الموضوع: انت ليه فرحان بموضوع تونس؟

ياااااه
الموضوع ده كان في بالي خصوصا في الايام العصيبة بتاع النهب والسلب وافتكرت مشاركتي فيه
دورت عليها دلوقت معرفتش اوصلها
بس فيما معناها اني لو هتأذي في اولادي ولا نفسي ولا مالي وهخاف واستمر في الحياة دي مش ضامنة في المستقبل يجي ظابط مفتري معدوم الضمير يقتل حد من ولادي زي خالد سعيد
افتكرت المشاركة دي لما زوجي نزل جري لما المساجد نادت الناس تنزل
كنت متخيلة ان تحت المساجين بالرشاشات واقفين
فكرت للحظات امنع زوجي من النزول بس هو كان اسرع من اني احاول اعترض على نزوله احتسبته عند ربنا وقولت لو مرجعش يبقى انا عليا الدور انزل احمي ولادي

يااااه الف حمد وشكر لك يارب على كل نعمك عليا
والف رحمة على الشهداء

المشاركة الأصلية كتبت بواسطة نور القمر

نفس اسئلة العضو صاحب الموضوع دارت في دماغي
وحسيت برعب لمجرد تخيل ان ممكن اولادي او حد قريب مني يتاذوا في تداعيات الثورة او الانقلاب
بس بردو دايما بفكر مستقبل ولادنا هيكون ايه لو فضلنا زي ما احنا كدة
مظلومين ومقهورين وعايشين بالعافية
طيب لوفي احتمالية اني اتأذي في اولادي لاقدر الله او مالي او نفسي في مقابل ان يكون في تغيير جذري افضل ؟ ولا احتمال الاذية تكون بسبب التدهور اللي عايشينه كمواطنين درجة ثالثة في بلدنا ؟ ولا احتمال ان الغرب ولا امريكا يحتلونا زي ما حصل في العراق ؟ ولا احتمال ندخل حرب ضد جيرانا المسلمين ارضاءا لامريكا زي ماحصل مع العراق
مهو لو مفيش تغيير جذري واصلاح حقيقي وده مش هيجي الا بالتغيير من اول الراس الكبيرة لحد اصغر موظف لازم هنتعرض لاي احتمال من المذكورين اعلاه في يوم من الايام
يبقى علينا الاختيار

لقيت المشاركة القديمة
وعشان كدة احنا اخترناك اخترناك
مع العلم اني كنت في البداية من العاطفيين (نمشيها عاطفين المرة دي هههههههههه ) اللي اتأثروا بخطاب االريس وقولت يستنى لاخر فترته وكنت نفسي انزل لتأييده
بس الحق يقال اكثر من مشاركة لاكثر من عضو فوقتني من الغيبوبة العاطففية وخصوصا مهندس احمد 81