محتاج دعواتكوا

**أبو إياد** · 16-01-2011 02:26 AM

السلام عليكم ورحمة الله وبركاته

باذن الله خلال الدقائق القادمه هسافر على شرم وبجد محتاج دعواتكم انا نزلت من البيت جيت على بيت والدتى علشان اقولها تدعيلى وشويه كده وهانزل اسافر . انا زمان كنت بسافر لوحدى لغايه سفاجا وارجع فى نفس الوقت ياعنى كنت باسوق اكتر من 11 ساعه متواصله ولوحدى دلوقتى لو مسافر اسكندريه لازم اقف فى الريست واقف مره تانيه لانى من سنه كده بداءت اتعب من السواقه واخويا صمم انه يسافر معايا وهاعدى عليه ونسافر مع بعض وواحد صاحبى باردو قالى هاجى معاك بعربيته علشان لقدر الله لو حصل حاجه

هاتقولولى الموضوع مش مستاهل وهو فعلا عادى ومش مستاهل
بس باذن الله لما ارجع بكره من السفر هاقولكوا ليه القلق ده كله
انا ماكنتش قلقان من حاجه انما كل اللى حوليا مقلقنى فى الاول وفى الاخر ربنا يسترها

استودعكم الله

**dr-mohamed** · 16-01-2011 02:38 AM

تروح وتيجي بالسلامة يا ابو اياد
وابعت لي رقمك علشان ضاع مني ومش عارف ارن عليك واقول انك مبتردش
بجد ابعت لي رقمك عايز اطمن عليك بكرة
كلامك بالطريقة دي قلقني انا

**dr.hazem** · 16-01-2011 02:40 AM

توصل بالسلامه وترجع بالسلامه ان شاء الله
ربنا معاك ان شاء الله

تحياتي يا ابو اياد

**Col. Eng. Khaled** · 16-01-2011 02:41 AM

محمد بيه وحد الله كدا و إن شاء الله ترجع بألف سلامة

**nabaster** · 16-01-2011 02:46 AM

طريق السلامه يا محمد بيك

تروح وترجعلنا بالف سلامه

والله والله كنت لسا هكلمك رقمك مش لاقيه

ييسرلك الحال وينورلك طريقك ان شاء الله

A.Yakout

**A7MED_PHARMA** · 16-01-2011 02:50 AM

ربنا معاك
البلد مش مظبوطة الايام دي..خد بالك من الكماين واللجان
والله المستعان

**أبو إياد** · 16-01-2011 02:50 AM

ياجماعه مافيش قلق والله والموضوع عادى باذن الله بس بجد والله لما اجى بكره واقولكوا ع الموضوع وما فيه
فيكوا اللى هايضحك
وفيكوا اللى هايقول ده جنان
وفى اللى هايشوف الموضوع عادى

وانا بكره هاكلمك يادكتور محمد اطمنك علشان انا فعلا مش هارد على التليفون ههههههههههههههههههههه

اشوفوكوا على خير انا هانزل دلوقتى
السلام عليكم

-

-

-

الموضوع: محتاج دعواتكوا

LinkBack

أدوات الموضوع

عرض

-

-

-

-

المواضيع المتشابهه

ضرورى جدا محتاج حجات لعفشه الماروتى محتاج اعرف سعرها

محتاج مساعدة في تظبيط جسمي ؟! (لو في دكتور تغذية , محتاج حضرتك :)

محتاج مساعدة من شباب بورسعيد - محتاج صنايعى فاهم ميكونش غالى

محتاج مساعدة - محتاج دليل الصيانة لسيارة أكسنت 1500 - موديل 2000

محتاج مساعده هجيب ام فورتى مو 91 محتاج مساعده

الكلمات الدلالية لهذا الموضوع

المفضلات

المفضلات

ضوابط المشاركة