خلاصة الكلام فى النوبيرا الاوتوماتيك

**M.Zaher** · 15-01-2011 06:54 PM

خلاصه الكلام في النوبيرا الاوتوماتيك
عربيه زي اي عربيه تانيه
حافظت على الفتيس هاتلاقيه زي الفل و مابيعملش اي مشاكل معاك
تغير زيت في معاده و تغير كابل الكيك داون برضه مهم جدا جدا و طبعا ماتنقلش بين r و d غير و العربيه تكون واقفه تماما
سحب العربيه اقل من المانيوال طبعا بس بعد 3 ار بي ام العربيه جامده جدا و السحب شديد
استهلاك بنزين عادي جوه البلد وموفره جدا في البنزين لو على الطريق السريع الكلام ده لو العربيه كلها سليمه بما فيها الفتيس يعني فلاتر و زيوت و فتيس بينقل على 2.5 : 3 ار بي ام
سحب العربيه احسن من اللانسر الاوتو ال 1300 بمراحل
سعرها بيكون اقل من المانيوال عند الشراء
لو ادامك نوبيرا اوتو حالتها كويسه و فتيسها كويس توكل على الله و مش هاتندم ابدا و سيبك من الفتايين

**bahaaothman** · 15-01-2011 10:58 PM

انا فعلا قدامى نوبيرا اوتوماتيك 2002 عاملة 70000 كم فابريكة برة وجوة ومافيهاش غلطة صاحبها معاه من 2004 ومحافظ عليها جدا و كل الصيانات فى ميعادها وبعد الفصال وصلت معاه ل 48500 هو السعر ده كده كويس ولا ايه

وبعدين ايه اخبار استهلاك البنزين يعنى هيفرق كتير عن المانوال ؟؟؟

**omar4_all** · 16-01-2011 07:49 PM

المشاركة الأصلية كتبت بواسطة bahaaothman

يا ريت تقولنا ايه أحسن طريقة لسواقة وصيانة الفتيس الاوتوماتيك عشان دلوقتى انت تعتبر قصة نجاح :) لاوتوماتيك النوبيرا

الفكرة باختصار شديد انك متحملش علي اي فتيس اوتوماتيك عموما يعني متكونش واقف بالعربية وماسك فرامل لمدة طويلة لان ده معناه ان فيه دفع خارج من الفتيس وانت مانعه من الحركة ودايما في الحلات ديه نضع الفتيس علي n يعني نمور زي المانيوال ومننقلش بين الغيارات ابدا والعربية ماشية وخصوصا بين الامام والخلف والزيت بيتغير كل 20000 كيلوا واستعمل نوع زيت كويس ( انا بحط موبيل ) ومعاه غير الفلتر والبطارية الجافة اساسية في الاتوماتيك وبلاش الكيك داون كتير لانه مجهد جدا للفتيس لو استعملنا العربية كده صدقوني والله كويسة جدا ومش هتتعب اللي راكبها خالص وبالتوفيق للجميع