واخيرا تنضم اوبل ريكورد لقائمة التعديلات الميكانيكيه



انا كنت اتزنقت اكتر من مره فى ماستر فرامل عمومى للريكورد وللاسف ملقتش والى لقيتو الوحيد كان من الوكاله وحالته صعبه اوى ركبته ولا اكنى عملت حاجه

المهم بعد الفحص والتنقيب اتجهت الى التعديل

واخذت بنصيحة اعز اصدقائى والى ليهم تاريخ كبير اوى فى الالمانى من الفولكس بييتلز الى جيتا


المهم قعدنا تقييس ونجرب ونشوف الاطوال والاعراض وفى الاخر توصلنا الى احسن تعديل


وهو بصراحه مايعتبرش تعديل تعديل ده انا بعتبرو مجرد تغيير قطعة غيار فى العربيه لان الماستر الجديد ده دخل بسلاله جدا بالسيرفو بتاعو حتى من غير ماغير المسامير بتاعته

مركز تحميل

دى صورة ماستر فرامل عمومى لجولف 2 والى دخل فى مكان بتاع العربيه الاصلى بمنتهى السلاسه والسهوله بالاربع مسامير بتوعه بس بعد تعديل بسيط اوى وهو نهاية الرجراش تحت عند الدواسه معمول على سنتين صغيرين دول بتوع الاوبل
انما ده معمول على بيضه فتم قطع الجزء الاصلى من ماستر الاوبل بالصاروخ وقطع ايضا بيضة الماستر الجديد ولحمه مكانه بلحام ليزر بس بصراحه واد محترم الى لحمه لانه خلاه على استقامة الاصلى تماما

بجانب ان الماستر القديم عندى كان تلت مواسير بس لان العجلتين الى ورا ليهم مشترك
فابالتالى قفلنا الفاتحه الرابعه الى فى مستر الجولف وشغلنا تلاته بس

وحطينا الزيت وبقى تمام الحمدلله


ودى علامة الفولكس والاودى كمان عالماستر


مركز تحميل





وبصراحه الماستر شغال معايا زى الفل حتى الان الحمد لله وبدعى لصاحبى الى تعب معايا فى التدوير

وبدعى كمان للمبدعين الالمان الى مخلاش الواحد يوقف عند عربيه معينه فى قطع غيارها ,, لا ده عمل كل حاجه المانى بتمشى مع اخواتها

وده طبعا نابع من عقل اقتصادى جبار كون انه مايوقفش سوق عربيه ابدا فى بلده !!!