معلومة غريبة جدا عن الزيوت

أبو عبد الله*** · 31-03-2008 04:21 PM

السلام عليكم
أثناء تواجدي بأحد معارض البترول- بحكم عملي- دار نقاش بيني و بين أحد العاملين في شركة التعاون للبترول في جناح الشركة بالمعرض و أوضح لي معلومة جديدة و غريبة أيضا :
و هي ان الزيوت التخليقية تصنع في الخارج بواسطة 3 شركاات عالمية فقط و يتم أستيرادها من قبل الشركات العاملة في مصر مثل موبيل و شل و غيرهم و منهم التعاون و تتم التعبئة فقط في الشركات هنا في مصر و اراني مكتوب علي جركن التعاون صنع في الأتحاد الأوروبي - تعبئة شركة التعاون
بينما الزيوت المعدنية أو المختلطة تصنع هنا في مصر

الحقيقة الكلام ده مفاجأة بالنسبة لي و لكني لا أستبعده علي الإطلاق لأن شغل الدعاية و التسويق يعمل أكثر من كده - المعلومة الثانية اللي خلتني أثق في مصداقية الراجل ده أنه قالي أن صلاحية زيت 10000 توصل لحوالي 18000 و قال أن ده اختبارات تمت بالخارج في معهد الزيوت الأمريكي و شركات السيارات العالمية حيث يقومون بإرسال عينات من الزيوت لهم لتحليلها و لتجربتها علي جهاز محاكي للموتور فكان أقل مدة قياسية هي 18000
ما تعليق الأعضاء الكرام علي هذا الكلام.

**eng_mkhalaf** · 31-03-2008 07:28 PM

موضوع ال 18 إلف دة أنا بردة سمعتة من مهندس موبيل إللى بيجى عندنا المصنع يتابع حالة الزيوت على خط الأنتاج وأكد على الكلام دة معايا

**ahmedsrs** · 31-03-2008 08:47 PM

هم ممكن يكون الكلام ده صحيح بس مين الى هيجيلو قلب يسيب الزيت 18000 فى الحر والزحمة والقرف بتاع الشوارع

**paladin** · 31-03-2008 10:44 PM

i have always said that and it is true co-op 1 is manufactured in Europe
also only Mobil and co-op have Licenses from API

**MEDO80** · 31-03-2008 11:08 PM

دية مش اول مره اسمع الموصوع دا يمكن للمره العاشره و اعتقد ان فية علي الاقل شيء من المصداقية بس المشكلة ان مفيش حاجة موثقة بالكلام دا و خصوصا بالنسبة للجو و ظروف التشغيل بتاعاتنا و الزيوت الموجودة عندنا المختلفة عن زيوت بره
و لو لقيت دراسة او تحليل بتكون عن مثلا موبيل1 الي موجود في الولايات المتحدة او اوروبا ( اختلاف في الزيت و بيئه التشغيبل) فياريت لو فية حد يجيب حاجة موثقة او حد متخصص في الموضوع دا

**eng_mkhalaf** · 03-04-2008 12:22 AM

و خصوصا بالنسبة للجو و ظروف التشغيل بتاعاتنا و الزيوت الموجودة عندنا المختلفة

الموضوع دة مقلقنى بردة ويستحسن نغيرة كل 10 إلاف - الطرق هناك طوالى لكن هنا عجالى :)

**Akram** · 03-04-2008 01:55 AM

هو الكيلو بكام من العجالي :) :) :)

**Islam_galal** · 03-04-2008 10:51 AM

الزيت التخليقي فعلا بيعيش أكتر من 10000 كم بس فيه حاجه اسمها معامل الأمان
لأن مصنع الزيت لو اختباراته بتقول ان كل العينات في التحليل لغاية 18000 كم كويسة و كتب كده علي العبوة ، أي احتمال للخطأ يعني قضايا و تعويضات و انهيار للماركة التجارية.

كل الزيوت التخليقيه للمحركات لا تصنع في مصر دي حقيقه
بس خللي بالك من نضافة التعبأه علشان كده متشتريش إلا من شركة عندها نظم جودة و بتخاف علي سمعتها ( أكيد الجمعيه التعاونية لأ)

**Ahmad Allawy** · 03-04-2008 11:26 AM

الكلام ده انا عارفه من واحد قريبي شغال في شركة كالتكس..
وقالي فعلا ان الكلام ده كله شغل مبيعات.. حركات يعني..
واقصد حكاية ال5 الاف و ال3 الاف كيلو دي..