.. خيانه مشروعه + منصور بيضحك على الناس ..

**Bassem Raafat** · 16-01-2011 01:23 PM

الموضوع عباره عن موضوعين فى بعض

الموضوع الأول : خيانه مشروعه :

كنت معزوم من شباب قسم نيسان على مقابله فى معرض الفورميلا يوم الجمعه إللى فاتت وده نص الدعوه :

المشاركة الأصلية كتبت بواسطة Peaceman

اذيك يا استاذ باسم عامل ايه يا جميل
احنا ان شاء الله هنعمل مقابلة كده صغير لنيسان في الفورميلا يوم الجمعة اللي جايه 14 يناير 2011
فحبيت اقول لحضرتك عشان كنت قولتلنا اننا نقول لحضرتك لو عملنا مقابلة
و اي خدمة و معاك الرابط

http://www.nilemotors.net/Nile/194935-14-1-a.html

وكان ليا إتنين أصحابى ... واحد منهم معاه نيسان صنى 2011 .... والتانى بيفكر يشترى عربيه جديده .

فقولت أخبط عصفورين بحجر وأروح المقابله إللى قررنا ذهابها قبلها بساعة واحده نظراً لظروف الجو .

وده رابط تقرير المقابله ، ويا رب يعجبكم وأكون شرفتكم مع شباب النيسان ، ورفعت رأس وإسم قسم شيفروليه ، وبصراحه قابلت شباب قمه فى الذوق والنظام والتميز ، وبالتأكيد لازم نشوفهم فى مقابلاتنا إللى جايه .

http://www.nilemotors.net/Nile/196380-a.html

وآسف على هذه الخيانه المشروعه .

الموضوع الثانى : منصور بيضحك على الناس :

فى المعرض لاقيت طبعاً قسم لشيفروليه .

أول حاجه عينى جت عليها كانت الأوبترا ، وإذ المفاجأه ... لاقيت جنط وطاسات الـ 14 " ودخلت لاقيتها بدون سى دى .... تبقى موديل كام ؟!! ...... الله ينور عليكم ، تبقى 2010 .

المهم سألت البنت إللى واقفه وقولتلها " دى 2010 صح ؟!! " رديت عليا وقالت " لأ دى 2011 "

قولتلها " لا يا ماما دى 2010 وبإمارة الجنوط والكاسيت وصوت الكلاكس " راحت مميلا عليا وقالتلى " هم إللى قالولى أقول إنها 2011 " .. بالذمه ده كلام !!

بصراحه حسيت إنهم بيستهبلوا الناس ، وقولتلها مينفعش تقولوا كده علشان لما يتثبت عكس كده ، ثقة الناس حتتهز فيكم ، وأنا واحد منهم ..... البنت إتكسفت شويه ، بس لازم كنت أوضحلها النقطه دى علشان ممكن غيرى يعملهم فضيحه ... صح ولا ....... إيه ؟!

وآسف على الإطاله كعادة الحريف : ))

**zanativich** · 16-01-2011 01:48 PM

يا سيدى البنات الى بيكونوا مع العربيات دول للعرض زى العربيات بالضبط
اليوم مع عربية وغدا بتيبيع جبنة فى كارفور
لا تعلم شى عن المنتجات دى
فلا تلام

**Bassem Raafat** · 16-01-2011 03:02 PM

المشاركة الأصلية كتبت بواسطة zanativich

يا سيدى البنات الى بيكونوا مع العربيات دول للعرض زى العربيات بالضبط
اليوم مع عربية وغدا بتيبيع جبنة فى كارفور
لا تعلم شى عن المنتجات دى
فلا تلام

تمام يا باشا ، العيب على اللى بيقولها تنقل معلومات غلط

**KHALED AYMAN** · 16-01-2011 03:09 PM

اولا ...البنات مش عارفين حاجه ...حافظ مش فاهم
تانى حاجه ...دى حاجه بسيطه بالنسبه لمنصور ...عادى يعنى :)مش احسن ما يقول على عربيه المانى ..وهى اسبانى او بولندى ..ههههههههه متحرقش فى دمك

**ecybrarian** · 16-01-2011 06:05 PM

عادي يا مان...اهلا بك في مصر..طيب شفت العربية الاسترا اللي راشة رفرف خلفي في المعرض!!!! دا راشش عند واحد نقاش..هم (التوكيلات) عارفين إن ما فيش غيرهم وإللي مش عاجبة ما يشتريش حاجة تضايق بجد

