تسعير شاريد 90

**sam82** · 16-01-2011 03:04 PM

معلش يا جماعة انا معروض عليا شاريد موديل 90 اوتوماتيك ب27 الف جنيه
هل ياترى ده سعر عالى علما بان صاحبها لسه مغيرلها موتور بالفتيس و مغير العفشة
وياريت كمان يا جماعة تقولولى ايه هي الحاجات الى اخد بالى منها فى العربية قبل ما اشتريها

**Qmax** · 17-01-2011 01:33 AM

السلام عليكم

اوصف العربيه وصف كام ودقيق عشان تلاقي حد يقدر يفيدك لأن محدش شايف ولا عارف العربيه اللي انت هاتشتريها

يعني مثلا العربيه سيدان ولا هاتش باك 1300 سي سي ولا 1000 سي سي
حالة العربيه من بره ومن جوه رشه من الخارج والداخل ام دهان المصنع من الداخل والخارج

وان شاء الله هاتلاقي اللي يقيملك العربيه وسعرها

**sam82** · 17-01-2011 09:43 AM

المشاركة الأصلية كتبت بواسطة Qmax

السلام عليكم

اوصف العربيه وصف كام ودقيق عشان تلاقي حد يقدر يفيدك لأن محدش شايف ولا عارف العربيه اللي انت هاتشتريها

يعني مثلا العربيه سيدان ولا هاتش باك 1300 سي سي ولا 1000 سي سي
حالة العربيه من بره ومن جوه رشه من الخارج والداخل ام دهان المصنع من الداخل والخارج

وان شاء الله هاتلاقي اللي يقيملك العربيه وسعرها

وعليكم السلام ورحمة الله وبركاته...
العربية دهان جيدمن الخارج و فابريكة دواخل 1000 cc وهاتشباك

**mohamed_rhem** · 17-01-2011 10:02 AM

اولا اهلا بيك في قسم الديهاتسو

ثانيا بصفتي خبير في الموديل ده اقدر اقولك ان السعر ده مبالغ فيه جدا

العربية ده اخرها 17 الي 18 الف لو مكيفة والتكييف شغال

وحالتها نمرة 1 لو فيها شغل تقل طبعا

بص علي فرش الابواب في تقطيع

بص علي الردياتير الاصلي ولا مركب واحد وده حاجه مهمه جدا

بص علي قواعد الموتور وده تعرفها لما تدوس فرامل وتدي d

بص علي القوائم والشاسيه والشنطه اتأكد ان دواخلها سليمه هي والحوض

العجل الامامي اتأكد ان الكارتيرات راكبة وسليمه

صوت الموتور مش عالي لان العربيه ده 3 سلندر ولو في مشكله فيه مش سهل يتظبط

وفي النهايه اقدر اقولك ان المبلغ ده يجيب سيريون 99 او 2000

طبعا احسنلك مليون مرة من شاريد 90

**sam82** · 17-01-2011 04:59 PM

الف شكر يا استاذ محمد و انا سعيد جدا بوجودى فى المنتدى
و شكرا ليك يا qmax

**mohamed_rhem** · 19-01-2011 09:54 AM

المشاركة الأصلية كتبت بواسطة qmax

بعد كلام الاستاذ محمد مفيش كلام تاني هو فعلا اكتر واحد عنده خبره بالعربيه دي

شكرا استاذ محمد

يا باشا الله يكرمك

انت عارف قد ايه انا بحب العربية ده

وكلفتني فوق ال 30 الف جنيه بكتير

مش عايز اقولك والله كنت بستخسر في نفسي ولا كنت ببخل عليها

اللي كان مشجعني اني مكنش في في حالتها كل حاجه اصليه وفبريقه

واللي كنت بغيره بجيب اصلي ياباني

لكن السوق له كلمته

لما روحت ابيعها علشان كنت مستعجل مجابتش اكتر من 16

اه ومانيول ومكيفة طبعا ده نص تمنها وعلشان كده مبعتهاش ادتها لاخويا

اللي طالب 27 الف ده ممكن تكون واقفه عليه بأكتر من كده اسالني انا

لكن زي ما قولت كل وقت وله اذان

والاتوماتيك في الشاريد ضغيف ومشاكله كتير