السلام عليكم،،،
عندي شقة على الطوب الأحمر ( النظام الرئسي لتسليم الشركة ) وفي الدور التاسع.
سألت الشركة المنفذة لو يسلموني نصف تشطيب السعر يزيد كام
طلبوا 100 ج للمتر، على إجمالي المساحة وليس الصافي.
و 100 ج تشمل ( شغل الكهرباء + المحارة + النجارة الداخلية ) فقط.
طبعاً توصيلات السباكة غير داخلة في السعر ده لأن العمومي للعمارة لسه ما ركبش.
يا ترى السعر ده كويس بالنسبة للي هيتعمل و ايه؟
وهل في الحالات ديه بيكون الحساب على اجمالي الماساحة وليس الصافي؟
انا شايفه سعر معقول وعادل.
يعني لو الشقه 100 متر يبقي 10 الاف نص تشطيب !
انا بقول كويس وان كان عالي حبه
عالي شويه
بس حتريح دماغك
بص بالنسبة للسعر انا شايف انه عالي شوية بس يمكن عشان شركة و مثبتة اسعارها لكل الشقق بس انا هقولك شوية تفاصيل يمكن تساعدك
اولا : متر المحارة الداخلية اللي هي الشقة يعني ب 10 جنيه ده لو صنايعي محترم و لو محترم اوي يبقى 12
ثانيا :بالنسبة لتشطيب الحمامات طبعا محدش هييجي جنبها عشان السيراميك بيركب على الطوب الاحمر
ثالثا : الارضيات نفس النظام عشان بتكون من اختيارك و معتقدش انك هتركبها في نص تشطيب
رابعا : النجارة الداخلي دي اللي هي الحلوق بتاعت الابواب و الشبابيك الطفش دي مجرد بيتثبت عليها الشباك و دي مش غالية اوي يعني سعرها لا يذكر بالنسبة لمجموع مساحة الشقة بالمتر اللي هما طالبين فيه السعر ده
خامسا : الكهرباء الراجل انت لو جبته هيشتري الخراطيم البلاستيك و السلوك و التوصيلات و يقدر يركبها كلها في يومين بالكتير و بتاع المحارة يشتغل عليهم
سادسا بقى هما كلموك في موضوع السباكة ولا ايه ؟
السلام عليكم
جزاكم الله خيراً
بالنسبة لموضوع السباكة فده غير داخل في العرض، هيكون ليه حساب تاني فيما بعد،، لأن العمارة لسه هيتعملها مقايسات المياه والصرف وبالتالي لما تجهز العمارة نبدأ نتكلم في التوصيلات من الشبكة الرئيسية الى داخل الوحدة، وده طبعاً هيكون باتفاق وسعر تاني.
الوحدة مساحتها في العقد 125 م ، بس طبعا الصافي بتاعها من 90 : 100م بالكتير أوي.
المشكلة الرئيسية إنها في الدور التاسع، وخايف شحن الادوات لحد فوق يكلف كتير، لكن الشركة طبعاً مع اوناش بتاعتها وموش فرقة معاها حاجة.
مش مكلف التشوين ولا حاجة ممكن تخلي اي واحد بتاع المحارة مثلا يأجرلك ونش و برضه باليومية مع اعتبار ان يومية العامل 50 جنيه و الونش بيكون شغال عليه صاحبه و معاه 3 عمال و اللي انت شايفه يوفرلك اعملهو ربنا يباركلك فيها ان شاء اللهاقتباس:
المشاركة الأصلية كتبت بواسطة ashour100
السعر معقول جدا لو التشطيب هيشمل تسليم النجاره كامله مش مجرد حلوق
ولازم تتفق على المواصفات والتخانات لا تقل عن 2 بوصه
وأتفق معاهم أنك هاتجيب مهندس يستلم الشغل
حتى لو حد صاحبك بيفهم فى المقاولات
عشان اللى هايتعمل ده هوه التأسيس
ولو بايظ هاتدفع فلوس كتير وبرضه مش هاتبقى راضى عن مستوى التشطيب بعد كده
100 جنيه مش عالى خالص بس اهم حاجه الصنيعيه ال هيشتغلوا فيها اديهم عامله اذاى كويسه ولا هيفبركوا
اقتباس:
المشاركة الأصلية كتبت بواسطة kogak1987
بارك الله فيك على الدعاء الجميل
ولازم تتفق على المواصفات والتخانات لا تقل عن 2 بوصه
وأتفق معاهم أنك هاتجيب مهندس يستلم الشغل
باشا يعني ايه التخانات لا تقل عن 2 بوصة
خاللي بالك ان الشقه في التاسع التشوين مكلف جداااااا
اقتباس:
المشاركة الأصلية كتبت بواسطة esam_comm
+111111111111111
اقتباس:
المشاركة الأصلية كتبت بواسطة ashour100
يعنى سمك أو قطاع النجاره لا يقل عن 5 سم أو أربعه ونصف سم
عشان فى ناس بتجيبلك النجاره عباره عن ورق
من أول رزعه تلاقى الباب أو الشباك كل حته فى ناحيه
من واحد خبرة في المواضيع دي
من الاخرالسعر ده ممتاز