محتاج دعواتكوا

**wael ahmed** · 17-01-2011 03:14 AM

تروح وترجع بالسلامه ان شاء الله

**dr-mohamed** · 17-01-2011 03:36 AM

حمد اله على السلامة يا ابو اياد
فيورا لشرم ؟؟؟؟؟؟؟؟؟؟؟؟؟
يا مفتري
وصد رد كمان
والله العظيم انك جبار
طب كنت روح بالجينا ولا اللانسر يا جبار
المهم حمد الله على سلامتك

**أبو إياد** · 17-01-2011 02:44 PM

بجد متشكر جدا ليكوا انا فعلا كنت فى اشد الحاجه لدعواتكوا لانى كنت مسافر بالفيورا والعربيه دى يعتبر انا عاملها على ايدى من الالف للياء وواحد صاحبى بيشتغل فى شرم شاف العربيه وطلب منى انى اوديها شرم ليه والميكانيكى اللى اشتغل فى العربيه اكدلى ان العربيه تمام وعلشان يطمنى صمم انه يسافر معايا بدون مقابل وسافر معايا محمود اخويا واحمد صاحبى اللى اشترى الجين 2 واحمد ده بطبيعته كوميدى جدا وانا وهو عشره عمر من ايام الجامعه واتقابلنا فى المهندسين واول لما وصلنا مصر الجديده لقيت احمد بيقولى اقف بقا علشان نريح العربيه من المشوار وموتنى من الضحك ودخلنا البنزينه وفولنا وهو عمال يهرج ويتريق على العربيه انا دافع 17ج وهو 40ج وبيقول لبتاع البنزينه حلطها بنزين كانز ونازل تريقه على العربيه واتحركنا وكله كان تمام الغريب ان كل كمين نقف فيه الامين يشوف الرخص ويسبنى اعدى
انما الجين كان لازم يتكلم معاه ورايح منين وجاى منين وافتح الشنطه والكلام ده كله لغايه لما احمد اكتشف السر (ليه الفيورا مش بتقف) لما سمع الظابط بيقول للامين اصلى لو قولتله افتح الشنطه هايبطل العربيه ولما يجى يدورها تانى ممكن ماتدورش وساعتها هانعطل الكمين
ووصلنا بالسلامه وقضينا اليوم هناك ورجعنا بالليل والحمد لله

هارفع ليكوا الصور