المشاركة الأصلية كتبت بواسطة benmatar
السلام عليكم،،
أولا قرار سليم بإنك اختارت 406 بجد عربية كفاءة بكل المقاييس بس تسمحلي أوضح لحضرتك حاجة ألا وهي إن السعر ده عالي حبتين، إزاااي؟ هنصح حضرتك واقبل نصيحتي من واحد ركب 3 بيجو 406، وربنا يقدرني أنفعك، أولا لازم تعرف إنها عربية ممتازة فعلا بس الطلب عليها قليل وأسعارها منخفضة يعني 406 موديل 99 وحالتها جيدة جدا تعمل 55 ألف ولو حالة فريدة تزيد شوية بس مش لدرجة 60 لأنك ممكن تشتري الشكل الجديد اللي بدايته من 2001 بداية من 63-64 ألف المهم نركز على الحالة، عشان ماطولش عليك أنصحك تسأل واحد واتنين وتلاتة بس إحذر من التوكيل حتى لو اشتريتها ودي نصيحة واحد مجرب سنين ومتتعاملش مع مركز بيجو الجيزة اللي في أول شارع الهرم، أحسنهم أحمد عمارة في مصر القديمة عند سور مجرى العيون أمام مرور عين الصيرة غالي شوية بس تمام وأرحم من التوكيل وروح وشوف الزحمة اللي في كل مركز واحكم بنفسك... وعندك الحاج محمد في جسر السويس عند محطة التعاون وممكن تسأل عليه وعندك الأسطى حامد في امبابة عند مستشفى الحميات كويس ومتخصص... المهم تكون عربية أساسيتها سليمة ومش متهانة لأني هقولك معادلة مهمة في ال 406 وهي إن العربية دي تستحمل البهدلة والستخدام الشاق ومايبانش عليها، فلو لقيت واحدة متبهلة إعرف إنها متهانة وصاحبها أهملها ويارب أكون نفعتك والسلام عليكم