يا تساعدوني يا اما هبيع الفيكترا واجيب توك توك

ازيكم يا شباب اولا
ثانيا العربية عندي غريبة ومش فاهمها خالص
هي فيكترا بي 96 متسقط عليها موتور 2000 ايكوتيك
اشترتها وبعد ما جيبتها كانت ماشاء الله 128 موديل 1920
المهم غيرت الاتي
طرمبة باور
مراوح بالدفيرة
abs
دفيرة حوض وماتور وتابلوة
مارش
كونتاك
5 فرد كاوتش
وقولت ان شاء الله هتبقي تمام
المهم علشان مطولشي غيرت مرة جوان وش السلندر ومن بعدها بحس بنخعة في السلانسية
ونسيت اقول اني غيرت البطارية كمان
الومين دول انزل الصبح الاقي البطارية علي الارض بس اول ما ازق تدور هواء
ولما امشي بيها واشيل رجلي من علي البنزين احس اني كاني بدرب فرامل بس علي خفيف
وغيرت طرمبة بنزين
ومش عارف اغير اية تاني .
ياريت لو حد من رجال الاوبل يعرف حد كويس او اي العيوب يقلي ويكسب فية ثواب

طيب غيرت فلتر بنزين وتأكدت ان الخراطيم سليمة
طب ايه اخبار الماف عندك العادم بتاع الموتور لونه ايه
استنى العصابة هم اقوى منى فى الميكانيكا انا لسة بتعلم منهم

اكشف كمبيوتر الاول ولو مطلعش حاجة
يبقى ممكن عندك نفس العيب اللى كان عندى وهو ازود بنزين تسمع صوت الموتور جامد والارب بى ام يعلى واكنك راب بطة بلدة مفهاش سحب خال يدوبك تشد مع واحد ماشى على رجليه وغيرت الاتى:

1- طرمبة بنزين
2- فلتر بنزين
3- بوجيهات
4- تنضيف حساس الضشكمان
5- تسليك علبة البيئة
6- واهم حاجة كشف كمبيوتر

الموضوع مش بالظبط القصة اللي بقولك عليها دة بتكون في السلانسية بس اذا كبست بنزين بتسحب
لاني بشد واوقات كتيرة بخلي الاول علي 40 والتاني بفصلة 70 او 80 والتسارع ما شاء الله علية
وحاجة تانية العربية بتحرق بنزين جامد

العربيه دي كهربتها ضعيفه اوى
انا شاكك في الدينامو اوى
أكشف علي شحن الدينامو ياباشا وان شاء الله هيطلع هو العيب

طيب تست بسيط كده ياباشا
لما تكون ماشي في السلانسيه او في وضع المور ومنور النور العالى الرعاش ,,,,بتحس ان العربيه سرعتها بتهبط كده شويه لدرجه انها ممكن تطفي ؟؟؟

لا مش بيحصل معايا موضوع النور دة وقصة البطارية دة حصلت مرتين بس وواحد قالي ممكن يكون من الان>ار بتاع العربية علي اساس اي حد بيلمسها بتنور

والله انا مقدر التعب اللى تعبته في مشاكلك مع العربيه وعايز اخدم بس معنديش خلفيه انا عن ال2000 الإيكوتيك ,,,,شويه هيرد عليك حد بيفهم فيه ان شاء الله
و العيب اللى عندك في الغالب كهرباء ,,,,روح لكهربائي بيفهم مش بيعك
شيك برده علي شحن الدينامو
وان شاء الله خير

ودي العربيه لحد فاهم اوبل كويس يكشف عليها بدل ماتغير كل حاجه وفي الاخر يطلع العيب بسيط سلكه مقطوعه او حساس عاوز يتنظف...انزل الحرفيين عند الشيخ هيثم .

ودي العربيه لحد فاهم اوبل كويس يكشف عليها بدل المصاريف الاى ممكن متكونش فى محلها

أكشف كمبيوتر

طبعا العيب واضح العربية ملعوب فيها للصباح الباكر طبعا الغلطة هى شراء سيارة المانى حلتها تعبانة هتتبهدل ومفيش فيها امل مع الاسف العربيات الالمانى متتجبش الا حالة او زيرو خلاف كدة تركب تومتوم افضل هى 128 هتشدها وتمشى بيها الالمانى مش كدة يا جماعة الالمانى عايز ناسة

معلشى
كل اللى اتعمل شغل عك
و ضحك على الزبون

كلام حضرتك علي عيني وراسي بس ان شاء الله هوصلها لمستوي انها تفترك اي عربية في المنتدي وهعمل عليها مزاد كمان
وهوصل سعرها 100 الف جنية بس شوية اللعب اللي هعملهم الاول

