الموضوع: مترزعش الباب هتبوظ التربو

المشاركة الأصلية كتبت بواسطة shadygalal669

يا فندم

اكيد هو خايف كمان على المفاتيح اللي في الكونتاكت عشان دي فيها يجي 6 تربو لوحدها

لانه اول ما يفتح الكونتاكت كل التبروهات في التابلوه تبان و تبقي فله

متاخدش في بالك عادي

لا ما هي الكوميديا ابتدت اول ما قالي حتى شوف فيه لمبة بتنور لما الباب يتفتح

المشاركة الأصلية كتبت بواسطة zago

حشرحلك ....
مع انها واضحه جدا
الاخ السواق معاه حق وانت غلطان دي اولا
كان المفروض وانت بترزع الباب تقول كلمه السر ( نوكاستيلاتا باتيستالاتا ) كده لمبه التربو في التابلوه عنده حتنور ويطلع منها دراع فيه كف ولا كف المخبرين ويروح مناول السواق قلم يعدله السوفتوير اللي في مخه

شوفت ؟؟ بسيطه خالص



بجد كل يوم بكتشف مستوى جديد من العبط في البلد دي
انا كنت بحسب الموضوع حكر على الصنايعيه بس ههههههههههههههه

المشاركة الأصلية كتبت بواسطة haroun707

لا اكيد حضرتك بتهزر ومش بتتكلم جد

هو فى كده فعلاً ؟؟؟؟

ينهااااااااااااااااااااار جهل

ولسه ياما حنشوف

انا بقى شوفت بعيني

المشاركة الأصلية كتبت بواسطة hussein_emara

لأ فعلا الراجل ده معدي

اكيد وخصوصا ان دي تقريبا اول طلعة من الكارو على التيوتا على طول

المشاركة الأصلية كتبت بواسطة nonetta

يا جماعة اكيد السواق راح لواحد بتاع ابواب اشتغله الشغل التمام
ليه سوء النية بس
حرام كدة
وبعدين
خنفسة شافت عيالها ماشيين عالحيط قالت يا اخواتى دة لولي مرصوص فى خيـط
دي الحتة المرشيدس بتاعته مستكترينها عليه ليه؟

فعلا المعلومة الهيبة دي جابها من فني ابواب

المشاركة الأصلية كتبت بواسطة shaddadfalcon1

يمكن فاهم ان الباب في موتور بيشده زي ال soft close اللي في العربيات اللي مش هنشفها وفاكر كمان ان الموتور دي تيربو؟
كل شيء جايز

بس اكيد هو مجبش ده من دماغع يعني اكيد واحد استخف بيه وقاله وهو من طيبته او سذاجته صدقه

اصلي ساعات بحتك كتيير بالناس دي وتلاقيهم وهما قاعدين يحكو حواديت بقي وتلاقي واحد شاف عربيه مثلا جابت 150 فعقبال ماالكلام يوصل القاعده الحلوه تبقي جابت 350 ويحلف ايمانات المسلمين كلها

لا لما بقولك الابواب شفط يعنى بصلة بصة غريبة ولسان حالة بيقول ايه الجاهل ده

المشاركة الأصلية كتبت بواسطة ganash

هوه علشان الموتور تربو افتكر كل الى فى العربيه تربو d:

يا راجل دا دماغة اللي تربو خالص