قصة طريفة من الشيخ محمود المصري عن السفر

**ahmedhossam86** · 16-01-2011 09:15 AM

الشيخ محمود المصري كان بيحكي انه في بداية فترة الدعوة له.. كان بيتنقل بين الارياف و المحافظات و كانت الطرق يعني غير ممهدة و آمنة زي دلوقتي..

المهم كان راكب عربية بيجو 7 راكب و مسافرين.. و اذ يتعرضوا لحادث عنيف شوية و العربية تتقلب بيهم..لكن الحمد لله ربنا لطف بيهم و استراحوا بعد الحادث .. و ركبوا عربية تانية و كملوا الرحلة..

الشيخ محمود قالهم اثناء السفر.. عارفين يا جماعة احنا عاملنا حادثة ليه.. لان نسينا دعاء السفر.. يالا بينا نقوله مع بعض..

"سبحان الذي سخر لنا هذا و ما كنا له مقرنين و انا الي ربنا لمنقلبون"

و وقتها سمع الشيخ احد الركاب بيقوله..

"لسه حاننقلب تاني يا سيدنا الشيخ؟؟؟" :)))))

صلوا عليه ... عليه الصلاة و السلام :)

**kar!m** · 16-01-2011 09:42 AM

أيوه القصه دى فى شريط حوار مع سائق :-)
من أحب الدعاة الى قلبى.

**shaddadfalcon1** · 16-01-2011 10:12 AM

كان برده بيتكلم مره انه راح المرور عشان يجدد الترخيص بتاع عربيته وكانت عربيه قديمه وهلكانه وهو نفسه بيقول انا لو الظابط مش هجدد لها
ولما جه عند الظابط طبعا رفض يجددلها
الشيخ ساله وقاله تعرف الشيخ محمود المصري فقاله طبعا ده حبيبي قاله طب انا محمود المصري فطبعا الراجل رحب بيه وبعدين الشيخ قاله وطب العربيه قاله عربية مين ياعم طريقك اخضر

ده كلام الشيخ محمود المصري في احد الخطب