الموضوع: مش عايز العربيات دى خلاااااااااص

المشاركة الأصلية كتبت بواسطة semsem_uno

ياريت تقوللي مالها ال131؟؟
و البولونيز ما عدا تقل دركسيونها؟؟

و انهي موتور من مواتير ال132 بالظبط اغلي من انهي موتور في اللانسر بالظبط ؟؟؟؟؟؟؟ بلاش تعرف سعر الموتور ال2000 في اللانسر بكام احسنلك

و كده يبقي مفيش حاجة ليك الا البولونيز و ال131
و لو انتا مش عايز تغلب نفسك كنت جبت واحدة منهم و ركبت لو في ال131 علبة الدوجان الباور و لو البولونيز كنت جبت علبة دركسيون لموديل بعد 88
و حط في بالك الكلمتين دول (مفيش عربية من دول في حياتك هتشتريها الا لما تجددها و طول منتا سايقها تمام و واخد بالك منها مش بتتعامل معاها انها حمارة هتحافظ عليك)

يا سمم باشا مالك داخل فيا شمال انا ماغلطش فى العربيات دى وماقولتش ان هيا وحشة بس بسبب الاقبال عليها او التقادم حاجات كتير غالية او قطع غيارها بقت صعبة يعنى لما تعرف ان اخص سعر لموتور ال131 هو 4500 ج بعد ما كان ب 2000 جنيه وان مواتير اللانسر تبدا من 2000 ج فى بورسعيد وان كرونة ال 131 ب 2000 جنيه فى حين ان كرونة الزلمكة ب 700 جنيه ممكن تفهم قصدى لان فيه حاجات فئات اعلى بكتير وبسبب قدمها بضه او عدم الاقبال عليها سعرها رخيص زى الهوندا مثلا او المرسيدس والبى ام وحاجات تانية كتير انا محتاج نصايح وتجارب الاعضاء معاهم

اي ماحدش رد يا جماعة هوا مافيش عبيات فى مصر غير دول ولاايه

تحياتى الكبيره لك يا ابو اسكندر .
لو محتاج رأيى عندك اولا لانسر من موديل 97 حتى 2000 الكريستاله يعنى وماتقوليش صاجها ضعيف علشان الكلمه دى بتنرفزنى لان لوجبنا قضيب قطار وصدمناه هيتعوج والا تشوفلك دبابه حربيه بقى احسن هى دى الوحيده اللى متينه عدا ذلك كل انواع العربيات صاج مش حديد
ثانيا عندك الكرولا مثلا العيون برده جميله بيتهيألى دول الاختيارين اللى ممكن ينفعوا معاك من حيث رخص كل شىء قطع غيار وبنزين واعادة البيع سهله وشيك جدا ونعومه ايضا بس اللانسر مش عاليه لما تشيل فيها 5 زى ما بتقول تحك فى المطبات اما التويوتا لا
وتحياتى ليك يا باشا

لو حضرتك بتتكلم في نفس الفئة السعرية للعربيات دي او اعلى حاجة بسيطة ممكن تجرب 505
صدقني مافيش حاجة بتستحمل زيها

المشاركة الأصلية كتبت بواسطة free5800

تحياتى الكبيره لك يا ابو اسكندر .
لو محتاج رأيى عندك اولا لانسر من موديل 97 حتى 2000 الكريستاله يعنى وماتقوليش صاجها ضعيف علشان الكلمه دى بتنرفزنى لان لوجبنا قضيب قطار وصدمناه هيتعوج والا تشوفلك دبابه حربيه بقى احسن هى دى الوحيده اللى متينه عدا ذلك كل انواع العربيات صاج مش حديد
ثانيا عندك الكرولا مثلا العيون برده جميله بيتهيألى دول الاختيارين اللى ممكن ينفعوا معاك من حيث رخص كل شىء قطع غيار وبنزين واعادة البيع سهله وشيك جدا ونعومه ايضا بس اللانسر مش عاليه لما تشيل فيها 5 زى ما بتقول تحك فى المطبات اما التويوتا لا
وتحياتى ليك يا باشا

بس الحاجات دى اسعار مختلفة تماما

المشاركة الأصلية كتبت بواسطة bero0o0o0

لو حضرتك بتتكلم في نفس الفئة السعرية للعربيات دي او اعلى حاجة بسيطة ممكن تجرب 505
صدقني مافيش حاجة بتستحمل زيها

وهيا ال 505 بكام حاليا

هات تمبرا يا باشا مش هاتندم