الأخ الطيب الغالي
تحية طيبة وبعد :
حضرتك طبعا بتتكلم عن المساعدين الورا وأحب أبلغ حضرتك 70% من العربيات الحديثة بيبقى فك المساعدين الورا بعد حل الكنبة الخلفية
نيجي لموضوع بهدلة الصالون الظاهر حضرتك متعود على صنايعية الدرجة الثالثة أحب أقولك أنا عندي طبع بحب أعملو في أي عربية أنا بشتريها ومن أول يوم وأؤكد من أول يوم بروح أعلي العربية شبر للأربع فرد وعملتها أنا في الإسبرانزا a620 بس بعلي بطريقة علمية وبحسابات وبركب علايات نظيفة بتساعدني إنها تطري العفشة وتدي للعربية منظر هيبة عشان أعلى من إخواتها وبحمل 6 إنفار وأخش أعلى مطب وأحيانا بطلع رصيف لو مهاود شوية
ولما جيت عليتها عادي رحت لعفشجي صاحبي نظيف وقصادو على طول في نفس الشارع محل سروجي بس بصراحة صاحبي فتح الكنبة وظبط كل حاجة فبريكا وبالعكس أما فتحت الكنبة جبت نايلون وجلدت فيه الكنبة عشان أحافظ عالجلد كذا سنة ولو حصلت معانا أي مشكلة كان السروجي ظبطهالي فابريكة والحمد لله الكل بيحسدني على طراوة عربيتي في المطبات رغم إن أنا لسه مخلصتش فيها كل الإضافات اللي نفسي فيها ولك مني كل تقدير وإحترام
المفضلات