برافا 1600 سى سى موديل 97 حد يعرف عنها حاجه ؟!؟

السلام عليكم يا رجاله .. أنا بقى لى فتره بدور على فيات برافا و بصيت على كذا واحده موديل 2001 و لكن الحاله مكنتش عاجبانى
لحد ما بصيت على برافا مو 97 و موتور 1600 عجبتنى حالتها مبدئيا و كلمت مركز البرقان يوم الخميس عشان اكشف عليها موتور و حساسات و كده... قالولى فى التليفون مبنشتغلش فى موديلات قبل 2000 و معندناش ليها قطع غيار ,, قلتلهم طب فبه كشف ولا لأ ؟ قالو كشف ماشى انما قطع غيار و صيانه مبنشتغلش فيها .. مفهمتش يعنى انما قلت ماشى ,, رحت النهارده مع العربيه و داخل لقت مهندس الاستقبال بيقوللى مبنشتغلش في قبل 2000 و ملهاش قطع غيار عندنا و...و....و... بلا بلا بلا قلتله منتو اللى قلتولى فيه كشف .. قاللى استنى ساعتين و نص يمكن الجهاز يكشف عليها و يمكن مينفعش .. روح اوماترا .. روحت اومارتا اللى فى جسر السويس و انا على اخرى.. طبق الأصل العلقه اللى فاتت لا قلم زاد ولا قلم نقص ... اللى زاد و غطى قلتلهم طب عايز اعرف العربيه دى عموما حالتها ايه و اجيبها ولا لأ .. قالولى عليك و على مدير الصيانه محمد عبد المعز او عبد المعين مش متذكر ... قاللى لأ ملناش دعوه بيها .. قبل 2000 لأ .. قلتله طب ايه الفرق بينها و بين 2000 ؟ قاللى ولا اى جاجه مش الاتين 82 ؟ قلتله 82 ايه ؟ قاللى حصان .. قلتله لأ يا سيدى دى 82 و دى 102 .. قاللى اه يبقى فرق الموتور بس .. قلتله طب فيه فرق فى الحساسات ؟ قاللى ولا أى حاجه .. طب مبتشتغلوش فيها ليه ؟ كده ملناش دعوه بقبل 2000 .. طب من الاخر احيبها ولا لأ .. قاللى متجيبهاش هات ال 1300 موديل 2000 فما فوق !!
الراجل صاحب العربيه اكان ساينى انا اللى بسأل و مستنينى فى العربيه .. لما قلتله كده قاللى ازاى ؟! طب تعالى وراح داخل على قطع الغيار .. عايز سلك دبرياج برافا 97 1600 .. قاله رقم الشاسيه ,, اداهوله .. 280 من غير الضريبه
طب ديسك و اسطوانه ؟ 820 .. قالله موجودين ؟ قاله اه .. طب اجيلك بكره عشان الفلوس مش هتكمل .. وراح خارج قاللى شفت يا سيدى اهى موجوده و اى حد يركبهملك ...

انا مبقيتش عارف اعمل ايه ؟؟؟ اجيبها و لا لأ .. حالتها كويسه و مش متهانه .. بس مبقيتش عارف هى 1600 اصلا كويسه ولا لأ و صيانتها فين و قطع غيارها هلاقيها بعد كده ولا لأ .. و ليه التةكيل و البرقان و الأ قصى اللى فى المعادى بيقولو نفس البقين بتوع ملناش دعوه بقبل 2000 و..و...و...