**dj_bex** · 16-01-2011 06:39 PM

انته غريب اوي يا باسم تكسفها لييه بس ؟؟ حد يكسف الاقمر بردو .. لا لا لا زعلتني منيك اوي ... يا حبيبي انا نفسي احضر فرحك و انقطك ... فيها اييه الاوبترا لما تكون 2010 او 2011 المهم عاوز اجوزك بقى يا اخي ....... (( يا جماعه انا وباسم اكتر من الاخوات عشان محدش يفهم اني بتخانق معاه ولا ايييه يا بسووومه ؟؟ )) هههههههههههههههههههههههه

**Bassem Raafat** · 16-01-2011 06:56 PM

المشاركة الأصلية كتبت بواسطة KHALED AYMAN

اولا ...البنات مش عارفين حاجه ...حافظ مش فاهم
تانى حاجه ...دى حاجه بسيطه بالنسبه لمنصور ...عادى يعنى :)مش احسن ما يقول على عربيه المانى ..وهى اسبانى او بولندى ..ههههههههه متحرقش فى دمك

يا باشا أنا إللى حارق دمى هو الضحك على الناس

، والله عيب عليك يا منصور .

المشاركة الأصلية كتبت بواسطة ecybrarian

عادي يا مان...اهلا بك في مصر..طيب شفت العربية الاسترا اللي راشة رفرف خلفي في المعرض!!!! دا راشش عند واحد نقاش..هم (التوكيلات) عارفين إن ما فيش غيرهم وإللي مش عاجبة ما يشتريش حاجة تضايق بجد

لأ والله .... بجد جديده دى (( مرشوشه )) ، على رأى واحد حبيبى " كل إللى بيشتغلوا فى مجال العربيات دول ...... ماعدا الزبون " .. والحدق يفهم

المشاركة الأصلية كتبت بواسطة dj_bex

انته غريب اوي يا باسم تكسفها لييه بس ؟؟ حد يكسف الاقمر بردو .. لا لا لا زعلتني منيك اوي ... يا حبيبي انا نفسي احضر فرحك و انقطك ... فيها اييه الاوبترا لما تكون 2010 او 2011 المهم عاوز اجوزك بقى يا اخي ....... (( يا جماعه انا وباسم اكتر من الاخوات عشان محدش يفهم اني بتخانق معاه ولا ايييه يا بسووومه ؟؟ )) هههههههههههههههههههههههه

يا عم والله ولا قمر ولا حاجه دى كانت شبهى

إنت عارفنى لو كانت قمر كنت حقولها " دى موديل 2012 وهاى لاين كمان ولا تزعلى نفسك "

وبالنسبه لفرحى ..... بعييييييييييييييينك يا جميل ، مش حفرحك فيا

**aymanmaly** · 16-01-2011 07:29 PM

خيانة خيانة خيانة خيانة
ماشى يا باسم طب قول لى
خلاص مافيش اخوة
ولا قلت دة راجل عجوز و هايفتكروة والدى و طبعا مش هاعرف اتفرج و اتكلم براحتى هاهاهاهاهاها
اما بخصوص منصور طبعا فية عاندوا استوكات 2010 فاتلاقية قال اخلص منها فى المعرض
طبعا اكيد البنت مش فاهمة لان فى الافراج الجمركى هايبان سنة التصنيع و العقد هايبقى مكتوب فية سنة 2011 و دة مش هاينفع
والا كان اسهل ما يمكن فى التوكيل انة يغير الجنوط و الكاسيت و الكلاكس و تبقى 2011
ماشى يا حريف مش هاسمحك ابدا
طبعا بهزر انت حبيبي من ايام الجيزة
و يجعلة عامر

**abou-yahia** · 16-01-2011 08:01 PM

بسوم حسامحك في حاله واحده بس
انك تنظملنا مقابله خامسه بسرعه عشان تصلح بيها غلطتك وتجدد ولائك للفرسان
هاه ايه رايك

-

الموضوع: .. خيانه مشروعه + منصور بيضحك على الناس ..

LinkBack

أدوات الموضوع

عرض

.. خيانه مشروعه + منصور بيضحك على الناس .. - انشر الموضوع فى :

-

-

-

-

-

-

-

المواضيع المتشابهه

خيانه خيانه

تساؤلات مشروعه ارجو الجواب

هام بخصوص التوكيل منصور وياريت من كل عميل لدي منصور الدخول

خيانه !!!

أيهما أصعب خيانه الحبيب أو خيانه الصديق..

الكلمات الدلالية لهذا الموضوع

المفضلات

المفضلات

ضوابط المشاركة