معروض علي لانوس 2005 كاملة لا يوجد بها اى خدش فابريكة بالكامل
فى كشطق فى الرفرف الامامى الايمن(كان حمادة بيركن و مشفش العمود)
كان طالب 58 الف ووصلت معاة ل 57 بالعافية
كتير ولا
ياريت ترودوا بسرعة من فضلكم
شكرا
عرض للطباعة
معروض علي لانوس 2005 كاملة لا يوجد بها اى خدش فابريكة بالكامل
فى كشطق فى الرفرف الامامى الايمن(كان حمادة بيركن و مشفش العمود)
كان طالب 58 الف ووصلت معاة ل 57 بالعافية
كتير ولا
ياريت ترودوا بسرعة من فضلكم
شكرا
عاملة كام الف كم ؟
مش فاكر بالضبط
هى حاجة و عشرين بس العربية عموما ما شاء الله مافيش فيها اى حاجة
تقريبا 2008 زيرو بتتباع تكيف و باور و كاسيت بحوالي 64 على ما اذكر ان مكنش السعر زاد
لو الاخوة اكدولك صحة السعر دة يبقا طبعا تزود شويه و تجيبها زيرو حتى لو هتقسط ال 7 الالف الفرق لو ظروفك تسمح بكدة
السلام عليكم :_ طبعا لانوس 2005 عربيه كويسه جدا بس انا شايف ان سعرها غالي شوي لان انا لسه نازل "" ســـــــوق السيارات "" الجمعه الي فاتت ولفيت كتير جدا شوفت لانوس كتير جدا بموديلات مختلفه وكان اخر سعر لانوس سمعت عنه تقريبا 2004 او 2005 كان عاملة بين53 و 55 الف لكن عمري ما سمعت لانوس بالسعر ده للاسف يعني مثلا من ضمن السيارات الي انا شوفتها وسيارات بعتبرها افضل من اللانوس هي :_
1 - كيا اسبكترا 2005 كانت بــــ 55 الف
2- لانسر 2002 كانت بــــ 60 الف وكان ممكن ينزل في سعرها كمان **
الف شكر ليكو كلوكوا
انا بس عاوز اقول ان كنت مقتنع ان السعر عالى
بس الناس هنا هى اللى اقنعتنى ان السعر كدة عادى
كان فى واحد هنا فى المنتدى لانوس 2004 كاملة رشة الجنب الشمال كلو و طالب 55
يبقى عربية زى المعروضة عليا دى تحفة 2 الف زيادة و دهان المصنع ولا اية ؟؟؟؟؟؟؟؟؟؟؟
وفي واحد معانا في المنتدي عارض كيا ريو 2003 كوري فول اوبشن 1500 ماشية 54 الف كم
عايز فيها 49 وممكن تنزل حبة
وعربية سليمة قوي
ممكن تسالة عنها هيا في البيع والشراء
-ماركة السيارة : كيا ريو
2-الموديل/السنة :2003
3-عدد الكيلومترات:54700
4-الكماليات: (كاسيت-تكييف-زجاج كهرباء-باور-سنتر)
5-حالة الصاج او الخوارج (رشه بالكامل ماعدا السقف)
6-حالة الدواخل (فابريكا)
7-حالة الصالون (ممتاز)
8-حالة الكاوتش (جديد من 3اسابيع)
9-حالة البطارية(جيدة)
10-مكان المعاينة(مدينة نصر)
11-السعر المبدئي كام 49 الف
12-اسم صاحب الاعلان ورقم هاتفة محمد 0102410490
13-تاريخ انتهاء الرخصة؟2010/4/29
14-اول يد او ثاني او ثالث الخ الخ ثانى يد
15-امكانية البيع بتوكيل او اشتراط التسجيل: توكيل
16-حالة الموتور جيد جدا
-حالة الصاج او الخوارج (رشه بالكامل ماعدا السقف):D:D:D:D:D
لا تعليق
السلام عليكم،اقتباس:
-حالة الصاج او الخوارج (رشه بالكامل ماعدا السقف):D:D:D:D:D
لا تعليق
أنا شايف دي حاجة عادية جدا في بلدنا. الحوادث شىء عادي جدا بس المهم التصليح يكون كويس.
غير كده حتى لو مفيش حوادث كفاية الخرابيش اللي الواحد بيبتلى بيها كل يوم و الفوط الزفرة من السياس و غيره كتير :D أنا لو عندي عربية موديل 2003 أكيد كان زمانها اترشت نظافة و من زمان كمان :)
و على فكرة كمان كويس اوي ان صاحب العربية امين و قايل انها مرشوشة :)
شكرا.
