حد يحل معايا اللغز ده ( الراوتر اتحرق )

امبارج الجو فى اسكندريه كان فظيييع شتا ورعد وحاجات جامده زى النوه الى فاتت

قمت من النوم لاقيت التلفون الحراره مقطوعه

اول حاجه رحت بصيت على الراوتر عشان اشوف العيب من سلك التلفون جوه الشقه ولا من بره كالعاده

لقيت المفجأه الراوتر مش شغال اصلا ومفيش ولا لمبه فيه منوره
قولت العيب من الفيشه لاقيت الفيشه سليمه قولت العيب من المحول ( الادابتور ) ركبت واحد تانى برضه مش شغال طبعا كده تأكدت ان الراوتر بخخخخخخخخ طااار واتحرق

المشكله دلوقتى انى لما جبت بتوع السنترال يصلحو التلفون لقيت ان كمان الموزع بتاع الحراره والنت (الى اسمه اسبتلار تقريبا ) كمان اتحرق

طيب دلوقتى عاوز اعرف ايه بوظ ايه هل الراوتر ضرب وبوظ سلك التلفون ولا سلك التلفون هو الى لمس كهربا من الشتا من الكابينه الى فى الشارع مثلا وبوظلى الراوتر

عاوز اعرف عشان ميتكررش نفس الموقف تانى ده الراوتر الى اتحرق كان ب 270 جنيه :( :36_1_31:

اه نسيت اقول ان الفيوز الى جوه الراوتر سليم لانى ففتحته ومفيش اى اثار لحاجه مش سليمه او محروقه

كان عندى راوتر فيليبس بلجيكى كان تحفة والسيجنال بتاعتة كانت بتوصل لحد الشارع تحت البيت وعمره ما فصل وهو شغال اكتر من سنة مرة وانا شغال لقيت النت قطع ببص عليه لقيتة طفى كل انوارة وكشفت عليه قالولى ممكن تكون الكهربا عليت حرقتة وممكن يكون عمره كده ولسه محتفظ بيه يمكن الاقى حد بيفهم فى الالكترونيات يصلحة

مهو لو الكهربا عليت اشمعنا ده الى اتحرق فى البيت

وغير كده الكهربا عليت التلفون يقطع هو والموزع بتاع الراوتر الى مدخل خط التلفون ليه طب ليه وازاى

منا قولت كده بس مش مصدق اصل لو الراوتر بس الى طار كنت قولت ماشى لكن التلفون ماله ومال الكهربا

متااابع
واعتقد المشكلة فى الكهربا ويمكن تكون جاية من الtransformer بتاع الراوتر بس هو اللى باظ فابوظ الراوتر

الراوتر يبوظ السلك والاسبليتر دي صعبه شويه

سلك التليفون هيلمس كهربا منين ؟ امشي وراه كده شوف ايه الوضع

ممكن البرق ضرب سلك التليفون فحرق السبليتر و دخل منه عالراوتر حرقه (من فتحة سلك التليفون مش الادابتور)

متابع بإهتمام

احتمال اى شحن زيادة جت على كبلات التليفون
بدليل انك بتقول ان الفيوز سليم يعنى التيار العالى دخل من فتحة التليفون

كنت شفت كارت سبليتر بس ناحية السنترال (بيشيل عدد كبير من العملاء) متفحم تماما
فا عرفت بعد كدة ان احد العملاء الاذكياء حط فيشة التليفون فى الكهرباء :):)

اية يابنى النحس دة
معلش نصيبك كدة بس الروتر نوعة اية ريبوتك ولا اية

ممكن كهرباء زياده
وبما ان الدخل بتاعه بيبقي اقل من الأجهزه التانيه فعشان كده مكمن يكون ده السبب في ان هو الوحيد اللي اتحرق

انا بقي كان كل شويه ال Adapter بتاعه هو اللي يتحرق لحد ماجبت واحد من رايدو شاك

اقتباس:

---

المشاركة الأصلية كتبت بواسطة pro_samir

الراوتر يبوظ السلك والاسبليتر دي صعبه شويه

سلك التليفون هيلمس كهربا منين ؟ امشي وراه كده شوف ايه الوضع

---

مهو انا بقول يمكن حصل العكس سلك التلفون هو الى دخل كهربا على الراوتر وحرقه ولما ضرب سلك التلفون فصل هو كمان

اقتباس:

---

المشاركة الأصلية كتبت بواسطة أحمد كمال

ممكن البرق ضرب سلك التليفون فحرق السبليتر و دخل منه عالراوتر حرقه (من فتحة سلك التليفون مش الادابتور)

---

تصدق قبلها بساعه قمت مفزوع من النوم على صوت فى الشارع زى انوبه فرقعت انا لسه فاكر الحوار ده دلوقتى وانا عمال افكر ايه الى حصل
وفعلا لو دخل كهربا زياده من سلك التلفون حيطير الراوتر

بس لو ده السيناريو الى حصل تفتكر ممكن يتكرر تانى ولا المره دى النحس كان زياده شويه

اقتباس:

---

المشاركة الأصلية كتبت بواسطة Sherif Khalifa

احتمال اى شحن زيادة جت على كبلات التليفون
بدليل انك بتقول ان الفيوز سليم يعنى التيار العالى دخل من فتحة التليفون

كنت شفت كارت سبليتر بس ناحية السنترال (بيشيل عدد كبير من العملاء) متفحم تماما
فا عرفت بعد كدة ان احد العملاء الاذكياء حط فيشة التليفون فى الكهرباء :):)

---

طب شحن زياده جه منين

انا قولت كده لبتاع السنترال وهو بيصلح التلفون قاللى العيب اكيد من الشقه عنك :36_1_31:

اقتباس:

---

المشاركة الأصلية كتبت بواسطة newhansol

اية يابنى النحس دة
معلش نصيبك كدة بس الروتر نوعة اية ريبوتك ولا اية

---

اه نحس بالجمله 3 حاجات باظو مع بعض
الراوتر روبتك فعلا :verygood:

اقتباس:

---

المشاركة الأصلية كتبت بواسطة shaddadfalcon1

ممكن كهرباء زياده
وبما ان الدخل بتاعه بيبقي اقل من الأجهزه التانيه فعشان كده مكمن يكون ده السبب في ان هو الوحيد اللي اتحرق

انا بقي كان كل شويه ال Adapter بتاعه هو اللي يتحرق لحد ماجبت واحد من رايدو شاك

---

انا مستبعد فكره الترانس يكون هو السبب او كهربا زياده

لان اول حاجه كانت حضرب هو الترانس (الادابتور )