اقتباس:

---

المشاركة الأصلية كتبت بواسطة theghoast

كلام حضرتك علي عيني وراسي بس ان شاء الله هوصلها لمستوي انها تفترك اي عربية في المنتدي وهعمل عليها مزاد كمان
وهوصل سعرها 100 الف جنية بس شوية اللعب اللي هعملهم الاول

---

واضح ان نصيحه الشباب حمستك للعربيه ,,,,,بس انت ناسي ان الناس دي عايزه مصلحتك وعايزه توصلك معلومه انك غلطت غلطتين ,,,,,انك اشتريت عربيه عايزه شغل جامد وفي نفس الوقت الصنايعيه عكو فيها
حاول تودي العربيه لحد بيفهم ويكون بيفهم في الأوبل وتوريه العربيه وتقوله ايه رأيك فيها وتشوف رده وانت برده ليك نظره تعرف الصنايعي بيخترع ولا بيتكلم كلام معقول
وان شاء الله مستنيين عربيتك تبقي احسن من عربياتنا كلها ان شاء الله

اقتباس:

---

المشاركة الأصلية كتبت بواسطة theghoast

كلام حضرتك علي عيني وراسي بس ان شاء الله هوصلها لمستوي انها تفترك اي عربية في المنتدي وهعمل عليها مزاد كمان
وهوصل سعرها 100 الف جنية بس شوية اللعب اللي هعملهم الاول

---

والله احنا حبينا ندى نصيحة
بدل ما تصرف فلوسك على الهوا و ترجع تقول ياريت اللى جرى ما كان
مبدأ رافضة انى احاول اعمل المعجزات فى زمن ذهبت معجزاته الى ان يشاء الله
و ربنا يوفقك و تعمل اللى تخليها احسن عربية فى كوكب الأرض
و هو احنا نكرة
بس بشرط يكون الأساس اللى هتشتغل عليه سليم
بدل ما كل اللى تبنيه يتهد
و يبقى خسرت كتير قوى
اكتر من الفلوس
وقت
مجهود
حرقة دم

و الله المستعان

يا باشا انا كلامي هزار واذ مكونتش بثق فيكوا يبقي عملت الموضوع هنا لية هي كل مشكلتي اني وكلت واحد يشتريها وانا ما
شوفتهاش الا بعد ما اجابت بس الحمد للة اقدر اقولك انها خرجت من الانعاش خلاص وداخلة في النقاهة

بالشفا ان شاء الله
بس خليها متتعرضشى للهوا
و لا تاكل بيض و لا موز

طب ينفع تاكل بطاطا

يا صديقى بجد هنصحك نصيحة لوجه الله و أكيد كل الناس اللى هنا عارفينها
فوكك علشان انت مش اول واحد تعمل كده و صدقنى مش هتوصل العربيةة للى فى دماغك او حتى لحالة الزيرو و كل اللى هيحصلك مصاريف و حرقة دم و قرف و فى الاخر هتلعن اليوم اللى انت جبتها فيه و هتبعها
العربية اللى معاك دى شكلها ملعوب فيها اوى و الالمانى زى م قالو الزملاء يا حالة يا زيرو و ساعتها روشها للصبح
بس فى حالتك دى بعها والله العظيم يا عم علشان هتبهدلك اوى اوى اوووووووووى
و لو مش مصدقنى شوف انت صرفت كام و حطة على تمنها و شوف بالمبلغ ده كنت ممكن تجيب عربية حالتها ايه
و ان شاء الله ربنا يهديك للصح

بصي ياباشا هقولك نصيحه لو ناوي تصرف عالعربيه بجد وتوضبها وجنوط وبتاع
احنا هنا في بورسعيد يعني محافظه من المحافظات اللى غاويه لعب في العربيات
العربيه لو اساسها مش سليم ,,هتبقي زي العروسه السكر ,,,,تبقي حلوه في الأول وبعدين تتكسر
هي بتبقي كده ,,,,,فيه عربيات توضبها وتجبلها جنوط وتسمكر وتدهن وهي اساسها غلط اصلا تقرفك بعد 6 شهور مثلا حسب استعمالك ,,,واعرف ناس باعت عربياتها بسبب انها بتفتح بقها بعد مافرحو بشكلها
وفيه عربيات بتبقي اسود واقفه عالأرض وعربيات فابريكه متوضبه ولا بتزعل صاحبها في حاجه ,,,

انا قلت كده
بس محدشى اقتنع

أكشف انت بس عند حد فاهم و قدر المصروف المطلوب و اعمل دراسة جدوى هل تستاهل كل المجهود و العطله للوصول لحاله كويسه وللا لأ و ربنا يوفقك

