الموضوع: اسبيرانزا A516 LS l موديل 2011

العربيةفى المعارض ارخص من التوكيل

العربية فى التوكيل بـ 61000 مش 62000

انا جبتها بـ60500 + 100 ج عشان جاية على الكساحة ليا مخصوص من القاهرة

[frame="1 80"]السلام عليكم

اخوانى ..... تكملة لمشوارى مع الاسبيرانزا ومن منطلق الامانة انقل لكم يوم اخر من تجربتى مع التوكيل
( المحترم جدا جدا ) لحد دلوقت

زى مانتوا عارفين انا كنت حاسس بخبطة ورا و حاجة زى ماتكون بتلق ومش متثبتة كويس _ رحتلهم وفى تانى مرة بصراحة غيروا لى المساعد كله
( لانى قولتلهم انى حاسس بالخبط ده يمين ورا وطلع فعلا المساعد ضارب زيت )

غيروه ببلاش خالص ومن غير ولا كلمة بصراحة وف منتهى الذوق والادب

وانا ماشى من هناك حسيت بحاجة بتكركب من قدام يمين ( واضح ان الكركبة دى كانت موجودة من الاول و انا كنت فاكرها نتيجة الكركبة بتاعة ورا ) لان زى مانتوا عارفين العفشة كلها بتسمع مع بعضها

بس وضح ان الكركبة دى ملهاش علاقة بالمساعد اللى كان ضارب من ورا يمين

روحتلهم النهاردة وبصراحة مدير مركز الصيانة
( مهندس طارق ) راجل محترم جدا جدا جد استقبلنى فى منتهى منتهى منتهى الاحترام و الذوق والادب واساتأذنى انى اروحله الساعة واحدة الظهر لانى كنت ساعتها عندهم الساعة 9 الصبح وقولته ان العربية لسه عاملة 300 كيلو بس

قال لى : احنا معاك لحد 100000 كيلو وميهمكش حاجة احنا تحت امرك - تعال الساعة واحدة حاطلع معاك مهندس يشوف فيها ايه

رحتلهم الساعة واحدة الا ربع لقيته زى ماشوفته الساعة 9 الصبح و زى ماشفته المرتين اللى روحت فيهم هناك
( واقف وسط المركز مع المهندسين و الفنيين ووسط العربيات و الزباين وبيراقب و بيحل كل حاجة فى كل وقت و بمنتهى الهدوء )

دخلت له لقيته فاكرنى ومافيش دقيقتين كان مطلع معايا فنى و مهندس فى العربية و فضلنا نلف تقريبا ثلث ساعة فى الشوارع لانهم ماكانوش سامعين الصوتو كانوا على وشك انهم مش مصدقنى اساسا

انا كنت هادىء جدا معاهم بصراحة لانهم كانوا فى منتهى الاحترام و الادب ومازهقوش من اللف بالعربية عشان يسمعوا الصوت عشان يعرفو العيب فين

بصراحة - من خبرتى فى السواقة ( 20 سنة ) قولتلهم انا حاريحكم و اجيب معاكم من الاخر - الصوت هو هو لما يكون العيب فى الاسكاترة لانه بيسمع فى الدواسات و بدالات البنزين و الفرامل من تحت كأنه خبط تحت رجليا وقولتله عايز تعرف امسك ذراع الاسكاترة من تحت ( من على اليمين ) وانا حاحرك الدريكسيون و اخليك تسمع

وقولتلهم انا اسف انى باتدخل فى شغلكم بس ده احساسى من خبرتى فى السواقة واللف والقعدة من الميكانيكية لانى بحب اعرف العيوب بصراحة

وفعلا........................................ كان العيب فى الاسكاترة
- كانت مبوشة و عايزة تتغير و فعلا راحوا جابوا المهندس بتاع الضمان جو مركز الصيانة عشان يشوف العيب بنفسه و فعلا.........................
قال لى العيب فى الاسكاترة و قال لى ان مافيش قطعة غيار موجودة النهاردة فى المركز و ان فيه عربية قطع غيار جاية النهاردة

وانى اكلمه بكرة عشان لو جت مع العربية ابقى اسيبلهم العربية بتاعتى يحلوها و يكربوا الاسكاترة الجديدة ويكشفوا على كل حاجة

وبصراحة .....................

مع ان المفروض ان عربية زيرو مايكونش فيها الكلام ده ......بس بصراحة برضه انا مش متضايق

لان معاملة التوكيل بصراحة حسستنى ان ليا ضهر وانى ورايا ناس بتفهم و محترمة و عندها استعداد تساعدنى لو عندى حق

وبصراحة لحد دلوقت انا سعيد بالتعامل معاهم

بس برضه مش عايز اتسرع ولازم استنى لحد مايركبوا الاسكاترة الجديدة

خصوصا ان بصراحة العربية مافيهاش عيب غير حكاية كركبة العفشة دى من اول ماستلمتها وانا كنت فاكر بصراحة ان العملية تربيط عفشة و ماكنتش اعرف انها
( مساعد + سكاترة )

بس مش مهم طالما انهم غيروا المساعد فى منتهى اليسر و السهولة و ان شاء الله حيغيروا الاسكاترة و اتمنى انها تكون ف سهولة و يسر المساعد

وربنا يسهل ان شاء الله


موعدكم معى ان شاء الله بعد تغيير الاسكاترة

انا حبيت انقل لكم تجربتى خطوة بخطوة لانى بصراحة احب اقولكم ان العربية ممتاااااااااااااااااااااا ااااازة والله العظيم
بغض النظر عن حكاية المساعد و الاسكاترة دول لانهم نصيبى بس مش اكتر + خبرة العامل المصرى فى التقفيل

وطبعا الخبرة دى مش ببلاااااااااااااااااااااا ااااااش ابتا ابتا ابتا

وبصراحة التوكيل لحد دلوقت معايا اكتر من 10 على 10
[/frame]

اشكرك

السكاترة اللى هى علبة الدريكيسون؟
هى تشمل طرمبة الباور استيرينج؟