الموضوع: حادث سيراتو هو في اية

المشاركة الأصلية كتبت بواسطة all_new_cerato

ياريت لاي واحد مش فاهم يعني ايه عفشة ويردد كلام ملوش اي علاقة بالصحة ويقول ان عفشة السيراتو وحشة وهي السبب في الحوادث هاقوله كلمتين:
1. عفشة السيراتو هي هي عفشة الجولف 4و الكورولاو الصني والتيدا والكروز و و و و (ماكفرسون قدام و تورشون اكسل بيم ورا) ومسمعتش حد للاسف قال علي الجولف (4) مثلا انها مش استابل. ده ان كان يعرف يعني ايه عفشة اصلا
2. اكيييد الحوادث ده كلها لان العربيه موتور وعزم كبير يغري اي حد انه يجري بيها. (انا جبت بيها 200 حوالي 3 مرات بس طبعا في طرق سريعة وممهدة وانا عارف ان ده مش شطارة بس كانت العربية اكتر من رائعة ) و للاسف الحاجة اللي كلنا عارفنها و بنتهرب منها ان كل شيء بيد الله عز وجل وده قدر ونصيب والسواقة مالهاش كبيير.

يا باشا هدى نفسك ... الحمدلله العربية معروفة و اثبتت نفسها و دلوقتى نادرا لما تلاقى شارع مافيهوش سيراتو.....احنا مش 20 واحد لبسوا فى عربية و بنحاول نعملها سوق...

المشاركة الأصلية كتبت بواسطة NFS

العفشة الناشفة هى الافضل فى الملفات لانها بتحتاج قوة و تحميل من العربية اكبر علشان تعمل نفس المشوار الى بتعملة العفشة الناعمة بقوة و تحميل اقل, و القوة الزيادة دى هى تحليل لل g force الى العربية بتتعرض له, و الg force بتزيد مع زيادة سرعة العربية و انحناء الملف, يعنى من الاخر العفشة الناشفة بتقدر تحافظ على الشكل الهندسى للعربية( less body roll ) على سرعات عاليه اكتر من العفشة الناعمة.

اؤيدك في كل كلمة.
يا جماعة العافشة ال hard كويسة في الملفات كمثال: لو هتاخد ملف يمين يبقي العربية هتترفع من الناحية اليمين شوية عن الارض وهي ده اللي ممكن تسبب القلب وده يعتمد علي المساعدين hard ولا soft وطبعا لو hard هيبقي نسبة تحميل الجنب الاخر للعربية (الشمال او المعاكس لاتجاه الملف) هتبقي قليله وبالتالي العربية مش هتترفع عن سطح الارض من الجنب التاني و هتفضل ملامسة للارض. ولو تلاحظو هتلاقو عربيات الرالي و سباقات السرعة المساعدين ناشفة.

المشاركة الأصلية كتبت بواسطة think_pad

يا جماعة الخير ليه الخلاف

مفيش مشكله خالص كل واحد مشتري السيراتو وعجباه ربنا يباركله فيها ويديله خيرها ويكفيه شرها

أما بقى إنها مش ثابته وإنها وحشه دي وجهات نظر ومحدش يزعل

كل واحد بيحكم من وجهة نظره بس أغلب ملاك الكيا السيراتو مبسوطين جدا بثباتها وأنا واحد منهم وما بشتكيش من أي حاجه الحمد لله لا في ملفات ولا في غرز وعلى سرعات لحد 210 وربنا يسترها معاكم ومعانا
ويعوض عل صحاب العربيتين

قولو أمين :)

هو اللى انا بحاول افهمو بجد هو ليه كل التعليقات السلبية جاية اصلا من ناس بتقول سمعت و لما كنت راكبها مع انكل وليد و اخويا لما طلع بيها ليبيا ... انا شايف ان اللى من حقه تقييم اداء العربيه هما الناس اللى راكبة العربية بقالهم اكتر من سنة و ده بجد مش تحيز بس انا معايا العربية من سنة و اربع شهور .... ثبات العربية ممتاز لحد 150 او 160 اكتر من كده معرفش لأن مجتش فرصة ازود عن كده و اصلا مش المفروض الواحد يزود عن كده الطرق عندنا اصلا متهالكة ... و الحمد لله العربية هايلة فى الملفات و عمرها ما كانت بتحدف منى و لا اى حاجة من الكلام ده ... كمان العربية اتخبطت منى مرة فى عمود حديد كان فى الشارع و انا راكن جنبو المهم و انا طالع منو مشفتوش المهم الخساير كلها كانت مجرد تطبيق خفيف فى الباب و انا بحلف بجد ان نفس الخبطة دى من كام سنة فى عربية اخويا الفورد الباب اتقطع و اتغير و مكانش فى ايامها وكيل لفورد و مكانش عارف يعمل ايه .... انا لحمد لله وديتها فى مركز تبع التوكيل فى المعادى عملوها فى 3 ايام .... انا بحب عربيتى و بحب توكيلها و ان شاء الله ربنا يحافظ علينا كلنا و يكفينا شر الطريق :)

المشاركة الأصلية كتبت بواسطة All_New_Cerato

اؤيدك في كل كلمة.
يا جماعة العافشة ال hard كويسة في الملفات كمثال: لو هتاخد ملف يمين يبقي العربية هتترفع من الناحية اليمين شوية عن الارض وهي ده اللي ممكن تسبب القلب وده يعتمد علي المساعدين hard ولا soft وطبعا لو hard هيبقي نسبة تحميل الجنب الاخر للعربية (الشمال او المعاكس لاتجاه الملف) هتبقي قليله وبالتالي العربية مش هتترفع عن سطح الارض من الجنب التاني و هتفضل ملامسة للارض. ولو تلاحظو هتلاقو عربيات الرالي و سباقات السرعة المساعدين ناشفة.

w el hard da hyfdal hard l7ad 2emta l7d m te2lb wla 2eeh

ana 3ayez a2ol 7aga ay 3arbya b jant kbeer btb2a sabta bs lama bt3om f el 3'alb bt2lb 3amla zay m tkon 7adrtk labs gazma kbera ah htdek sbat bs law atk3blt hto23