اخي الحبيباقتباس:
زيزو , بتقول اللي في قلبي بس انا مش باعرف للأسف ارتبه كده و الله
صدقني اعلم جيدا ما يجول في صدور الكثيرين
تقبل تحياتي
اخيك محمد
عرض للطباعة
اخي الحبيباقتباس:
زيزو , بتقول اللي في قلبي بس انا مش باعرف للأسف ارتبه كده و الله
صدقني اعلم جيدا ما يجول في صدور الكثيرين
تقبل تحياتي
اخيك محمد
هو الموظف اللي عايش على الكفاف ده اللي بالنسبة لي طبقة وسطى , سواء في حي شعبي او في حي راقي , باين عليه شوية , من اول اللي مرتبه 700 جنيه لحد اللي معاه فيلا في اكتوبر ولا التجمع جابها بالقرشين بتوع الخليج زمان ... دول في مفهومي الشخصي الطبقة الوسطى , اللي شكلهم نضيف شوية و ممكن يكون الواحد فيهم راكب عربية
تعال قارنهم بالفقير المعدم , ساكن العشة , ولا ساكن 10 في اودة و صالة , هاتحس ان السابق ذكرهم دول طبقى وسطى فعلا رغم صعوبة حياة بعضهم مقارنة بالناس دي .... و للأسف رغم ان الواحد بيتعاطف مع الناس دي الا ان فيهم فئة على استعداد انها تاكل اللي قصادها اكل لو جت الفرصة (بعض من الطبقة الوسطى اللي انا منها كده برده)
أرجع و اقول , الفئة الفقيرة لو قامت و الطبقة الوسطى اللي بتعاني ما قامتش معاها , هايبقى بدافع انا و من بعدي الطوفان ,و يبقى نستاهل :(
صح
اللي يعرف كده اللي ساكن في حي شعبي او اهله منه بس
التقرير الخاص بالفاو مكنش بيوجه كلامه لمصر...التقرير حذر من اضطرابات شعبية فى العديد من الدول مماثلة للى حصل فى سنة 2008 (افتكروا حرب الخبز اللى كانت فى مصر) نتيجة توقعات ارتفاعات قياسية فى اسعار السلع الغذائية
وبالتالى الحمد لله اننا اخيرا اعترفنا ان السلع لما بتزيد بيكون بسبب خارجى فى (اغلب الاحوال) لكن تخفيض اسعار السلع بتدخل من الحكومة لا بيكون سهل ولا باوامر عليا ولكن الاسعار حترتفع فعلا لكن الحكومة هى اللى حتدفع الزيادة دى وده يكون بالضغط على موارد اخرى او بصورة اخرى بتحويله لزيادة عجز الموازنة واكيد النظام حيتحمل زيادة العجز السنة دى لغاية لما الانتخابات تعدى...لكن نشوف السنة الجاية...الاقتصاد مفهوش زراير والا كان سهل على اى حكومة فاسدة انها تسرق وتنهب وفى نفس الوقت تريح "الزبون" وتخليله الاسعار منخفضة - انا مش عايز ادخل فى مواضيع فرعية لكن مدام بنتكلم على ارتفاع اسعار يبقى ياريت حد يقولى الاسعار بره مصر عملت ايه خلال السنتين تلاتة الاخيرة بس بارقام لو سمحتم مش بكلام عام-
اما الراى الثانى الخاص بتبسيط الامور فى يوم 25 يناير فانا مبسطتش الامر ولا حصرته فى 25 يناير -اللى انا لغاية دلوقتى مش فاهم حيحصل فيه ايه- ولكن رديت عليه اكتر من مرة ووضحت ان الناس (تتكلم) وبس ولكن وقت الجد "كله بيقعد فى البيت" يبقى بلاش نقعد نقول افدى الحرية بدمى وروحى ومستعد اضحى بنفسي واهلى علشان خاطر اقاوم الاستبداد وايه يعنى لما ناس تموت والكلام الكبير والجميل ده-لانك اول واحد مش مستعد تضحى باى حاجة ولا حتى انك تنزل تهتف فى مظاهرة
موضوع المناطق الشعبية انا مقلتوش ومحدش بيقصده بالسليبة والهليبة لان دول لا ليهم مكان محدد وممكن يكونوا بيكسبوا كتير -زى بعض فئة الصنايعية مثلا- لكن جواهم حقد طبقى من الدرجة الاولى - على فكرة انا اتولدت وعشت طوبل عمرى فى حى شعبى وعارف كويس انها ملهاش دعوة بالنشاة ولا الحى-
اولا اولا طالما اسلوبك وصل للمستوى ده يبقى انا هاعتبر ان حوارى معاك انتهى
ثانيا انا كلمتك باحترام بس يبدو انك مبتعرفش تكلم الى قدامك باسلوب كويس
ثالثا تقدر تقولى فين التريقة والتهكم فكلامى؟؟!!!!!!!!!!!!!!!!
رابعا اتمنى اشوفك يا بطل يوم 25 يناير بتقود المظاهرات فشوارع القاهرة وبتهاجم الاقسام انت وال(%&*)&*) وبتأثر الظباط واهو تبقو عملتو الى محدش عملو
ههههههههه
ولو معملتش كده
يبقى متدخلش بقا تصدعنا بكلام كتير
فعلا كثير الكلام قليل الفعل!!!!!!!!!!! ده مثل عام على فكرة ينطبق على الملايين من الناس للاسف
هههههههههه
حضرتك فهمتنى غلط
على كل حال
انا باعتذر لحضرتك يا فندم
انا مش قصدى كل ساكنى هذه الاحياء بالطبع
انا كان قصدى ان نسبة كبيرة من المجرمين من ساكنى هذه الاحياء وديه حقيقة وليس ادعاء
في قلبي تعليق , بس مش هاقوله
بشر القرضاوي الحكام العرب بأن "الله يمهل ولا يهمل" مستدلا بقوله تعالى " وَأُمْلِي لَهُمْ إِنَّ كَيْدِي مَتِينٌ"، مشددا على ضرورة عمل المسلمين والعرب من أجل حريتهم اقتداءا بالشعب التونسي الذى قال انه "تخلص من طاغيته فى زمن قياسي ولم ييأس"، مؤكدا أن معظم الحكام العرب يسلمون ويخافون فى يومين إذا وجدوا إرادة شعبية صادقة، مبديا أسفه بأن الشعوب العربية لا تستمر في دفاعها عن حقها لأكثر من يومين مما يضيع أجر الشهداء والضحايا هباءً.
وشدد على أن المسلمين ينبغي الا يكونوا مثل قوم فرعون الذين قال فيهم الله تعالى " فاستخف قومه فأطاعوه"، مؤكدا أن الشرع يسمح بالتظاهر والعصيان المدني في حالة تفشي ظلم الحاكم واستمر استبداده،
المصدر
القرضاوي للحكام العرب:يمهل ولا يهمل
رأيي
واخيرا اقول للمتخوفين من الثورات الشعبية وتبعاتها ان القدر بيد الله وحده ولا يعلم الغيب الا الله
وليس علينا في الدنيا سوى عمل ما تمليه علينا ضمائرنا وديننا والتوكل على الله