لسيادتك جزيل الشكر
خي العزيز باسم احب اقول ان الفيرنا الاتوماتك اصبحت ب79900 اي 80000 ودي فيرنا مش بي واي دي انا مش بشكر في سيارتي انما انا فوجئت ان سعر الفيرنا الاتوماتك ارتفع كده ومش عايز التانين يرفعوا السعر واضح انه اتجاه عام في البلد اصلها ناقصه مش كفايه علينا الاكل لا العربيات كمان وبعدين هيجي يقولك اصل الجنيه انخفض امام الدولار عشان احداث تونس العمليه فيها شويه طمع
الاخوة الاعزاء هذا ما يطلق علية الegyptology وهي حالة تنفرد بها السوق المصرية الدراسة الغير مبنية على اسس سليمة او معايير تسويقية
علمية ولكنها الطمع والجرى وراء جمع المال فقط وليس لها علاقة بالعرض والطلب فيا دوب اذا عملت احصاء لعدد السيارات تجدها لا تزيد عن 10000 سيارة في مصر من عام 2006 حتى الان اي مازلت في مرحلة التعريف وبدء الانتشار فلماذا الزيادة في السعر والاتوماتيك تسعيرها جاء صدمة وغالي جدا بالنسبةانة تم تجميعة محليا فاين ذهب الدعم الذي تعطية الدولة في صورة تسهيلات جمركية واعفاءات ضريبية لتخفيض السعر لصالح المستهلك وليس لصالح المنتج كلة واين سياسة التسعير من ذلك فالسعر العادل لهذة السيارة كان لابد الا يزيد عن 77000ج للاوتوماتيك
واخيرا دة يعتبر سمك-لبن- تمر هندي
الفيرنا الأوتو (ستار) سعرها 79.250 "بيبقى فيها كماليات زيادة زي سبويلر + نواكل + شبكة ..إلخ حاجات شكلية فقط"
الفيرنا الأوتو (العادية كاملة) سعرها 77.250
الفيرنا الكاملة مانيوال سعرها 70.750
لاحظ بقى الفرق بين الأوتو والمانيوال كام في الفيرنا (حوالي 6 آلاف جنية) .. وفي البي واي دي كام (حوالي 13 ألف جنية) حتقولي أن الفتيس JATCO ياباني بس مش بالشكل ده خالص .. ده غير الدعم اللي بتقدمه الحكومة لتشجيع التجميع .. والمكونات المصرية الداخلة في صناعة السيارة .
:bravo:
ما أنا بقول تماشياً مع سياسة القطيع .. الناس رايحة فين ، وأروح معاهم من غير ما أفكر وأعقل الأمور .. وتقدر تقولي أيه المبرر أن البي واي دي تعلى 1000 جنية كل شوية .. بعد ما كانت بـ 64 ألف الكاملة .
بصراحة من وجهة نظري أن أخر سعر ممكن يكون عادل للمنتج والمستهلك هو 67 للمانيوال .. و77 للأتوماتيك .. أي زيادة عن كدة حيبقى فيها علامات استفهام كتيرة .
فعلا زيادة السعر كل كام يوم غير مبرره وموضوع سعر الدولار ده انا مش مقتنع بيه
انا من الناس الى كنت ناوى اشترى العربية ومن فترة بتابع العربية ده عن كسب
بس انا كده فعلا هعيد التفكير فى سيارات اخرى بناء السعر الجديد وممكن مشترهاش
انا حجزت واستلمت ب 66000 جم يا استاذ محمود زى ما انت عارف ... لاكن والله والله لو بشترى دلوقتى وقالولى انها ب 68000 جم ماكنتش اشتريتها طبعا ... هو حاس ان ما فيش عربيات فى مصر ولا ايه ؟؟؟؟ ولا موضوع عافشة تويوتا وماتور متسوبيشى مخلياها سفينة فضاء ... يعنى كدة الناس كلها اللى فى مصر ها تشترى ال بى واى دى ... طبعا هو غلطان بس احنا اللى بنديلو فرصة ان يستغلنا ... وعلى فكرة العربية من غير فوانيس شبورة وفيها سماعتين فقط فى البابين الاماميين ومكان السماعتين التانيين محفور وكل حتجة جاهزة " يا فرحتى "... حتى الشماسة بتاعة الكرسى اللى جنب السواق مافيهاش مرايا ... والكاسيت اوديو مش mp3.. وده مش ميزة خالص لان الكاسيت لما يكون mp3 بيشغل كل حاجة ... ومافيش وحدات رفع الزجاج ...
وماحدش يقول الحاجات دى بتلات تعريفة ... لما هى رخيصة طيب لية هو مش بيركبها على الاقل بعد ماغلا السعر بالطريقة دى .. طيب لما هى كدة بيغلى السعر لية وبدون اسباب مقنعة .. غير انة جشع تجار لا اكثر ولا اقل ..
انا عارف الحاجات دى بسيطة لاكن مستفزة جدا ...
اسف على الاطالة
والله مع حضرتك حق سياسة الاستغلال دي مش ناوية تخلص من البلد دي
لا حول ولا قوة الا بالله
علي فكرة انا كنت بفكر جديا جدا في العربية بس بعد ما غليت طيرتها من دماغي خالص ... و اعتقد ان ناس كتير عملت كدا و دا هايخلي العربية مبيعتها تقل و هايضطر ينزل السعر تاني بس عقبال ما ينزلو تاني يكون الواحد جاب العربية التانية()