اللى عنده اى معلومه ياريت يقوللى لأنى هتجنن و مش فاهم في ايه ؟

وانت بتسأل في التوكيل ليه أصلا يا باشا هو أوماترا ده اصلا توكيل يعتمد عليه ولا البرقان حتى دول فاتحين عشان يطلعوا سبوبة محترمة من العربيات الجديده مش عشان يخدموا الماركه اللي هما واخدين توكيلها
بص يا باشا العربية انا اسمع انها كويسه جدا بس بصراحه ما اعرفش عنها حاجه حضرتك تسأل على قطع غيراها المستهلكه زي تيل الفرامل الإسطوانه والديسك وغيره وتسأل على الأساسيات اللي ممكن تبوظ علبة دركسيون دينامو مارش طلمبة باور أجزاء العفشه كل ده جمع عنه تفاصيل وممكن تسأل عند الكيلاني او محمد يوسف او فيات 200 او السجان اللس في شارع دمشق وتشوف ميكانيكس محترم تتعامل معاه وخلصت على كده لا توكيل ولا غيره

بص يا باشا
هي مفيش اختلاف بنها وبين ال 1300 ال 2001 غير الماتور
والماتور ال1600 اللي في البرافا هو هو اللي موجود في السينا باختلاف ان ماتور السينا عمته بلاستيك والبرافا معدن
وقطع غياره متوفرة وارخص من الماتور ال 1300 وحتلاقيها في اماكن كتير عكس ال1300 بتبقي حكر للكيلاني
وطقم الدبرياج بتاعها ب 400 فاليو اصلي من الكيلاني

انا عربيتي 1300 اصلا وصاحبها الاولاني شاله وسقطلها 1600

لو عاوز حد عندة البرنامج بتاعها موجود بس تأكد الاول عارف اخر طريق المطار فى محطة التعاون فية زى مركز كدة عندة البرنامج بتاعها على لاب توب مع مهندس أسمة عادل . أنا كنت رديت عليك قبل كدة فى موضوع للبرافا و قولت لك الى فيها بقدر معرفتى

ZALABANY

باشا ,, صاحب العربيه نفسه اللى قاللى نروح أوماترا عشان يثبتلى ان قطع الغيار و الصيانه متوفره

وانا اصلا العربيه حاببها جدا ,, بس فيها تغيير طقم دبرياج لأنه تقيل جدا جدا ,, و بتتأخر فى الدوران

وعشان كده قلتله نعملها و كده .. حصل خير

ومتشكر جدا لأهتمامك يا باشا

mohmdomar

أزيك يا باشا ,, هما فيهم احتلاف فى الأسطوانه و الديسك و الموتور .. ده اللى أعرفه لحد دلوقتى

و ياريت لو تقوللى على اى حد من اللى موجود عندهم قطع غيارها غير الكيلانى

و متشكر جدا يا باشا

heshamzaky

أستاذ هشام .. أنا عارف انك رديت عليا فى موضوع للبرافا قبل كده و بجد شاكر ليك اهتمامك جدا

و انا العربيه فيها تأخير دوران الصبح .. بتأخد وقت عشان تدور و كنت عايز اكشف عليها ,, ياريت لو تقدر توصللى للمهندس عادل ده لو معاك ليه اى contact نمره تليفون او كده أكون شاكر ليك جدا

اقتباس:

---

المشاركة الأصلية كتبت بواسطة elwaa

heshamzaky

أستاذ هشام .. أنا عارف انك رديت عليا فى موضوع للبرافا قبل كده و بجد شاكر ليك اهتمامك جدا

و انا العربيه فيها تأخير دوران الصبح .. بتأخد وقت عشان تدور و كنت عايز اكشف عليها ,, ياريت لو تقدر توصللى للمهندس عادل ده لو معاك ليه اى contact نمره تليفون او كده أكون شاكر ليك جدا

---

اسمة عادل منير موبيلة 0127842442 و بص أسأل عن السعر حا تروح حا تلاقى مثلا 3 عربيات برافا واقفين و ألفا روميو بس هما سعرهم ما عجبنيش و أنزل عزبة شلبى يا أستاذى حا تلاقى أنصاص عربيات برافا بالكامل موجودة علشان تبقى فاهم الاسعار و الاستيراد الى من عزبة شلبى ممكن يتباعلك فى بعض مراكز الصيانة بس السعر مضروب فى أتنين كدة الرسالة واضحة و أديك فهمت السكة ماشية أزاى .

