معلومة غريبة جدا عن الزيوت

**Islam_galal** · 03-04-2008 01:09 PM

الزيت العادي (المعدني) هو زيت طبيعي من الطبيعه يضاف إليه إضافات كيميائية قليلة لتحسين الخواص
الزيت التخليقي: في منه نوع به زيت طبيعي و إضافات كيميائية كثيرة
و في نوع أخر عبار عن مركبات كيميائية بالكامل

ملحوظة : الزيوت التخليقية أشد ضررا علي البيئة بشدة من الزيوت المعدنية و لا يستحب التعامل معها بتلامس مباشر بالجلد

**salah_moahmed** · 09-04-2008 02:35 PM

يمكن تكون تجربتي تريح الناس انا فعلا جربت الموضوع داه وحدة وحدة يعني مرة اخلي الزيت 10.000 يعمل 11.000 واكثر فاكثر وكل كانت نتائح كانت رائعة الزيت بينزل من العربية حالته جيدة وانا ياجماعة بشغل زيت موبيل ووصلت لغاية دلوقتي 15.000 كم وبصراحة هقف عند هذا الحد مش عايز 3 الاف الباقيين الزيت بينزل من العربية درجة لزوجة ممتازة ودرجة لون متوسطة واللي بيغيرلي الزيت في المحطة بيقولي الزيت كويس .
وكمان عشان تبقو عارفين انا شغال في جنوب سيناء درجات اعلي درجات حرارة من القاهرة طبعا .

**zakiali** · 10-04-2008 05:28 AM

انا بحط زيت شيل هيلكس 5000 ينفع في الصيانه الجايه احط زيت موبيل 1 - 10000 ؟ هل تغيير نوع الزيت خطر علي الموتور ؟؟

وشكرا جزيلا

**محمد ابراهيم 1** · 10-04-2008 04:33 PM

ضاع الحق
الحصول على معلومه زى دى أصبح كأنه إتجار فى المخدرات

**Islam_galal** · 11-04-2008 07:23 PM

المشاركة الأصلية كتبت بواسطة zakiali

انا بحط زيت شيل هيلكس 5000 ينفع في الصيانه الجايه احط زيت موبيل 1 - 10000 ؟ هل تغيير نوع الزيت خطر علي الموتور ؟؟

وشكرا جزيلا

بحسب المعلومات بجاني اسم حضرتك عربيتك فيرنا 2008
لو حضرتك ما حرقتش زيت بمعني سفر طويل أو عدد كم كتيير (اكتر من 10000) ممكن تغير بأمان غير كدة بتبقي فيه نسبة مخاطرة علي حسب استهلاكك للمحرك

طبعا التغيير لا يسري علي المحركات القديمة لأن استخدام الزيوت التخليقيه بعد استخدام الزيوت اللمعدنيه لفترة طويلة ممكن يؤدي لتفويت الموتور

**zakiali** · 12-04-2008 02:04 PM

المشاركة الأصلية كتبت بواسطة Islam_galal

بحسب المعلومات بجاني اسم حضرتك عربيتك فيرنا 2008
لو حضرتك ما حرقتش زيت بمعني سفر طويل أو عدد كم كتيير (اكتر من 10000) ممكن تغير بأمان غير كدة بتبقي فيه نسبة مخاطرة علي حسب استهلاكك للمحرك

طبعا التغيير لا يسري علي المحركات القديمة لأن استخدام الزيوت التخليقيه بعد استخدام الزيوت اللمعدنيه لفترة طويلة ممكن يؤدي لتفويت الموتور

شكرا علي ردك كلك زوق .

**ابو سيف** · 12-04-2008 02:22 PM

تسلم يا ابو عبد الله بس للأسف بالنسبه للعربيات الزيرو انت مرتبط بمواعيد صيانة يعني للأسف متقدرش تقولهم انتو حاطين ليا زيت تخليقي و مش هاجي على صيانة ال 10 الالف اغير زيت هغيره على 20

مظنش ان دة ينفع

الحاجة الاهم اللى عايز اسأل فيها هل زيت المحرك في العربيه له فترة صلاحيه ؟؟؟؟؟؟؟

يعني بمعنى اصح هل هو مثلا بيكون 10 الالف كيلو او 3 شهور ايهما اقرب؟؟؟؟

يعني لو مشيت 5 الالف كيلو و لكن في سنه !! هل دة يضر المحرك لأن الزيت كدة صلاحيته انتهت و تحت اي ظرف مهما زادت عدد الكيلو متر اللى ممكن تمشيه مبنفعش يفضل في العربيه اكتر من فترة معيـــنه؟؟؟؟؟

**MEDO80** · 12-04-2008 04:09 PM

اه بيقولوا كدا بس الموضوع دا اعتقد انة مش مؤثر جدا
يعني في موقع موبيل1 بره مصر بيقولوا 25 الف او سنة ايهما اقرب في مصر و الدول المتخلفة اقصد العربية بيقولوا 6 شهور او 10 الاف كيلو اشمعني بقي
و لا يمكن علشان احنا زبايين و لا اية الله اعلم