بصراحة أنا حاسس بغيرة كبيرة من اللى بيحصل في تونس. وزعلان على حالنا .... وكان نفسي إن كل الدنيا تتكلم عنا زي ما بتتكلم عن تونس والشعب التونسي... مبروك عليهم الحرية .. فعلا حاجة تشرف..
عرض للطباعة
بصراحة أنا حاسس بغيرة كبيرة من اللى بيحصل في تونس. وزعلان على حالنا .... وكان نفسي إن كل الدنيا تتكلم عنا زي ما بتتكلم عن تونس والشعب التونسي... مبروك عليهم الحرية .. فعلا حاجة تشرف..
عقبالنا يا رب انا نفسي اعيش اللحظة دي " التغيير "
يا سلاااااااااااااااااااااام امنية حياتي
بس طبعا بدون اي عنف او مشاكل ولو انه صعب جدا لكن اتمني من الله الللطف بنا
بس يا تري ممكن الشعب المصري يتحرك
مش عارف ليه مش متخيلها بالرغم من اني بتمناها جدا
لو اللي حصل في تونس يحصل هنا هتبقي مجزره
انت عندك امن مركزي وجيش يخلصو علي الشعب كله
كلنا بنتمنها بس من غير من خرب حاجه لأنها كلها أملاكنا وهنتعب عشان نرجعها تانى بس طبعا لازم خساير
واللى اتمناه اكتر انهم يفوقو لنفسهم ويراجعو نفسهم ويتقو الله فينا
وساعتها مش هنقولهم لأ متكملوش بس دا لو اتقو الله فينا
شئ غريب كنت اشك فيه لكن تأكدت منه بالامس
يبدو اننا امة واحدة بالفعل
سعادة طاغية انتابتني عند معرفتي للاخبار كأني تونسي و هذا هو نتاج عملي
اسمح لي بالاختلاف مع حضرتك
لا اشعر بالغيرة بل اشعر بالسعادة لنجاحهم في الاختبار
و هذا ما يحمسني للعمل بجد و تغيير بعض معتقداتي و رؤيتي لتحقيق الهدف
===
بالنسبة للتخريب الامر زائد عن حده في تونس بسبب ضعف امكانات الجيش العددية و التسليحية كي يستطيع بسط سيطرته بشكل تام
مع ضلوع بعض اذناب النظام في التخريب
هنا قبل حدوث اي شئ الاذناب ستكون بالخارج
نسيت ان اذكر بما سبق و ذكرته من ان شعور حضرتك بالغيرة
هو ما تكلم عنه جمال حمدان عن " التحدي العربي " الذي سيفرض علي مصر من قبل الدول العربية
كده احنا ماشيين صح ان شاء الله
تحياتى للشعب التونسى على ما قاموا به
واشاركهم سعادتهم واتمنى ان تكتمل ثورتهم على خير
واتمنى من كل قلبى ان يحدث المثل فى مصر اليوم قبل غدا
يا رررررررررررررررررررب اشوف اليوم ده قريب
الصحيفة: التونسيون انتفضوا فهتف المصريون ضد مبارك ووضعوا علم تونس على صفحاتهم الإلكترونية
http://dostor.org/sites/default/file.../mobarak_0.gif
مبارك
بعنوان" الطائرة في انتظار مبارك" قالت صحيفة يديعوت أحرونوت الإسرائيلية في تقرير لها اليوم أنه بعد الأنباء والتقارير عن رحيل زي العابدين بن علي الرئيس التونسي عن بلاده احتفل عدد كبير من النشطاء في الشارع العربي وقاموا بالتظاهر ضد انظمة الحكم في بلادهم وعلى رأسها النظام المصري .
وقالت الصحيفة الإسرائيلية أن الانتفاضة الناجحة للشعب التونسي خلقت أملا في قلوب المصريين في ان يحدث تغيير ببلادهم ضد أنطمة القمع، مضيفة في تقريرها أن آلاف الرسائل تم بعثها على موقع تويتر تهنئة للتونسيين بما فعلوه وكذلك فعل مستخدمي الانترنت مع موقع الفاسبووك والمدونات الإلكترونية كلم نئوا الشعب التونسي ووصل الأمر بهؤلاء المستخدمين إلى وضع علم تونس على صفحاتهم الإكترونية .
وأضاف التقرير الإسرائيلي أن العشرات من الناشطين المصريين المعارضين للرئيس مبارك والذي يحكم البلاد من ثلاثة عقود انطلقوا إلى مبنى السفارة التونسية بالقاهرة وهم يصيحون قائلين " يابن علي قل لمبارك الطائرة في انتظارك " هذا في الوقت الذي يرفض فيه الرئيس المصري ويبدي عدم ارتياحه لاجراء اصلاحات سياسية في بلاده .