بلاش عادل بتاع البنزيمة اللي في طريق المطار
بيستهبل جامد جدا في الاسعار وغير المعاملة الزبالة مش فاهم هم فاكرين نفسهم توكيل


تأخير الدوارة دا غالبا سببه البطارية ضعيفة حاول تجرب بطارية تانية وشوف

اقتباس:

---

المشاركة الأصلية كتبت بواسطة mohmdomar

بلاش عادل بتاع البنزيمة اللي في طريق المطار
بيستهبل جامد جدا في الاسعار وغير المعاملة الزبالة مش فاهم هم فاكرين نفسهم توكيل


تأخير الدوارة دا غالبا سببه البطارية ضعيفة حاول تجرب بطارية تانية وشوف

---

الله ينور انا كان ليا معاهم تجربة سابقة

على فكرة مرة روحتلهم عادل ما كانش موجود لقيت 2 هناك كان فية ولد صنايعى شغال فى عربية سينا بصراحة الراجل صعب عليا من الاشتغالات الى شوفتها و قولت للراجل حضرتك مشكلتك أية قالى العربية بتصلع صوت تزيىء من الخلف و الواد الى هناك خلى الراجل دخل الماركت و أشترالة شوية أسبراى كدة بحوالى 100 جنية . قولت للراجل يا استا دة مش حل لو عاوز الحل دة خلية يرش شوية جاز بس و حتت شحم مش حا تسمع الصوت لغابة ما تصلح مش تدفع فى أسبراى 100 جنية على الفاضى كذا علبة و اشكال بقى و حركات هبلة و الاجل للاسف مش فاهم حاجة خالص

انا بردو رحتلهم قبل كدا بسبب ان كان في رجة في الماتور طول مانا ماشي وقلت بالمرة اغير سير كاتينة

دفعوني 500 جنيه ولسة عيب الرجة موجود وافتالي ان ديه قاعدة فتيس رحت جبتها من حتة تانية بعد ما شفت اسعارهم وفي الاخر اكتشفت ان المشكلة كانت في بوجيه كان قاطع

سير كاتينة و دفعوك 500 جنية لية حرام . أنا معرفش سير الكاتينة عندك بكام بس حا يكون مثلا ال ريكامبى الاصلى ب 85 جنية هو مية حاجة و اربعين سن تقريبا مش متأكد من الرقم و تركيبة ب 40 جنية يعنى مثلا 130 او 140 جنية بالكتير قوى . أنا بقى و أنا عندة كان عندى مشكلة فى الانجيكشن لما قالى الكمبيوتر عطلان قولت لة طيب حا تعمل أية قالى حا نبص حسيت أنهم بيتفرجو على سفينة فضاء ههههههههه و قالى العيب من خرطوم الهواء الى راكب من العمة للانجيكشن و حط حتت خرطوم 20 سنتى و مكنش عارف العيب و قالى كدة الانجيكشن قولت لة دة يتصلح قالى نشوف و التكلفة المبدئية 800 جنية قابلة للزيادة . قولت لة دقيقة واحدة كلمت واحد من عزبة شلبى اعرفة كويس جدا قالى امشى من عندك يا باشا و عدى عليا حا نغير الانجيكشن كلة و هو ماركة بوش صنع فى ألمانيا اشتريتة من هناك بحوالى 200 جنية و المشكلة انتهت تماما ملحوظة الانجيكشن كامل ب الايديال كنترول بتاعة كمان

بنزينه شيل فى المعادى يتكشف على حاله الموتور وبيقوللك هو كام فى الميه... على فكرة العربيه دى ممتازة انا جربت ال 1300 ال 2001 بجد رائعه تحفه والتابلوة شيك اوى والكراسى مريحه جدا..
وغير كدة العربيه دى حاجتخا موجودة فى الوكاله انا شفتها..
وقطع غيارها فعلا كلها موجودة عند الكيلانى..
ربنا يوفقك