ايه اللي كان بيحصل في القاهره امبارح ده؟

**MOSTAFABASAL** · 15-01-2011 10:46 PM

امبارح انا للاسف كان عندي كورس في القاهره مشيت من هنا الساعه 8 الصبح عشان اوصل قبل الصلا و صليت الجمعه في دار المشاه و ركبت العربيه كانت بتشتي جامد اوي هوب عاوز الف من تحت كوبري القبه عشان ارجع على مكان الكورس في عباس العقاد زحمة مووت و الطريق واقف اتاري فيه عربيات وقفت في مطلع كوبري القبه من المطر و بركه مياه محترمه
رحت الكورس و خلصت عالساعه 8 الا ربع قلت يا واد عشان ارجع صلاح سالم و الف لفه ما لهاش لازمه خد دائري مدينه نصر و ياريتني ما اخدته بس ما فرقتش كتير لان اكتشفت بعد كده ان صلاح سالم واقف و كوبري المطار واقف و الدائري واقف و كله واقف في واقف فضلت من الساعه 8 و نص في نص الدائري بتاع مدينه نصر وصلت البنزينه اللي بعد منزل كوبري الهايكستب الساعه 1 ونص بالليل و لقيت طوابيييييييير غفيره عالحمام هناك ستات و رجاله و السوبرماركت و طبعا عربيات عطلانه بالكوم و الميه واصله لغايه نور العربيه وقلت انا مش مروح النهارده و سامع صوت بكبكبكبكبكبكبكبك اتاري الشككمان كان غطسان في الميه و بيبكبك
و الكلاكس فصل الحمد لله
وصلت لبيتي الساعه 4 صباحااااا
انا النهارده طبعا مار وحتش الشغل و نمت ولا القتيل و اتعملي عارضه
سؤال بقى مش المفروض مطالع و منازل الكباري دي ليها صرف
فين البيارات اللي بتشيل ميه المطر ولا دي رفاهيات
ربنا يخللنا رقم 125 اللي مشوفتش ليهم ولا عربيه بتشفط الميه غير عند المطار 3 عربيات و كانوا بيرموا الميه اللي بيشفطوها في المطار

**sayed911** · 15-01-2011 11:33 PM

المفروض اصلا والله يا اخي انا كمهندس مدني عندي مادة كاملة اسمها high way بتاخد فيها طريقة تسميم الطريق وازاي تلعب ف يمناسيب الطريق بحيث انك متخليش اللي سايق يحس انه الأرض مايلة وفي نفس الوقت اي مياه مسكوبة في الشارع تنزل على طول وفورا على البلاعة ولكن انا مش عايز اصدمك انه في مساكن شيراتون انهاردة الصبح مثلا وانا ف يالكلية اكتر من 13 فطن وفطنة اللهم صلي على النبي ونزلو في بركة زي دي مش عارف فاهمين عربياتهم غلط خالص وتعطل منهم وبسم الله ما شاء الله كلو يجي في نصها وتعطل منه يقعد يطلع من الشباك طيب ما كان من الأول تحترم نفسك وتتنيل تلف اللفة من قبلها لأنو اكيد مش الـ 400 واحد اللي قبلك كلهم مش بيعرفوا يسوقوا وانتا عم شوموخار اللي فينا والله فعلا البلد دي بتغرق في شبر مية :D ده المفروض انه منسوب المطر امبارك كان حوالي 10 سم طولي يعني مش سيول ولا حاجة هية كانت بكثافة لأنها نزلت على فترة قصيرة ولكن الله المستعان كان فين المفروض التشييك على شبكة الصرف الصحي اللي في صلاح سالم كلها وشبكات الإزاحة وحالاات الطوارئ من قبل الشتاء ما يحل علينا ولكن تحس كأنهم بيفاجو مرة واحدة انها السنادي مطرت في الشتا على اساس انها كل مرة بتمطر في الخريف اللله المستعان والحمد لله على سلامت حضرتك وانك رجعت من غير ما العربية تسوحك معاها الحمد لله على كل شئ ..

**osama.m** · 15-01-2011 11:39 PM

طيب و اية رأيك في الصورة دي ... دي امبارح بردو

**MOSTAFABASAL** · 16-01-2011 12:18 AM

ههههههههه
اول مره اشوف المنظر ده في اسكندريه انا عشت هناك 7 سنين عمري ما شفت شارع مجمع ميه زي دي دانا كنت بقول و بحكي على الشوارع في اسكندريه بس ده كان ايام المحجوب

**M.Osman** · 16-01-2011 12:23 AM

عادي اي مطر في مصر = هرجلة + ضياع وقت + حوادث

**osama.m** · 16-01-2011 12:40 AM

المشاركة الأصلية كتبت بواسطة MOSTAFABASAL

ههههههههه
اول مره اشوف المنظر ده في اسكندريه انا عشت هناك 7 سنين عمري ما شفت شارع مجمع ميه زي دي دانا كنت بقول و بحكي على الشوارع في اسكندريه بس ده كان ايام المحجوب

ولا يوم من ايام المحجوب

**thedeveloper87** · 16-01-2011 01:17 AM

المشاركة الأصلية كتبت بواسطة mostafabasal

ربنا يخللنا رقم 125 اللي مشوفتش ليهم ولا عربيه بتشفط الميه غير عند المطار 3 عربيات و كانوا بيرموا الميه اللي بيشفطوها في المطار

علشان كده............

أنا لسه جاي من المطار ومفيش نقطة مياه شفتها جوا المطار

الدنيا كلها طينة بره وحاجة آخر قرف

**mahmoud19** · 16-01-2011 01:25 AM

والله ياجماعه أهلى بيحكولى فى تونس الدنيا تقعد تمطر 4 ايام متواصله بدون توقف ومطره مطره يعنى ومتلاقيش نقطه ميه فى الشارع واهى دوله عربيه زى مصر
بجد مصر دى بقت لا تطاق ولو فى حد يعرفلها ميزه يشاورلى عليها ربنا يخليكو