متيجى نفتح مواتيرنا قبل ما تطلع معاه و نحاول نظبط المواتير شويه
اه رايك
لو وافقت كلمنى على الخاص
انا هعمل زى ما عتريس عمل و بكده ممكن نفتح المواتير ان شاء الله
تطلع على كل غيار لمدة 6 مرات على الاقل على كل غيار و تجيبه من اوله لحد اخره و هكذا
بس كل غيار على حده
و طبعا يكون طريق مفتوح
و انا عامل 15 كم يعنى زيك تقريبا فى المسافه
و فى حركه كده لو طلعت صح زى ما انا فهمت و عملتها صح ان شاء الله تلاقى العربيه احسن بكتير اوى و ممكن تكون ملهاش زمه
بس انا امبارح لما جربت اعمل موضوع التفتيح ده فرقت معايا شويه فعلا
بس شكها كده عوزه كذا مره عشان تحس بفرق جامد
و اعتقد ان ياسر بيجرى و بيشد علطول و ده اللى مخلى كمبيوتر العربيه بتاعه بيديه اعلى اداء و اكيد طبعا على حساب استهلاك البنزين
انا الاول كنت بعمل عكس ياسر
كنت بحاول امرن الكمبيوتر بتاع العربيه انه يوفر بنزين و الطريقه نفعت الحمد لله بس طبعا مكنتش بجرى جامد او بشد
و وضحت اوى معايا فى طريق السفر وفرت الحمد لله كتير اوى وعدت اكتر من 600 كم فى الفول تانك
لكن الاول جوا البلد تقريبا 400 الى 420 كم
و اول ما اشتريت العربيه كانت احسن بكتير اوى اوى طبعا جوا البلد متفهمش ليه.
اعتقد لو ياسر ظبط عربيته و ركبها فتر سبور cai صح ممكن تفرق معاه اكتر من ثانيه او ثانيتين الله اعلم
انما لو مركبوش صح مش هيعمل حاجه خالص غير الصوت العالى فقط من غير اداء
و كمان لو حط مروحه جوا الماسوره و بوجيهات ايريديوم و سلوك ممكن ان شاء الله نوصل 7 لثوانى مثلا او اقل
لان موتور السيراتو ال 2400cc بيعمل من 0 الى 100 فى 7 ثوانى و ده الاستوك من غير لعب
و بردو كفاءة السواق و خبرته بتفرق خالص فى المواضيع دى
للمعلومه صحيح يا جماعه الكيا عموما و الهيونداى تانك البنزين بتاعها بيقبل يتملى بعد اول تكه من 6 الى 10 لتر بجد
اصل انا حصل معايا كده من يومين و مكنتش مصدق و الراجل بتاع البنزينه قالى انا كل الكيا و الهيونداى كده و بالزات الالنترا و السيراتو بس بيقول الالنترا اكتر
و عداد اللى بيحسب انها هتمشى كام كيلو بالتفويله كان كتبلى 380 كم فقط و كنت مفول لحد الزور و لما سافرت بيها عملت 600 تقريبا ,بس من غير تكييف لان الجو كان برد و مقلتش عن 110 كم \ساعه و مزوتش عن 170 و اتلقطت رادار طبعا .....ههههههههههه
و السلام ختام
و انتظروا موضوعى عن تعديل شكل السيراتو و تظبيطها فى الشكل فقط و ليس الاداء انا و زمايلنا فى المنتدى شادى و غيرهم ان شاء الله