صور لكيا سول + أسعار بعض قطع الغيار

**smartchoice** · 16-01-2011 01:43 PM

السلام عليكم ورحمة الله وبركاته

أزيكم يا محبى الكيا سول أنا رحت معرض فورميولا الأهرام علشان أحجز الكيا سول و قولت هلاقى تخفيضات و عروض و بتاع و كانت الصدمة أن السعر متغيرش و كمان زاد 100 جنية

المهم قلت ما بدهاش بقى أحجز من محمد زكى على الأقل تسليم فى خلال شهر بالكتير أو فورى لو اللون متوفر لكن للأسف ملقيتش عنده غير اللون الأسود فى الفئة الهاى لاين اللى ب 129,000 و أنا مبحبش الأسود فحجزت و مستنى شهر أو أقل ربنا يسهل

المهم بقى فى المعرض صورت الكيا سول بالتفصيل و إليكم الصور بس ملحوظة دى مش أعلى فئة دى اللى ب 123,000 تقريبا و ينقصها على ما أتذكر ABS و وسادة هوائية للراكب الأمامى و كاميرا الركن الخلفية و مسند أيد السائق مش بيفتح و يقفل ده حتة دراع لازق فى الكرسى بس شغال

السماعة اللى فى الشنطة

الدرج بمستويين

الفتحة اللى فوق الأنتظار دى كانت مقفولة زمان بس هما خلوها مفتوحة فى موديل 2011 بس مصلحة علشان لو الكاسيت باظ لا قدر الله ممكن تركب فيها كاسيت جديد لأن أكيد سعر الكاسيت فى التوكيل هيبقى مولع و فى نفس الوقت متبوظش شكل التابلوة و تسيب الكاسيت القديم منظر

زراير القزاز و ضم المرايات فى كرسى السائق

أماكن لتخزين الزجاجات فى الكراسى

فتحة السقف + أنوار الصالون

يتبع أرجو عدم الرد

**smartchoice** · 16-01-2011 02:12 PM

الشنطة مساحتها معقولة جدا تاخد شنتطين سفر كبار و را بعض

الحركات بتاعت الكاسيت و الفتيس الأستبترونك الجديد

العدادات حلوة بس مش زى السيراتو هى بتور بلون تلجى و مفيش فيها حركات (كلاسيك خالص)

جنط الموتوسيكل اللى جاى مع العربية

الموتور الكورى الفلة شمعة منورة

المساحة الخلفية مع رجوع الكراسى لأقصى مدى

الجديد بقى أن التوكيل ناوى ينزل فئة أعلى توب لاين فيها تكييف أتوماتيك + تشغيل السيارة بزرار + بلوتوث فى الكاسيت+ جنوط 18 + حساسات أمامية للركن بس لسة مفيش أى تفاصيل عن أسعارها و لسة منزلتش

قطع الغيار بقى أسعارها كالأتى بس مش بالظبط تقريبا يعنى

مرايات ضم كهرباء ب 1200
فانوس أمامى 1400
فانوس خلفى 1000
تيل فرامل أمامى 600
تيل خلفى 500
أكصدام أمامى 1500
أكصدام خلفى 1100
الأنذار ب 650

و الأسعار عالية شوية عن السيراتو و الكارينز على حسب كلام الوكيل و ربنا يستر طريقنا
أتمنى يكون التقرير عجبكم و لنا لقاء لما أستلم العربية دعواتكم

و لمذيد من الرغى زوروا موضوعى السابق
http://www.nilemotors.net/Nile/193817-a.html

اللهم صل على محمد وعلى آله وصحبه أجمعين

**gemy215** · 16-01-2011 07:30 PM

مبروك عليك حجز العربيه وان شاء الله اختيار موفق
وعلي فكره انا اول مالك للسول في المنتدي والعربيه ما شاء الله زي الفل معايا ومبسوط بيها الحمد لله لو احتجت اي حاجه في العربيه تحت أمرك
والموضوع بتاع حضرتك جامد جدا تسلم ايدك

**M7amD_7amDy** · 16-01-2011 10:53 PM

شكرا ياباشا ومبروك مقدما :)

