الموضوع: هو ليه الاسبرانزا منتشره؟

انتشار العربية فى مصر بالذات بييجى من الفكرة الأزلية (البيضة و لا الفرخة) مين فيهم الأول هل العربية كويسة عشان كده منتشرة و لا عشان العربية منتشرة تبقى كويسة و أغلب أدمغة (جمع دماغ) الشعب المصرى بيميل للفكرة التانية إنها مادام منتشرة تبقى كويسة زى انتشار السيراتو دلوقتى و من قبلها الانسر ال1300 و ال128 أكيد العربيات دى مش وهم و مش أحسن حاجة فى سعرها ولكن انتشارها بيدى انطباع إن أكيد قطع غيارها بالتبعية هتنتشر و بالتالى هتبقى أرخص و برده الميكانيكية اللى بيفهموا فيها و بيشتغلوا فيها هيبقوا كتير و ده برده هيرخص الخدمة و كل اللى فات ده هيقوم تمنها فى المستعمل و دى أغرب حاجة بالنسبة للمصريين اللى بيفكروا يبيعوا العربية قبل ما يشتروها تلاقى كل واحد من أهم نقاط تقييمه للعربية سعر إعادة البيع بتاعها كام و كل المقدمة الطويلة اللى أنا قلتها دى بصرف النظر عن عيوب العربية عشان كده إوعى انتشار عربية يخدعك و يخليك تعتقد إنها عربية كويسة و بالنسبة لموضوع التاكسيات فده لأن الشركات اللى قامت بالتمويل كان همها فى الأول و الآخر سعر العربية نفسه يكون رخيص عشان التمويل ما يبقاش عالى لكن اعتمادية العربية نفسها أو خدمات ما بعد البيع و لا تفرق معاهم لأن دروهم بينتهى عند التمويل و بس.

معظم الناس اللى اشتريتها عاوزه اوبشن كتير وسعر صغير وعربيه جديده ( رغم انهم وقعوا فى مصيدة العربيه الصينى+ فوائد تقسيطها = عربيه يابانى محترمه
لكن فعلا هى كويسه لمدة صغيره بعد كدا بتتورط فيها الا اذا كان حظك حلو ووقعت معاك عربيه بنت حلال مفيهاش مشاكل ودى موش حاتدوم اكتر من 3 سنين
وهناك سبب للاسف منتشر وهو المنظرة
عاوز اعمل برستيج اودام الناس واركب عربيه زيرو بعد ماكان معايا 128 او عربيه قديمة
وطبعا بتمنظر بيها لمدة وبعد كدا برجع اتورط فى مشاكلها

المشاركة الأصلية كتبت بواسطة omaroof

( رغم انهم وقعوا فى مصيدة العربيه الصينى+ فوائد تقسيطها = عربيه يابانى محترمه

حضرتك تقصد الجميلة نيسان صني

رايي زي الاعضاء ما تفضلوا وقالوا . وجهات نظر سليمة