تجربة شخصية بالتالى الكلام ممكن يبقى صح او غلط

MMamdouh

**Unknown88** · 15-01-2011 04:05 PM

انا عندي نوبيرا 2004 اتوماتيك وبصراحه الفتيس زي الفل ومفيهوش اي مشاكل والعربيه عامله حوالي 130 الف كيلو وعمري ما اشتكيت من الفتيس خااااااالص .

-

الموضوع: خلاصة الكلام فى النوبيرا الاوتوماتيك

LinkBack

أدوات الموضوع

عرض

-

-

-

-

المواضيع المتشابهه

خلاصة الكلام في الاكسنت 2011 rb

ايه خلاصة الكلام في فوائد البنوك

خلاصة الكلام في ثبات الياريس

COROLLA NEW MODEL Mmt- خلاصة الكلام

خلاصة الكلام فى موضوع الكورى .....

الكلمات الدلالية لهذا الموضوع

المفضلات

المفضلات

ضوابط المشاركة