اذا الشعب يوما أراد الحياة.............. تحية لكل تونسى حر

**nonetta** · 14-01-2011 11:45 PM

المشاركة الأصلية كتبت بواسطة mrwho1982

هههههههههههههه الي مزبلة التاريخ ......اللي بعده

المشاركة الأصلية كتبت بواسطة mr_vampire

الله ينور عليك ياباشا. كدة انتا لاقطني صح

شكلكوا مش هتجيبوها لبرررررررررر

**abo_anas** · 15-01-2011 02:30 AM

المشاركة الأصلية كتبت بواسطة mrwho1982

هههههههههههههه الي مزبلة التاريخ ......اللي بعده

احم احم احم كوبايه ينسون هنا يابنى.....

ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال

عم نجم

**casperinoo** · 15-01-2011 02:46 AM

"المخاض عسير و الولادة قيصرية... تحملي الألم يا تونس فالمولود اسمه ......الحرية"

**tkamal** · 15-01-2011 04:16 AM

مصر هيكون شكلها وحش قوى لو حصل فيها توريث

**nevozaky** · 15-01-2011 04:42 AM

تونس بها شعب يستاهل ان احنا نحييه ونؤيده .وعقبالنا يا رب لما نبقى زيهم

المشاركة الأصلية كتبت بواسطة casperinoo

"المخاض عسير و الولادة قيصرية... تحملي الألم يا تونس فالمولود اسمه ......الحرية"

الحرية فعلا تمنها غالى اوى بس للى يقدر عليه

**W77** · 15-01-2011 10:32 AM

انتفاضة الشعب المصرى بقالها سنين ولسه زى ما احنا وده علشان كلها كانت خلف الاجهزة و على الفيس بوك و المنتديات
اما انتفاضة التوانسة بقالها ايام و نجحت وده علشان الناس دول اتحركوا

**amro1965** · 15-01-2011 11:01 AM

انفاضة التوانسه مش من ايام ولا وليدة الصدفة
الكيل عندهم طفح بسبب الرئيس اللى اذاقهم الوليات علشان تدخل تصلى كام عامل ماكينه علشان يعرف كم اديت من الفروض وخلافه كتير طبق على نفس التوانسه وضع الاغلال فى اعناقهم
واليوم استطاع المارد التونسى ان يكسر الاغلال ولم ترهبه رصاص الديكتاتور الظالم
وعندما فشل الديكتاتور الظالم اجهاض الثورة قال
اشيل الوزارة
رد الشعب
احنا محتاجين ترحل انت ووزارتك
رد الديكتاتور الطالم
هوفر لك 700 الف فرصه عمل
وها
وها
وها
لكن الشعب اتعلم من الدروس السابقة واستمر فى عصيانه
النتيجه
هروب الديكتاتور الظالم هو ومن سيتبعه اليوم وغدا
لكن هيهات هيهات
سوف تلاحقهم اصوات المظلومون والمقهرون وسوف يحاسبون عاجلا ام اجلا

متى نفوق من الكابوس الذى نعيشة الان

**wael3m** · 15-01-2011 12:01 PM

عارفين حاجة ياجماعة
ان إحنا كننا ممكن نتحرر من النظام دا سنة 2008 بس للأسف محدش خد باله
إزاى ياعم الكلام دا ؟؟؟؟

يوم 6 و 7 و 8 إبريل فى المحلة الكبرى اللى أنا فخور أوى انى اتربيت فيها
البلد لبت نداء الاضراب العام اللى قالوا عليه يوم 6 ابريل وتقريبا البلد الوحيدة على مستوى جمهورية مصر العربية
اللى اتحركت بجد وحصل صدام بين شعب المحلة وقوات الشرطة وكان ممكن يتكرر نفس سيناريو تونس
بس للاسف بقيت المدن التانية وقفت موقف المتفرج وبقوا يتفرجوا على التليفزيون وعلى النت ومحدش نزل الشارع بجد

هو أسبوع واحد ننزل فيه الشارع البلد بجد هتوقف

**تامر.محمد** · 15-01-2011 02:21 PM

الأول

و للأسف , ما مشيش و خلاص , ده مشي و سايب اتباعه يخربوها

الجزيرة قالت بأن عصابات السلب والنهب هي مليشيات تابعة لنظام الديكتاتور بن علي كما توقعنا
وهذه صورة للشرطة التونسية وهي تقوم باعمال النهب

وتواصلت صباح اليوم السبت التظاهرات في كل أنحاء تونس خاصة في العاصمة تونس ومدينة بنزرت ضد بقاء محمد الغنوشي وعبد الله القلال وغيره من أعوان الرئيس السابق.

إسرائيل تأسف لرحيل "زين العابدين" وتصفه بأكبر الداعمين لسياستها "سراً" فى المنطقة.. والتليفزيون الإسرائيلى يصف هروبه بـ "دراما" سطرها التاريخ.. وصحف تل أبيب: بعض الرؤساء العرب ينتظرون مصير بن على

وأضافت المصادر الإسرائيلية أن فرار الرئيس التونسى مساء أمس، الجمعة، وتوجهه لمدينة جدة بالمملكة العربية السعودية، بسبب الثورة التى وقعت بالشوارع والأحياء والمدن التونسية مؤخراً جعلت الأوساط السياسية الإسرائيلية تخشى بشدة أن يأتى حاكم تونسى جديد يغير السياسة التونسية وينظر إلى إسرائيل على أنها "عدو" وليست دولة صديقة كما اعتبرها زين العابدين من قبل.

اليوم السابع | إسرائيل تأسف لرحيل "زين العابدين" وتصفه بأكبر الداعمين لسياستها "سراً" فى المنطقة.. والتليفزيون الإسرائيلى يصف هروبه بـ "دراما" سطرها التاريخ.. وصحف تل أبيب: بعض الرؤساء العرب ينتظرون مصير بن على