عفواً
و
أؤمرني
أنا مركب لنفسي سيموتا ب 120 الشكل المخروطي ،، و مركب مع صحابي الصيني ده الي أسمه "ماشروم " و سيموتا زي بتاعي ،،
و الحياة وردي ،، و كله تمام الحمد لله ... و مش بنغلب :))
المشروم ده آخر مرة سألت عليه كان ب 80 جنيه ،، و فيه السيموتا بتاعي حجم وسط ب 120 ،، و فيه حاجات تانية كتير ،، انت و فلوسك ،،
بس كلهم مش بيفرقوا،، و مش يستاهلوا الفرق الجامد ده في الفلوس لأني شخصياً مش واثق أن كله أصلي ...
انا اللي يهمني فلتر يدخل هوا للعربية ،، و تكون مقاومته للهوا قليلة ،، و يدخله هوا بارد ،، ده اللي بدور عليه أنا و صحابي
و مش الفلتر الصح هوا اللي حيطولي في عمر الموتور الأفتراضي ...
خلينا نتكلم بصراحة ،، لما اروح ادفعلي 200 و حاجة في فلتر سبور ،، علشان خامته اللي بتحافظ على الموتور من الاتربة ،، و انا أصلاً شاكك في السوق و مش ضامن انه اصلي...
قال يعني الاتربة دي لو مدخلتش ،، حتحافظلي على الموتور ،، طيب لو حافظت ،، حتحافظ كام سنة ؟!!
انا واحد كل مشيي حرق و كيك داون ،، دنا لو بدخل للموتور بتاعي هوا من الأوزون نفسه حيبوظ برده :36_2_33:
لا انا لا اي حد من صحابي اللي بيعملو كده في عربياتهم بيبصوا على الخامة اللي تحمي مواتيرهم ،،
يعني مثلاً انا المفروض الموتور يعيش معايا كام سنة ؟! 10 سنين ،، طيب بالحرق على المكنة جامد ،، قل كام ؟!!
بقى 8 سنين ،، طيب بفلتر سبور مش اوي بيدخل تراب ،، قل كام ،، بقى 8 أو 5 ؟!!
يا عم ،، بس انا أعيش سنة منهم :))
و لما يبوظ يحلها حلّال ،، اسقط مكنة تانية ،، اعمل عمرة ،، لكن متقوليش ان واحد غاوي جري و شد و حرق بيدور على عمر موتور ،، لأنه كده كده عمر موتورة قصير ...
عشان كده انا بتخنق شوية من صحابي لما اقلهم عندكم الفلتر ده بكذا و ده بكذا ،، يقولولي لا يا عم ،، الأصلي و الغاي تمنه فيه
اقلهم من حيث ايه بظبط ،، الاقي مبدأهم الحفاظ على الموتور ؟!!!!!
طيب قول من مبدأ الاداء ؟!!
و كمان أصلاً فلتر الهوا السبور مش بيزود أداء بطريقة جامدة ،، ده هوا أخره يزود اداء بمقدار 2% ، ، 3% ،، 5% بكتيييييره !! أياً كانت ماركته !!!
بس أنا عن نفسي فارق معايا في استهلاك البنزين على الهادي ،، و أكل البنزين على الشد ،، و الصوت برده ،، و الاداء ،، لما اكبس على أر بي ام قليل ،، أو أحب أفرك ،، او أخمس لزوم فرح بتاع ،، مش بعرف أعمل حاجة بيه
لأنه بيضيع عزم الموتور على الار بي ام القليل ،، بتضطر أحط الأصلي بتاع العربية ،، و أفرك براحتي ،، و بعد مخلص أحط السبور ..
فعشان كده ،، شوف مبدأك أيه ،، و فلوسك كام ،، و أشتغل براحتك
لكن نصيحة ،، متقوليش مبدأي الحفاظ على الموتور ،،
عايز تحافظ على موتورك ،، خليك في الستوك بتاع العربية ... متغيرش عنه
و متقوليش الأداء الخرافي ،، لأنه أخره 5 % بس ،، و على أر بي ام عالي !!!