**unixed** · 17-01-2011 05:18 PM

المشاركة الأصلية كتبت بواسطة gemy215

مبروك عليك حجز العربيه وان شاء الله اختيار موفق
وعلي فكره انا اول مالك للسول في المنتدي والعربيه ما شاء الله زي الفل معايا ومبسوط بيها الحمد لله لو احتجت اي حاجه في العربيه تحت أمرك
والموضوع بتاع حضرتك جامد جدا تسلم ايدك

يااااااااااا أخيرأ لقيت حد معاة العربية دة دانا عجبانى جدا بس نفسى حد يقولى اية نظامها فى الأستخدام يعنى سحبها عفشتها و أهم حاجة عجبانى فيها انها شكلها عالية عن الأرض صح ولا اية و نظام المطبات و البلاعات اية لو محمل العربية يعنى ياريت تحكيلنا كدة عنها شوية لو سمحت

شكرأ

**gemy215** · 17-01-2011 05:57 PM

المشاركة الأصلية كتبت بواسطة smartchoice

ربنا يباركلك فيها و يديك خيرها و يكفيك شرها
و كنت عاوز أعرف اخبار الثبات بتاعها أية و أية أقصى سرعة جبتها بيها و هل حكت منك قبل كده فى مطبات ؟؟

الله يبارك فيك و شكرا على زوقك
و شرفتنى بمرورك

الله يخليك
الثيات تمام يا باشا واقصي سرعه جبتها بيها 160 لسه من يومين وطلعت من تيدا في النقله التالته كنا بجرب الاكسلريشن بتاع اعربيتين وطلعت من فيكترا الجديده كمان كنت بجرب بردو العربيه مع واحد صاحبي الي معاه الفيكتر فا بشكل العام العربيه تمام
وبالنسبه للمطبات لأ الحمد لله ولا مره وبأقصي حموله

**mohaismail** · 17-01-2011 07:34 PM

اخبار العزل بتاع العربية ايه وهل صوت الموتور وتاطريق مسموع ولا لا

**tawfic** · 17-01-2011 10:24 PM

ربنا يباركلك فيها ويسترها معاك وتكون قدم خير عليك يارب
بس للامانه تقرير هااااااااااااااااااايل

**smartchoice** · 20-01-2011 10:41 PM

المشاركة الأصلية كتبت بواسطة gemy215

الله يخليك
الثيات تمام يا باشا واقصي سرعه جبتها بيها 160 لسه من يومين وطلعت من تيدا في النقله التالته كنا بجرب الاكسلريشن بتاع اعربيتين وطلعت من فيكترا الجديده كمان كنت بجرب بردو العربيه مع واحد صاحبي الي معاه الفيكتر فا بشكل العام العربيه تمام
وبالنسبه للمطبات لأ الحمد لله ولا مره وبأقصي حموله

ألف شكر على ردك و طمنتنى و ربنا يباركلك فيها و يديك خيرها و يكفيك شرها

المشاركة الأصلية كتبت بواسطة tawfic

ربنا يباركلك فيها ويسترها معاك وتكون قدم خير عليك يارب
بس للامانه تقرير هااااااااااااااااااايل

ألف شكر على ردك الكريم
و شرفتنى بمرورك و ربنا يرزقك بأحسن منها

-

الموضوع: صور لكيا سول + أسعار بعض قطع الغيار

LinkBack

أدوات الموضوع

عرض

صور لكيا سول + أسعار بعض قطع الغيار - انشر الموضوع فى :

-

-

-

-

-

-

المواضيع المتشابهه

طلب هام :- اسعار الصيانات و قطع الغيار لكيا سيراتو

سعر بعض قطع الغيار لكيا سيراتو

تجربتى...أجابات عن أسعار قطع الغيار والعفشة وأماكن أفضل الورش وأحسن أمكان قطع الغيار

ليون ، كماليات،أسعار قطع الغيار، أسعار الصيانة

الكلمات الدلالية لهذا الموضوع

المفضلات

المفضلات

ضوابط المشاركة