اعمل مواسير الشقة سباكة حديد ولا بولي

**mohamed2002** · 16-01-2011 08:55 AM

المشاركة الأصلية كتبت بواسطة محمد محمد

ياباشا انت قلقان ليه

الكلام ده مكتوب في شهادة الضمان ولغاية دلوقتي مشوفتش حد حصلله حاجة.

شكرا لردك ياباش بس انت عارف الضمان في مصر يسهل الخروج منه ودة بسبب سوء الاستخدام

**mohamed2002** · 16-01-2011 09:02 AM

المشاركة الأصلية كتبت بواسطة h_zahra

البولى احسن من الحديد
صينى او المانى او مصري المهم الشركة او السباك يكون كويس ويكبس هواء ويتاكد كويس ان مافيش تسريب
وان شاء الله ما هتشوف مشاكل سباكه إلي ماشاء الله
نصيحة كمان اقفل جميع المداخل والمخارج بورق مثلا بعد العملية ما تخلص
لحد ما تستخدمهم
علشان ايه : اي حاجة بتقع فى الاول كده حته جبس او اسمنت او تراب او رمل اصفر بيكون عذاب بعد كده

شكرا لردك ياباشا وياريت تقولي اخليني في الباننجر ولا الصيني؟وبيكبس هواء ازاي؟

**yahiahelaly** · 16-01-2011 09:22 AM

الباننجر معدش الماني خلاص بقى مصري بس
احسن حاجة في السوق الاكوا ثيرم نمرة واحد ولسة مركبة والفرق مش كبير بينة وبين الباننجر ومتعملش حديد اطلاقا بيصدي ومع الوقت هتكسر وتغير لانة معدش زي الحديد بتاع زمان وغير كدة يعتبر المواسير البلاستيك عمهرها طويل تكاد تكون مش هتغيرها لان البلاستيك مبيتححلش والخمات معاجلة تتحمل المياة السخنة مش تستخسر في حاجة هتقفل عليها بعد كدة سيراميك وهدة وفولس

**shady_hamdy** · 16-01-2011 09:34 AM

و مين اصلا السباك الى هيرضى يشتغلك حديد دة كانت شغالانة العتالين

**mohamed2002** · 16-01-2011 09:35 AM

شكرا لردك طيب بالنسبة للاكوا ثيرم دة بلده اية؟؟؟ افضل من الباننجر ؟معاه ضمان؟

**yahiahelaly** · 16-01-2011 09:41 AM

الاكوا ثيرم ألماني أصلي ومعاه ضمان برضة
وفعلاً مش هتلاقي سباك يشتغلك حديد كلهم باعوا العده الي بيشتغوا بيها في المواسير الحديد

**mohamed2002** · 16-01-2011 09:43 AM

لا والله ياباشا لسه في كتير كمان بس المصنعية اعلي شوية,هل شركة اكوا ثيرم بتبعت لك حد يكبس

**mohkhattab** · 16-01-2011 09:52 AM

بص يا باشا ، مواسير اكواثيرم دى صنع فى المانيا و هتلاقيها لونها اخضر و مكتوب عليها صنع فى المانيا ، و بتجى شركة اسمها حمزة اخوان و دا الوكيل الوحيد للشركة فى مصر بيكبس المياه و يدك شهادة ضمان

**mohamed2002** · 16-01-2011 10:48 AM

المشاركة الأصلية كتبت بواسطة mohkhattab

بص يا باشا ، مواسير اكواثيرم دى صنع فى المانيا و هتلاقيها لونها اخضر و مكتوب عليها صنع فى المانيا ، و بتجى شركة اسمها حمزة اخوان و دا الوكيل الوحيد للشركة فى مصر بيكبس المياه و يدك شهادة ضمان

تمام انا لقيت ان المواسير دي بتتتباع بشركة قريبة مني لكن هل حيكون فرق سعر كبير بيها وبين الباننجر ولا قريب ولا هي الماني فعلا ؟؟

**tarekzein** · 16-01-2011 10:57 AM

أكوا ثيرم أو باننجر

الأثنين جودتهم كويسه

المهم الأكسسوار (من كوع وطبه ونبل وجلبه و.........) لازم تكون من نفس النوع

وزى ما قال الأخوه هات الشركة تعمل أختبار كبس والسباك موجود عشان الضمان

والبولى صحى أكتر

وأهم حاجه تركب طبب فى نهايه المواسير (الواحده بجنيه )

وطبعا المواسير هاتكون دفن

عشان كده يفضل السباك اللى هاركب المواسير هوه اللى يركب الأحواض

عشانم يبقى فاكر المسارات

وميحطش مسمار فى ماسوره (يخرمها ) بطريق الخطأ

وأى أستفسار انا فى الخدمه

وممكن أبعتلك تليفونى عالخاص

الموضوع: اعمل مواسير الشقة سباكة حديد ولا بولي

LinkBack

أدوات الموضوع

عرض

-

-

-

-

المواضيع المتشابهه

عزل مواسير الخط الساقع

كارثة في سباكة الشقة

لمةبدوس على دواسة الفرامل واشيل رجلى بسمع صوت اكن حديد بيخبط على حديد

مواسير .التنك للبنزين

ايه وظيفه مواسير الpvc

الكلمات الدلالية لهذا الموضوع

المفضلات

المفضلات

ضوابط المشاركة