الموضوع: المية وصلت عندى لنص العربية !!!!!!!!!!!!!!!!!

السلام عليكم يا رجالة ,,,

للاسف ,,امبارح الجمعة ,جالى مشوار قولت اخلصو فى عز المطرة دى ,,,المهم وانا راجع البيت مشيت فى شارع جنب المطار ,كان مليان مية ,,اا دخلتو عادى ,,,فجأة لقيت نفسى بعوم بالعربية ,,,ببص من الشباك لقيت المية واصلة لحد البلاستكة السودا اللى على الابواب ,,,تخيلووووووووووو ,,,انا لقيت العربية بتطلع دخان والناس بتقولى اطلع من هنا زى مشفتو فى الفيديو ,,اترعبت خصوصا وانا شايف ان فى عربيات كتير عطلت مرة واحدة ,,قعد اسمى و ادعى ان العربية متقفش منى ,, فى ناس عربيتهم وقفت فى المية و الناس قلعت جزمهم و شمرو و نزلو من الزجاج و الله كأنهم نازلين بسين ,,يا نهار اسود ,,الشكمان كان غطسان فى المية ,,,,,كنت مرعوب ان المية تدخل العربية من الابواب او الشنطة ,,اعدت امشى واحدة واحدة لحد مطلعت من المية و سايب ورايا عربيات كورى و يابانى موديل السنة عطلانين ورايا ,, اللى طلع من حمام السباحة دة انا و اوكتافيا A4 وبيجو 308 ,,

عشان تقدر انا كنت غرقان ازاى عايزك تركز فى الحاجات دى فى الفيديو :
1-سور المطار – المية معدياة و داخلة ارض المطار
2-الجيب البيضا الى كانت ماشية جانبى – شوف الاكصدم بتاعها
3-الاوكتافيا كانت غرقانة ,,,و الاوكتافيا دى اعلى منى بكتيييييييير
4-الميكوباص اللى على اليمين
5-شكمان الفيورا ,,,و على فكرة الحارة اللى كانت ماشية عيها اعلى من الحارة بتاعتى
6-اتوبيس شرق الدلتااااااا
8-النص نقل البيضا اللى على اليمين و دة اللى قالى انت غرقان زى مهتسمعو فى اخر الفيديو ,,,

http://www.youtube.com/watch?v=r5Ye3_Wwmho

فعلالالالالالالالالالالال ا ,,والله مفى زى اللاندروفر ,,قصدى الفكتراااا دى ابدا ,,,

المهم بعد متطلعت العربية قعدت تخبط شوية و قمت قارص عليها ,,لحد مسخنت و مشيت عادى خالص ,و ال ABS عمل معايا احلى شغل ,كنت اجرى على 100 فى وسط المية و اقوم مفرمل و ادخل يمين ,,,,بجد متعةةةةةةةةةةةةةةةةةةةة

ربنا يحميها ,,,

المشكلة دلوقتى ,,و انا مروح سامع صوت مية فظيييييييييييع لما افرمل تلاقى بتاع 20 لتر مية جايين من الشطنة لحد الكابوت فى ناحية الابواب اليمين ,,و لما اطلع بسرعة تلاقى الصوت عكس يعنى تسمع الصوت جى من الكبوت للشطنة ,,,
لما روحت قتحت الشنطة لقيت الاستبن مبلول طلعتو و نشفتة و نشفت الشنطة و قمت سايب العربية على منحدر جراش قولت يمكن المية محبوسة ,,لقيت برضوا الصوت موجود ,,,قتحت الابواب لقيت مفيش مية ف تجويف الابواب نزلت تحت العربية ملقتش حاجة ,,,

بس الصوت لسة موجووووووووووود ,,,حد عندو فكرة ممكن المية دى تكون محبوسة فييييين ,,يا ريت تجاوبونى لحسن انا قلقان جدا ,,,و الحمد لله على كل شىء