عرض للطباعة
السلام عليكم ورحمة الله
اخي يبحث عن فيرنا 1600 موديل 2007 وطالع كاملة مانيوال والدفع نقدي بعد المعاينة والاتفاق واحضار شهادة مخالفات حديثة
بعد ان بحث في المنيا ولم يجد المناسب
أرجو ممن لديه فيرنا منزلي موثوق فيها أن يدلنا عليها
يفضل اول يد والرخصة من المالك وفابريقة برة وجوه
وان تكون رخصة سارية ومرور مدينة نصر او المعادي او العجوزة
هو نازي ينزل سوق الجمعة مع احد الخبراء ولكني نصحته بألا يشتري من هناك ويتابع الوسيط وكونتاكت كارز
الاتصال م/ محمد صلاح 0127553150
E-mail msmm122@yahoo.com
ربنا يكرمه ويعتر على حاجه نضيف تريحه ..بس لو حدود السعر اللي معاه 50 خليه يجيب لانوس2007
السلام عليكم ........انا عضو جديد وحبيت اقول رايى بصراحة الفرنا حلوة بس الاكسنت احلى منها اما اللانوس مش حلوة لانها بتاكل بنزين وبتسحب مية وعفشتها خشنة ووضعها فى السوق ضعيف كل يوم فى النازل اما الاكسنت سعرة ثابت وانا من وجهة نظرى الشخصية انصحك بالاكسنت بس شرط الموديل والحالة
http://www.nilemotors.net/Nile/197127-a.html
مش بالضبط طلبك , بس ممكن تاخد فكرة
بالتوفيق :)
يوم الجمعه اللى فاتت انا نزلت السوق
بصراحه متبسطش خالص
السوق كله تجار اللهم الا فئه قليله اللى نازلين يبيعوا عربياتهم بنفسهم
والعربيات هناك مش نظيفه خالص خالص وكمان اسعارها مبالغ فيها اوى
تحس ان الناس دى مع عايشه فى مصر
يعنى فى السوق كله معجبنيش غير 3 عربيات واحده لانوس فابريكا بره وجوه موديل 2006 وكان طالب 52000
ولانسر بطه موديل 1993 وطالب 45000 وهيونداى اكسنت 2006 1300 سى سى فابريكا بردوا بيتكلم فى 50000
وطبعاً كل الكلام ده دجل
فا بلاش السوق حيضيع وقته على الفاضى
شكرا لكم جميعا ..
هو معاه زميل وحاليا في القاهرة للتوجه للسوق ومتابعة سيارات كونتاكت كارز وربنا يوفقه
ربنا يوفق فى حاجه كويسه
بس انا اسمع ان الفيرنا كلها مشاكل
على العموم لو مصر انا اعرف واحد عنده فيرنا موديل 2010 و عارضها على 40 الف و كان شاريهاا زيرو و اول مالك !!!!!!!!!!!!!!!
اصبر عليا .... اصله اسكندرانى مجنون من شباب الكورنيش اللى بيعملو سباقات و حياته كلها كيك دون و دريفتات
و اتقلب بالعربيه 3 مرات ....... و استعدل شاسيه كام مره قبل كده .... و من الاخر كده جميع المشاكل اللى تسمع عنها عدت عليه فى السنه اللى فاتت دى وهو صارف تصليح عليها قد تمنها تقريبا والعربيه دلوقتى بتمشى و صاجها بيزيق و لا احسن تاكسى لادا موديل 60
م/ خالد شكرا لدعائك
هو مصر على الفيرنا لانها مناسبة للمنيا عندنا وللميكانيكية اللي على قدهم
وبالنسبة لعربية زميلك فكتر خيرها معاه على اللي حضتك بتحكيهولي
سلام عليكم يا دكتور محمود ان شاء الله تكون بخير
واحد زميلنا طبيب بيطرى معاه فيرنا هيبيعها اسمه د / احمدخلف
ت 0182465710
وعلى فكرة العربيه فى المنيا فى اى وقت ينفع يشوفها
اخوك بدر
أخي بدر .. شكرا جزيلا لك .. انا نقلت مشاركتك له في الإيميل ورسالة موبايل
تم الشراء والحمد لله من سوق الجمعة صباح بوم جمعة الغضب
كاملة 1600 موديل 2006
فابريقة بالكامل مع رش بعض الأجزاء من الخارج
السعر 47 الف
----------------------------------
أرجو غلق الموضوع