ربنا هيكرمك بحاجة كويسة ان شاء الله
صباح الخير يا باشا
شكلك مش مبسوط منى
الموضوع ببساطة انى حبيت افهمه انى عاوز حاجة مترشتش خالص
و دة مش معناة ان عربينك وحشة ولا حاجة............بس تقدر تقول وسوسة
وقبل كل دة انا بهنيك على امنتك الى اصبحت صفة نادرة حاليا
بالنسبة بقى لموضوع انى مش هعرف انها رشة...........انا على استعداد انى اشوفها وسط 50 عربية 25 راشين و 25 مش راشيين
وبما انك تتحدانى لو قلت انها رشة هاخدها منك ب 40 الف:p:D:D:p
بس قولى انت بتحكم ازاى على العربية اذا كانت رشة ولا لا عشان لو فاهم غلط اديك درس ببلاش;)
وانا اسف لو كلامى دايقك فى الاول
دا بعد مقولت ولا قبل ما قول عمومآ العربية منغير فلوس خالص
بما انك هتدينى درس ببلاش يبقى انت استاذى وياريت تقولى حضرتك على الدرس
اية الاحراج دة ؟؟؟؟؟؟!!!!!!!!!!!!
اولا مش عيب انك متكونش عارف
انا كنت فى الاول اشوف اى عربية مغسولة افتكرها مرشتش
بس كنت روحت شفت عربية 2006 لانوس
عجبتنى............قلت اجيب الميكانتكى يشوفها مبدئيا(الميكانيكييييى)
اول ما شفها بحكم انو بيفهم ( مش خروف زيى :d )قالى :لالالالالالا( وهو عارف انا عاوز اية)
قالى دى رشة الاكصدامين و 4 رفارف و بابين
انا طبعا اتخضيت
بس مش من الرش الكتير ............من ان حاجة زى دى مش باينة
سألتو : حاجات جامدة ولا ممكن تمشى
قالى :العربية طالما فيها شغل ف كذا حتة يبقى ما تضمنش اية اللى حصل
قولتلو : انت عرفت ازاى اصلى انا مش بفهم قوى فى الحاجات دى و عاوز اعرف عشان المستقبل
قالى : اول حاجة يستحيل اى فرن يجيب لون الفابريقة(لان رش الفابريقة على صاج نظيف مش دوكو احمر)
قلت : بس الورش دى بالكمبيوتر و سهل يجيب اى لون
قال: ماشى بس هايبقى فى فرق واضح بينهم نتيجة الهواء مع التراب و الشمس
بعد ما مققت عينى بصعوبة لاحظت الفرق و قال ان اللى عاملها صايع بس الحتة اللى اترشت صغيرة عشان كدة بانت
ماشى يا عم ................و اية تانى ؟؟؟؟
بص كدة على القابض
المفروض هى لون العربية ..............عادى جدا
بس ال ضهر اللى هوا اسود كان بايين فية شذايا الرش
بعد كدة فتح الشنطة و خلانى اضعك الصاج بايدى عشان احس الفرق( بس دى محستهاش خالص:d:d
جينا عند الكبووت
بصينا على المسامير لاقتناها فيها خربشة (يعنى اتفكت و اتركبت قبل كدة)
نفس الوضع بالنسبة لمسامير الابواب و كدة
طبعا انا كنت عامل زى اللى بيتفرج على حااوى
يارييت بقى يا استاذ محمد تدفع الفزيتا وانتا خارج
اااه
و متنساش تراضى الرجالة ;)
على فكرة هو شاف الحاجات دى فى اقل من دقيقة و نص
و انا كل ما شوف عربية اعد فيها تلت ساعة ولا حاجة
مش عارف يارجالة
هى الحاجات اللى اتقالن دى عادية ولا انا اللى كنت جاهل؟؟؟؟!!!!!!!!!
على فكرة هو شاف الحاجات دى فى اقل من دقيقة و نص
و انا كل ما شوف عربية اعد فيها تلت ساعة ولا حاجة
مش عارف يارجالة
هى الحاجات اللى اتقالت دى عادية ولا انا اللى كنت جاهل؟؟؟؟!!!!!!!!!
نرجع بقى لموضوعنا لانوس 2005 ب 57
و ده كتير
امال 2006 و 2007 و 2008 تتباع بكام
حتى لو كامله 2008 هتنزل مش اقل من 8 الف عن سعر الزيرو عشان تستحق انك تشفها
من الاخر لو عامله 20 الف ك يبقى اخرها 55 الف
انا سعيد جدآ بسماع الكلام ده دى برده بتزود من معرفة البيشتري