التوك توك اوفر اشتريه وخلاص وممكن تكسب منه كمان دة انا مرة شوفته مركب فيه ناس اكتر من عربيتك وماشى تمام غير انك ممكن تروشنه استكرات وعلامات سيارت مختلف الانواع عيشه يعنى وكمان بيمشى فى المعاكس ومافيش مخالفات ولا تراخيص يعنى اشد من الاوبل الخربانه

اقتباس:

---

المشاركة الأصلية كتبت بواسطة amado318

التوك توك اوفر اشتريه وخلاص وممكن تكسب منه كمان دة انا مرة شوفته مركب فيه ناس اكتر من عربيتك وماشى تمام غير انك ممكن تروشنه استكرات وعلامات سيارت مختلف الانواع عيشه يعنى وكمان بيمشى فى المعاكس ومافيش مخالفات ولا تراخيص يعنى اشد من الاوبل الخربانه

---

أو علي رأي الباشا كده
بفلوس العربيه هاتلك توك توك حلو أو كمل علي فلوسها وهاتلك n70 عده بكمرتين وحلوه :36_1_31:

احنا عندنا اوبل فيكترا تحفه طيارة قويه مريحه هاديه ثابته جدااااااااااا فرامل رائعه وانا بحبها جدااااااااااااا علشان بتجرى وبتقف وتاخد غرز ضيقه جدااا وبتلزق فى الارض كل اما تجرى غير انى مش يسمع صوت الطريق

يا جماعة الموضوع قلب هزار لية انا بننصح لوجة الله لا اكثر على فكرة احنا بنوجة نصيحة الى الناس بتقول الاوبل وحش الاوبل مش وحش انت استرخصت انا بشترى نفسى لما اجيب عربية اغلى من السوق 6 7 الف اة لاكن اعدة المكنيكى والبهدلة ليها نسها وليها ثمنها وسدقنى لو حسبتها هتلقى نفسك خسران كتير كفاية المواقف البيخة عندك اوبل اة لاكن عربية لا
عربيتك تحت رجلك على طول مش كل شوية تعطل دة حتى فال وحش وممكن تحتجها متلقهاش وتقول الاوبل وحش لا انت السبب ايوها الانسان الغشيم اسال استشير هذة اوبل ولن تكون 128 او 504

وما يجعلنى احزن كثيرا هو ان اعطى النصيحة قبل الشراء ولا احد يستعين بيها خالص لو متعرفش بنقول ماشى لاكن المشكلة ان احنا بنحزر على العموم ربنا مع الجميع وتحيتى الحارة الى صاحب الموضوع واتمنا لة التوفيق فى ما يرديد

هوة مش قلب هزار صاحب الموضوع هوة الى عاوز توك توك بيقارن الفيكترا الرهيبه المدمرة بالتوك توك

اهدى يا تامر
خلاص
الراجل مش هيجيب توكتك
صرف نظر عنه

اقتباس:

---

المشاركة الأصلية كتبت بواسطة theghoast

.................................................. ...........

---

دي اول مشاركه لي في موضوعك ,تقبل رايي ..احنا هنا مختلفين عن اي قسم ..مفيش نفسنه وبنحب بعض في الله واغلبنا ماشافش باقي زمايله حتي ,روح الدعابه موجوده بس مش استظراف زي ماحضرتك بتسميها ,ولما حد يهزر مش معناه اهانه لا سمح الله وبعدين ياراجل انت عنوان موضوعك اصلا كوميدي ..ماتزعلش لان كلمه زعل دي مش موجوده هنا اصلا وتحياتي لحضرتك :36_3_10[1]:

اقتباس:

---

المشاركة الأصلية كتبت بواسطة theghoast

.................................................. ............

---

استظراف ؟؟ وشباب عسل ؟؟ امممممم طب والله كتر خيرك اننا عسل والله
وبالنسبه للشباب بقه اللى نصحوك وحبو يهزرو معاك عشان عنوان موضوعك دول كمان ملهومش احترام وكان نفسك تغلط فيهم؟؟

حضرتك كاتب توك توك وانا كلمه توك توك بتضحكنى علشان مش عارف يعنى ايه توك توك صحبى قلى ترجمتها يعنى اتكلم اتكلم بعدين حضرتك الى ابتديت وعنوان موضوعك التوك توك قلت ادخل اشوف موضوع التوك توك مع الاوبل وخاصه اننا عندنا اوبل فيكترا وعندنا اوبل كورسا وكمان استرا ابدلهم يعنى بكام توك توك وبقترح نعمل قسم للتوك توك فى المنتدى