أنا حاسس بالغيرة من تونس ... أنت أيه رأيك

**Dr Zezo** · 15-01-2011 08:47 PM

و بعدين ما البلد كلها (تونس يعني) كانت منهوبة

**m_car** · 15-01-2011 09:05 PM

الحكام العرب كلهم واحد نفس التفكير نفس النهب والسرقة بس باختلاف الطريقة بمعنى كل شيخ وليه طريقة

**abou_ruqi** · 15-01-2011 09:21 PM

زمان الحكام العرب لا نافع معاهم انتوسيد ولا انتينال ولا إموديوم حتى

إسهال أكتر من اسهال صبحية العيد اللي اتعلق فيه صدام

يا عيني الناس دي بتتعب قوي

يعيش الشعب التونسي وإحنا مش مهم

**MASERATI** · 16-01-2011 12:01 AM

السلام عليكم و رحمة الله و بركاته

أنا طبعاااااااااااااا , غيران جدا من التونسيين , و كان نفسى الموضوع ده يحصل عندنا و لكن ان غدا لناظره قريب و قريب جدا ان شاء الله .

**mahmoudysf** · 16-01-2011 12:15 AM

والله اللي حصل ده
بيثبت بس حاجة واحدة اننا شعب بق بس
وعايزين كل حاجة على الجاهز
وكل واحد منتظر من غيرة انو يقوم بالخطوة وهو بيتفرج وبيسقف
تحيا للشعب الراجل شعب تونس
ولا عزاء لنا جميعا

**M.Osman** · 16-01-2011 12:25 AM

الواحد غيران اه

بس تونس ناس متعلمة

احنا لو حاجة زي دي حصلت عندنا هتبقى آخر هرجلة و انعدام امن

**acceleration** · 16-01-2011 04:03 AM

طبعا غيران من تونس جدا بس للأسف استحالة هيحصل عندنا كدا
لأن لو قلنا امن امركزى عادى مفيش مشكلة داحنا عندنا ناس تمسح الامن المركزى ده انما لو حبيبنا مسك فى الكرسى ومهربش ونزل الجيش البلد هتبقى مصيبة سودة بيتهيألى

**viper911s** · 16-01-2011 09:51 AM

المشاركة الأصلية كتبت بواسطة acceleration

طبعا غيران من تونس جدا بس للأسف استحالة هيحصل عندنا كدا
لأن لو قلنا امن امركزى عادى مفيش مشكلة داحنا عندنا ناس تمسح الامن المركزى ده انما لو حبيبنا مسك فى الكرسى ومهربش ونزل الجيش البلد هتبقى مصيبة سودة بيتهيألى

ودة وراد جدا انو يحصل
لاان فى حالة عدم قدرة الشرطة على السيطرة وظلت اعمال تخريب هيكون للجيش دور تانى وهيكون عنيف فى الغالب
والحكومة فى الجرنال قالت (اننا قادرون على التعامل مع اى نوع من انواع اشغب او الغليان )دة معنى الكلام بتاعهم

**shaddadfalcon1** · 16-01-2011 11:40 AM

الجيش هو اللي ممكن يعمل لكن الأمن المركزي ده لو الظابط اللي بيوجههم اختفي او انضرب ممكن ينزلو ضرب في بعضهم

**MASERATI** · 16-01-2011 11:46 AM

السلام عليكم و رحمة الله و بركاته

أنا كنت سمعت أن عدد عساكر الأمن المركزى مايزيدش عن 250 ألف عسكرى, أنا متهيألى أنهم مستحيل يقدروا على الشعب المصرى كله, يعنى ساعة الجد هناكلهم , هما و وزير الداخلية.

أما بالنسبة لأن الحكومة قادرة على رد و منع و السيطرة على أى حالة غليان و غضب زى ما جريدة الأهرام المنافقة الموالية للسلطة فى مصر مابتقول , فأنا يشرفنى أنى أقولها و أقول لبتوع السلطة هنا فى مصر أن زين العابدين بن على, هو و العصابة اللى حواليه, كانوا فاكرين كده برضه, لكن سبحان الله , الذى اذا أراد شيئا, أن يقول له كن فيكون و لا تنفع الحكومة و لا الأمن المركزى و لا الجيش الأميركى حته -ده لو فرضنا,أن أوباما عبر أبو اللول و حب يساعده- بس الظاهر أن الكلاteeeeeeeeeeeeeeeeet هنا, لما بيصوا عالجيش و يلاقوه كتيييييييييييييييييير و بيبصوا على عساكر ألمن المركزى و يلاقوها كتيييييييييييييييير هى كمان, بتأخذهم العزة بالاثم و بيفكروا أنهم ممكن يكسروا الدنيا و لا يخلوا الكرة الأرضية تلف بالعكس لو عاوزين , عالم أغبيا و يستحقوا غضب الله.