انا عنددى مشكلة ان عداد الحرارة بينزل بالليل عن المؤشر الطبيعى و روحت لكهربائى قولتلة عاوز اغير الترموستات غيرلى حساس المياة.
هو اصلا فى فرق ولا لا عشان انا المشكلة لسة مرحتش.
عرض للطباعة
انا عنددى مشكلة ان عداد الحرارة بينزل بالليل عن المؤشر الطبيعى و روحت لكهربائى قولتلة عاوز اغير الترموستات غيرلى حساس المياة.
هو اصلا فى فرق ولا لا عشان انا المشكلة لسة مرحتش.
فيه فرق طبعا
صباع الحرارة او حساس الحرارة هو اللي بينقلك درجة حرارة الماتور وبتشوفة في عداد الحرارة في التابلوة
الترموستات هي اللي بتتحكم في درجة الحرارة عن طريق غلق وفتح صمام مياة التبريد للحفاظ على درجة حرارة الموتور عند درجة حرارة معينة
اللانوس بها اتنين ثيرموستات وواحد حساس للحرارة
1 - ثيرموستات ميكانيكي
2 - ثيرموستات كهربي
3 - حساس حرارة
1- الثيرموستات الميكانيكي
وده راكب جوا الكوعة بتاعة المياه خلف سير الكاتينه
وظيفته غلق خروج المياه من المحرك الي الردياتير في حالة ان المحرك بارد ويفتح المياه للردياتير في حالة المحرك في درجة حرارته الطبيعية
مظاهر تلفه
انخفاض مؤشر الحرارة علي السرعات العالية وفي الطرق المفتوحة
بطئ وصول درجة حرارة المحرك صباحاً للدرجة المثالية
2 - ثيرموستات كهربي
وده راكب اسفل كويل البوبينة
وظيفته توصيل الكهرباء لمراوح التبريد الراكبة علي الردياتير في حالة ارتفاع درجة الحرارة عن الحد الطبيعي
مظاهر تلفه
عدم دوران مراوح التبريد ارتفاع درجة حرارة المحرك وخاصة في الاشارات والزحمة
عدم دوران مراوح التبريد بالسرعة العالية
3- حساس الحرارة
وده راكب في المانفو تحت البوابة من الخلف
وظيفته نقل درجة حرارة المحرك الي المؤشر الموجود بالتابلوه بتاع العدادات والي وحدة التحكم الخاصة بالسيارة
مظاهر تلفه
عدم القرائة الصحيحة لمؤشر الحرارة واهتزاز بمؤشر الحرارة
جزاكم اللة خيرا بجد
عشان نوضح الامور...
العربية فيها ترموستات واحد فقط و هو الترموستات الميكانيكى اللى فى الكوعة و دة شغلتة يفتح او يقفل مجرى مية التبريد الى الرادياتير حسب درجة حرارة المية
حساس الحرارة بتاع عداد الحرارة لا خلاف علية
الغلطة فى قصة الترموستات الكهربائى... العربية مفيهاش ترموستات كهربائى اساسا... دة حساس
طيب هو ايه الفرق بين الترموستات و الحساس؟
الترموستات الكهربائى عبارة عن مفتاح شغلتة يوصل او يفصل الكهرباء عن مروحة التبريد حسب درجة حرارة المية...
الحساس بيقيس درجة حرارة المية و يبعت اشارة للكونترول بدرجة الحرارة و الكونترول هو اللى بيتحكم فى تشغيل او فصل مراوح التبريد
معنى كدة ان الفرق الجوهرى بين الترموستات الكهربائى و الحساس فى المتحكم فى تشغيل المراوح... فى حالة الترموستات بيبقى هو شخصيا المتحكم انما فى حالة الحساس الكونترول بيبقى هو المتحكم
MMamdouh