الموضوع: البنوك الاسلاميه في مصر ...

طب يا جماعة لو الواحد عايز يفتح حساب اه احسن بنك و افضل معاملة بما ان بنك فيصل كمان معملاتة تقريبا غير اسلامية و مشكوك فيها ....فما الحل؟

المشاركة الأصلية كتبت بواسطة sarawe511

طب يا جماعة لو الواحد عايز يفتح حساب اه احسن بنك و افضل معاملة بما ان بنك فيصل كمان معملاتة تقريبا غير اسلامية و مشكوك فيها ....فما الحل؟

بنك البركة لحد الان الواضح في تعاملاته انها اسلامية و مفيش كلام مداري في اتفقاتهم و الله اعلم . بس بنك فيصل ده ربنا يسامحهم علي الاساءة بتاعتهم لفكرة البنك الاسلامي

المشاركة الأصلية كتبت بواسطة nonetta

مفيش حاجة اسمها بنوك اسلامية
نظام المرابحة دة كلام فاضيي
بيدوك فايدة متغيرة وهما بياخدوا فلوسك يشغلوها في البنك المركزي يعني هيا هيا
لو اخدت قرض بتيقى فايدة عالية جدا ولو حطيت فلوسك بتبقى فايدة صغيرة جدا

انا اسف لكن ارجو لو محدش عنده معلومات دقيقة عن الموضوع ميصفهاش بكلام فاضى
لان نظام المرابحة اسلوب اسلامى 100% ومطبق فى العالم اكمله

المشاركة الأصلية كتبت بواسطة Mr.Aboody

وتعريفها: بيع ما ملكه بما قام عليه وزيادة.
وشروط صحتها: أن تكون السلعة مملوكة للمشتري، وان يكون الثمن الاول معلوما، وأن يكون الربح معلوما.

مثال على المرابحة :
) يأتي العميل ويطلب من البنك أن يشتري له سيارة أو بضاعة، ويتعهد بأنه في حالة تنفيذ البنك هذه العملية أنه سيشتريها.

2) يقوم البنك بشراء تلك البضاعة أو السيارة وتقبضها وتدخل في ملكية البنك.
أرد على حضرتك هنا بانها بتبقى ملكيه على الورق لكن فى غير حيازته ومن شروط المرابحه الملكيه والحيازه والبنوك دى مابتعملش كدا وصدقنى ردى بناء على تجربه انا قعدت شهر الف حوالين نفسى فى الموال الأخبر دا والنتيجه اللى وصلتلها ان مفيش نظام مرابحه حقيقى واسلامى 100% فى مصر وتقبل مرورى

3) ثم يقوم البنك ببيع تلك البضاعة أو السيارة للعميل الآمر بالشراء بالثمن ونسبة ربح معلوم، فلنفرض أن البنك قد اشترى سيارة 100ألف فيبيعها له 110 الآف مقسطة على أقساط شهرية أو نحو ذلك.

حتقولي ما البنك التاني بيعمل كده برضه بيقولي تمن العربية كذا وبالتقسيط حيبقى سعرها كذا على عدد من الاشهر
بس الفرق الوحيد بين المرابحة والربا والله أعلم

لو قلنا القسط الشهري كان 1000 جنيه

الربا : لو جي معاد استحقاق القسط يوم 30 وانت ما كنش معاك فلوس او مسافر او او .....
بعديها على طول ال 1000 جنيه دي حتبتدي تزيد على حسب النسبة يعني بعد اسبوع مثلا ال 1000 حتبقى 1050
50 جنيه دي هيا الربا

اما على نظام المرابحة فالجنيه حيفضل جنيييييييييه حتى لو انت دفعت القسط بعد سنة

ده هوا الفرق الوحييد اللي انا عارفه لو في حاجات تاينة يا ريت حد يقولي
وياريت الناس تبتدي بجد تتعامل على النظام ده حتى لو النسبة كانت اعلى في البنوك الاسلامية بس ده حيبقى في مصلحتك اولا لو لا سمح الله اتأخرت في السداد وعشان تبقى العربية بفلوس حلال

المشاركة الأصلية كتبت بواسطة ahmed4000

انا اسف لكن ارجو لو محدش عنده معلومات دقيقة عن الموضوع ميصفهاش بكلام فاضى
لان نظام المرابحة اسلوب اسلامى 100% ومطبق فى العالم اكمله

هى الأخت ممكن يكون قصدها ان فى مصر مفيش حد بيطبق نظام المرابحه الحقيقى والسليم ال 100% لكن معتقدش ان قصدها ان مفيش النظام دا من الأساس

الموقع ده كويس بيدي معلومات عن البنوك الاسلاميه اللي داخله المنظمه ... ز ذاكرين بنك فيصل و البركه في مصر ( البركه ده اشتري بنك التمويل المصري السعودي ) ...
ط§ظ„ظ…ط¬ظ„ط³ ط§ظ„ط¹ط§ظ… ظ„ظ„ط¨ظ†ظˆظƒ ظˆ ط§ظ„ظ…ط¤ط³ط³ط§طھ ط§ظ„ظ…ط§ظ„ظٹظ‡ ط§ظ„ط¥ط³ظ„ط§ظ…ظٹط© :: ط§ظ„ط±ط¦ظٹط³ظٹط©