وأشارت يديعوت إلى تصريحات أدلى بها الناشطين المصريين لوسائل الإعلام ونقلت عن الناشط المصري حسام بهجت قوله :" المهم فيما يتعلق بتونس أنه منذ عدة ايام كان النظام الحاكم هناك يبدو وكأنه قويا لا يتزعزع لكن على الرغم من ذلك وفي ناية الأمر انتصرت الديمقراطية دون أن تقوم اي دولة غربية بتحريك اصبع من اصابعها " مضيفا ان ما حدث بتوس يزيد من ايمان ناشطي المعارضة في منطقة يسيطر فيها الحكام على البلاد طوالي سنوات عمرهم" ،وأضاف حسام :" ما حدث في تونس يعطي دفعة لا يمكن وصف ابعادها للتغيير في مصر " حسب قول .
واختتمت الصحيفة تقريرها بالإشارة إلى ان بن علي البالغ من العمر 74 عاما وصل للسحكم عبر انقلاب عنيف عام 1987 بعد اطاحت بالحبيب بوررقيبة الذي كان يطلقون عليه وقتها " رئيسا مدى الحياة " ، مضيفة ان بورقيبة كان مؤسس تونس الحديثة التي اتخذت طابعا علمانيا مبتعدة عن طابعها الاسلامي وبعد استقلالها عن فرنسا عام 1956 لافتة إلى أن بن علي برر اطاحت للرئيس السابق بسبب "كبر سنه" وعدم قدرته على اداء مهام منصبه .
وأضاف يديعوت أنه مع توليه للسلطة في تونس اطلق بن علي العديد من الوعود عن قيام حياة ديمقراطية وسياسية حقيقية لكن بعد فترة قصيرة بدأت حملات اعتقال المعارضة وتم وضع قيود على حرية التعبير ، مضيفة ان موقع ويكليكس الإلكتروني نشر مؤخرا مجموعة من الوثائق الامريكية الدبلوماسية تصف تونس بأنها " دولة الشرطة " وتؤكد عدم وجود اي صلة او علاقة بين بن علي وشعب الذي يحكمه .
http://www12.0zz0.com/2011/01/15/18/763046322.jpg
التصميم ده انا عملته
ياريت كل واحد يقول هو شايف ايه من التصميم ده او من وجهة نظره شايف بيعبر عن ايه التصميم ده
يا جماعة التغيير مش لازم يكون بالخراب محدش يرضي ان اهلة او بيته او تجارة تتعرض لخطر لمجرد التغيير وده كان واضح من اعمال الشغب والعنف وبعدين الي فعلا بيسعي للتغيير يبدا من نفسه. وهما ببساطه مش هيتغيروا لمجرد شعورهم بالحرية
النهب ده و إن حدث فهو طبيعي في أي مرحلة إنتقالية و هاينتهي
و بعدين ما البلد كلها (تونس يعني) كانت منهوبة
:patch2:اقتباس:
و بعدين ما البلد كلها (تونس يعني) كانت منهوبة
الحكام العرب كلهم واحد نفس التفكير نفس النهب والسرقة بس باختلاف الطريقة بمعنى كل شيخ وليه طريقة
زمان الحكام العرب لا نافع معاهم انتوسيد ولا انتينال ولا إموديوم حتى
إسهال أكتر من اسهال صبحية العيد اللي اتعلق فيه صدام
يا عيني الناس دي بتتعب قوي
يعيش الشعب التونسي وإحنا مش مهم
السلام عليكم و رحمة الله و بركاته
أنا طبعاااااااااااااا , غيران جدا من التونسيين , و كان نفسى الموضوع ده يحصل عندنا و لكن ان غدا لناظره قريب و قريب جدا ان شاء الله .
والله اللي حصل ده
بيثبت بس حاجة واحدة اننا شعب بق بس
وعايزين كل حاجة على الجاهز
وكل واحد منتظر من غيرة انو يقوم بالخطوة وهو بيتفرج وبيسقف
تحيا للشعب الراجل شعب تونس
ولا عزاء لنا جميعا
الواحد غيران اه
بس تونس ناس متعلمة
احنا لو حاجة زي دي حصلت عندنا هتبقى آخر هرجلة و انعدام امن
طبعا غيران من تونس جدا بس للأسف استحالة هيحصل عندنا كدا
لأن لو قلنا امن امركزى عادى مفيش مشكلة داحنا عندنا ناس تمسح الامن المركزى ده انما لو حبيبنا مسك فى الكرسى ومهربش ونزل الجيش البلد هتبقى مصيبة سودة بيتهيألى
الجيش هو اللي ممكن يعمل لكن الأمن المركزي ده لو الظابط اللي بيوجههم اختفي او انضرب ممكن ينزلو ضرب في بعضهم
السلام عليكم و رحمة الله و بركاته
أنا كنت سمعت أن عدد عساكر الأمن المركزى مايزيدش عن 250 ألف عسكرى, أنا متهيألى أنهم مستحيل يقدروا على الشعب المصرى كله, يعنى ساعة الجد هناكلهم , هما و وزير الداخلية.
