الموضوع: النيسان الصني الهاي لاين

المشاركة الأصلية كتبت بواسطة fady_anis

تمنها فيها

ابسط رد ...... صح تسلم ايدك

السلام عليكم
اخي الكريم .. كيف حالك؟؟
انا ان شاء الله هارد عليك علي قدر استطاعتي واخواني هنا يكملوا عني ان شاء الله

المشاركة الأصلية كتبت بواسطة tamerahmedov

[سلام عليكم
أنا عاوز حد يساعدني بمعلومات دقيقة فالاسئلة الاتية

1- عوز أعرف معدل إستهلاك العربة في الوقود جوا المدينة و على الطرق السريعة(with air condition and withoutn)
بالنسبة للبنزين .. استهلاكها زي اي عربية 1600 .... وفي الاول بتختلف علي حسب السواقة والسائق نفسه .
يعني لو سواقتك هادية وبالتكييف هاتوفر معاك .. يعني ممكن تعمل معالك من 200-220 كم/صفيحة وده كان كلام موزعين المعتمدين ان المتوسط 210 كم/صفيحة وده كان قبل 2011 اللي فيها سينسور الاكسجين
في اعضاء هنا جوه البلد عملت معاهم 240 واعضاء تاني علي السريع وصلت 280 كم/صفيحة
ولو بتحرق وبتغرز وبتجري زي كده ..... انا اخر مرة حسبتها من غير تكييف وجري وحرق 200 كم/صفيحة الحمد لله ..!!
في الاول والاخر حسب سواقتك انت .
2- - أسعار قطع الغيار غالية ولا غالية أوي .
قطع الغيار دلوقتي الحمد لله ... رخصت طبعا وده بفضل الله ثم الانتشار الفظيع للصني اليومين دول
وطبعا جوه التوكيل .. زي اي ماركة تاني .... بس يحطولك الياباني الاصلي
وممكن حضرتك تنزل تسأل عن قطع غيارها ... عند اي محل قطع غيار وتسأله ايه رأيك في العربية ديه؟؟
3- سحب العربية كويس ولا بطئ
ماشاء الله لا قوة الا بالله .... تحت الكبوت بتاعها ده مش موتور ..لو اقلتك وحش مش هاتصدقك ماشاء الله عليها
سحب تحفة ماشاء الله علي السريع 160 وانت طالع وجوه البلد صباح احلي غزر

4- الإستقرار العربية على الطرق السريعة (stability)
ديه احلي حاجة فيها وبشهاده ماليكيها وغير ماليكيها ..... في اعضعء هنا عن تجربة علي السريع بيقولوا العربية بتببقي ثابتة بطريقه جميلة وبيخدوا ملفات علي 160 وبيغرزوا علي 190 وعادي (أنا نفسي اجرب بصراحة :) )

أنا عوز اشتري عربية نيسان صني الجديدة 2011 و محتاج إجابات بجد دقيقة لأن الواحد بيسمع حاجات كتير أوي و مش عارف الحاجة إلي بجد و اهل حاجة إلي مبالغ فيها ]

ان شاء الله انوي وصلي استخارة ومش هاتندم ... تمنها فيها فعلا
ربنا ييسرلك الحال ان شاء الله
وطبعا اسيبك مع الموضوع المثبت ده .... هتلاقي فيه كل ماتتمناه عن الصني
http://www.nilemotors.net/Nile/163656-a.html

المشاركة الأصلية كتبت بواسطة tamerahmedov

thanks for your prompt response,i appreciate your help. But why people were saying that it consumes fuel too much. Also many said, it's acceleration is very slow.anyway...these are the answers i wanted to confirm

علي ايه بس .. احنا اخوات
بصراحة الاشاعة ديه بتاعة البنزين ... وجعتلي دماغي قبل ما اشتريها
وبصراحة ماسيبتش حد في الشارع معاه صني الا لما كنت بوقفه واساله .... وبصراحة شديدة اوي ومش علشان معاية العربية
مفيش واحد معاه صني الا واكد لي الا وانها عربية محترمة جدا واستهلاكها في البنزين طبيعي جدا وبقوله انت راضي عنها
يقولي الحمد لله .....ده كلام ناس معاها صني وماشية في الشارع
وكلام الميكانيكة برده نفس الكلام ..... حتي الميكانيكي بتاعي اكدلي ورشحهالي ... علشان هو طبعا شغال فيها من زمان
تعالي بقي بالنسبة للتسارع .... ماشاء الله ال قوة الا بالله
عربية طيـــــــــــــــــــــــ ـــــــــــــــارة واي حد يقول غير كده يبقي مبيعرفش يسوق فعلا
امبارح كنت سايق علي طريق العبور وده مش طريق سريع ... ببص علي العداد لقيته 130 .... وماشاء الله عليها
لا صوت عالي مزعج ولا حاجة .... بس هديت بسرعة كان نفسي اكمل هههه
هو في اعضعاء قالوا ان التسارع بيقل من بعد 130 لغاية 140او 150 وبعد كده بتفتح معاك بطريقة غريبة
انا مش متأكد من المعلومة ديه؟
بس علي الجري والتغريز ماشاء الله عليها ... هي ابعاد العربية كبيرة بس تعرف تتحكم فيها
انا لما اتنقلت من البولو للصني ... محستش بفرق كبير في التحكم بالعربية الحمد لله
وانت عارف البولو 1/2 الصني تقريبا ....... ولو تعرف تسوقها وتركبها ولا تأجرها حتي ... يبقي جميل جدا
وتبقي واخدها عن اقتناع
انا بصراحة معملتش كده ... علشان بفضل الله كنت مقتنع بيها ومفيش حاجة في الفئة السعرية ديه تشدني ليها زي امكانيتها اذا مكانش اقل كمان
وربنا ييسرلك كل خير ان شاء الله