أما بالنسبة لأن الحكومة قادرة على رد و منع و السيطرة على أى حالة غليان و غضب زى ما جريدة الأهرام المنافقة الموالية للسلطة فى مصر مابتقول , فأنا يشرفنى أنى أقولها و أقول لبتوع السلطة هنا فى مصر أن زين العابدين بن على, هو و العصابة اللى حواليه, كانوا فاكرين كده برضه, لكن سبحان الله , الذى اذا أراد شيئا, أن يقول له كن فيكون و لا تنفع الحكومة و لا الأمن المركزى و لا الجيش الأميركى حته -ده لو فرضنا,أن أوباما عبر أبو اللول و حب يساعده- بس الظاهر أن الكلاteeeeeeeeeeeeeeeeet هنا, لما بيصوا عالجيش و يلاقوه كتيييييييييييييييييير و بيبصوا على عساكر ألمن المركزى و يلاقوها كتيييييييييييييييير هى كمان, بتأخذهم العزة بالاثم و بيفكروا أنهم ممكن يكسروا الدنيا و لا يخلوا الكرة الأرضية تلف بالعكس لو عاوزين , عالم أغبيا و يستحقوا غضب الله.
بقدر فرحتى الشديدة بالثورة فى تونس الشقيقة
بقدر حزنى الشديد على على اللى بيحصل فى مصر
انا كنت معتقد انا ان التغيير فى الدول العربية مش هيحصل الا لو بدأ فى مصر
لكن اللى حصل فى تونس غير كل حاجة
وجعلنى اشعر بصدمة وخيبة امل فى مصر اللى بدأت تفقد كل شىء عن دورها العربى حتى قدرة شعبها على التغيير بقى محل شك كبير
بس السؤال هو اللى حصل فى تونس دا ممكن يدينى بصيص أمل ولا هيبقى أمل كاذب
السلام عليكم و رحمة الله و بركاته
ماهو ده اللى الاعلام المصرى قعد يشربهولنا من 58 سنة , من ساعة ثورة 1952 و كانوا بيملأوا الدنيا كلاما و صياحا , أننا هنا فى مصر, احنا بس اللى بنى آدمين و لكن بقيت العرب عبارة عن -Sorry- شوية غنم و بيكلوا برسيم و أن أى حد مش مصرى مابيقدرش يقوم الصبح يغسل وشه الا لما يستأذن و ياخد رأى مصر الأول, يغسل وشه بميه فاترة و لا بميه سخنة, و فضلنا نايمييييييييييييييين فى الطحينة لحد مافوقنا و لقينا أننا من أكتر الشعوب العربية المتهانة و اللى سافر الخليج , هيحس فعلا أن المصرى هناك هو أكتر جنسية عربية متهانة أكتر من أى حد تانى, أكتر من السودانى و اللبنانى و السورى, و ساعتها بيستغرب و يقول لنفسه , الله!!!!!!!!!, ازااااااااااااااى؟؟؟!!!! ده أنا مصرى , ده أنا الحضارة و التقدم و كل الناس دول من غيرنا و لا حاجة و ناقصهم كام مليون حاجة و لما تقعد مع نفسك و تفكر هتلاقى أننا أصبحنا شعب من الخانعين الخاضعين اللى حياتهم مليئة بالذل و المهانة و مابنتكلمش, و أن كووووووووووووول الدول اللى حوالينا رغم أن الأنظمة عندهم برضه دكتاتورية, الا أنهم بيحاولوا أنهم يتقدموا و يرقوا أنفسهم و لو كانوا من 50 سنة كانوا بيعتمدوا علينا, فهما دلوقتى, لا بيبصولنا و لا بيعبرونا, و هما عندهم حق لأنهم مش شايفين أى نوع من أنواع القدوة و كمان شايفين أحوالنا بتتدهور و هما بيتقدموا ببطء و لكن بيتقدموا .
و مشكلتنا أننا كنا بنصدق كلام أم كلثوم فى أغنية ( أبنى قواعد المجد وحدى ) لحاااااااااااااد ما فوجئنا بعد 30 سنة, أن لا فيه مجد و لا فيه قواعد و لا أى شئ .