صوت غريب من الفتيس

**smsm_nabawy** · 17-01-2011 03:44 PM

اللي حيددلك الحاجات اللي متاكلة بظظبط ،، الميكانيكي ،، او أنا لو شفت سمكها !!

لكن ده مستحيل طبعاً :))))

بس ممكن يكون العيب من كله ،، اللي طبلت عليك من كل جته يعني ،،

كون الفتيس بينطر في التالت يبقى كده عيب فتيس ،، و ده مش عيب غوايش فتيس ،، و لكنه عيب فتيس ،، و حسب معلوماتي ممكن يتغير ،، و لكن ممكن تلاقي ميكانيكي ،، مخضرم لما يشوف العيب ده يقولك ممكن أصلحه ،،
زي مقل لحضرتك قبل كده ،، كله على حسب الميكانيكي ،،

و في نفس الوقت ،، أسطوانة الدبرياج و طقم الدبرياح كلله قعد كتير اوي كده من آخر مرة حضرتك غيرته زي مقلتلي ....

بس برده ممكن يكون النطر ده عيب أسطوانة مش ديسك

بمعنى لو حضرتك بتجيب تالت ،، و تحس بعضو ،، او تقل في النص كده ،، يعني بتغير عادي ،، و فجأة تحس بعضة بسيطة ،، او زي حاجة مكسورة كده و بعد كده يبجيب تالت عادي ،، يبقى ممكن تكون الأسطوانة فيها شرخ ،،

اما لو بعد مبيعشق و يبجيب تالت فجأة تلاقيه نطر لوحد و موور .!!! يبقى أكيد فتيس :))

القلب بتاعه تلاقيه فيه تروس مكسورة او حاجة ،،

و لكن من المؤكد أن طقم الدبرياج كامل في الحالة دي عايز يتغير !!

يا راجل يا طيب ،، دنا عربيتي جايبها زيرو ،، موديل 2006 لحد دلوقتي مغير الطقم كله مرتين ،، و التالتة أهي بعد الأمتحانات ،، يعني كمان أسبوع أو اتنين بالكتير ..."بعد الشر... :)) "

بص عامةً كده كده في كلتا الحالتين حضرتك حتضطر تغير طقم الدبرياج ،، لأنك لو حطيت فتيس جديد ،، أكيد حتحط عليه دبرياج جديد ،، عشام كده طقم الدبرياج حاجة مفرغ منها ...

و زي مقلت لحضرتك قول للميكانيكي أنه يكشفلك على الدبرياج ،، و قلله على العطل بالمرة ،، لو الدبرياج طلع سليم "و ده أستحالة"

يبقى غير فتيس ،، و ساعتها حتغير دبرياج معاه ..

لو طلع بايظ " و ده الاكيد" شوفه و أسأل الميكانيكي ،، هو ايه اللي كان بايظ فيه ،، الديسك بس ممسوح "و ده بيعمل ضعف في السحب" ولا البلي كان بايظ " و ده بيعمل صوت زي صوت بلي العجل كده .. صوت تصفير أو تزيق"

ولا شوف معلقة الدبرياج ،، و دي بتعمل صوت "طك" عند الدوس على الدبرياج ،،

ولا كان في بوش في الدبرياج ، و ده برده بيعمل صوت "طك" عند الدوس على الدبرياج،، مع صوت كركرة على المورة ،،

ولا الأسطوانة كانت مكسورة أو فيها شرخ ،، "و ده بيعمل خشونة و عضة في النقلات.."

ولا فرش دبرياج ،، "بيعمل صوت زقزقة ،، و تصفير بيروح عند الضغط على الدبرياج.."

دي معلوماتي ،،، و أرجو اني اكون أفدتك و ساعدتك .. و لو أفتكرت حاجلة تانية ،، حقولك على طول أن شاء الله ،،و ان شاء الله سليمه ،،

بس متبخلش على العربية ،، لأن من الواضح أنها حمالة أسيه معاك و بقالها كتير ،،.. و لو حضرتك كمان كنت جايبها مستعملة ،، يبقى أي عيب في الفتيس ،، غيره على طول ،، عشان تدي معاك اداء و تريحك،، بس عيب العربيات عندنا في مصر ،،
انها مش بتتابع في الصيانة ،، و الطرق بتاعت بلدنا الحبيبة بتبوظ أي حااجة

ده غير أن مش كل الميكانيكيا مخضرمين ،، و معظمهم "ان مكنش كلهم" واخد المهنة حرفة أتعلمها من صغرة ،، مش دراسة و بعد مخلصها أشتغلها و بيطبق فيها فهمه و دراسته ،، و طبعاً ده بيحطنا تحت أيد ناس مش كلها بتفهم ،، و بتجيب الاعطال بالشبه ... و تقعد تفتي كتير ،، و في الاخر يطلع فتيهم ده غلط ،،

نصيحة يا اخي في الله ،، لو عربيتك لها توكيل هنا في مصر ،، أجري عليه من غير تفكير ،، و مش حتندم أن شاء الله ...

آسف للأطالة

**smsm_nabawy** · 17-01-2011 08:10 PM

أولاً . عفواً مفيش مشاكل ،، و تحت امرك والله ...

ثانياً . يبقى أنت لما غيرته بزيت لزوجته قليلة ،، حصل حاجة في الفتيس ...

بس طالما الموضوع مش حيقدر يتعمل حالياً ،، يبقى أمشي بيها كده ،، و سيب الجير بوكس في حاله .. لحد ميبجيب آخره خاااااالص ،، ساعتها أبقى غيره ،، لو عايز تغير الدبرياج الامر يرجلعلك ،، بس عامةً هو محتاج يتغير ،، نصيحتي ،، غيره و متلعبش في الجير ،، و ان شاء الله الوضع يتصلح شوية ،، لحد متلاقي الجير بوكس مغلس عليك اوي ،، ساعتها يبقى حلها حلال و تقدر تغيره

**smsm_nabawy** · 17-01-2011 09:51 PM

لا ،، قصدي لا تحاول تصليحه الان عشان كده كده حتفتح بقها ، و حتحتاج تدفعلها كتير ،، و بما ان الظروف حالياً لا تسمح ،، فشوف ،، لو تسمح بتغير الدبرياج ،، قشطه ،، لو لا تسمح ،، افكس لحد ماتسمح الظروف أن شاء الله ،، عامةً أخي في الله ،، عيب الدبرياج و الفتيس لا يؤثر على الموتور !! و لكن على الاداء بوجه عام ،، من تسارع و خلافه ،، لكنه لا يضير بالماتور في شيء ،، بس هو حيغلس عليك و انت بتسوق في حكاية الصوت ده و السحب و نطرة و خشونة الفتيس ،، فممكن تستمر بيه كده عادي لحد نتكون مستعد تدفع و تعمل التصليحات بتاعتك ،، هايز تصلح حاجة من دلوقتي ،، غير دبرياج ،ن و شوف ،، ان شاء الله الوضع يتحسن شوية ،، و لو لسه فضل في عيب مضايقك في العربية و النطرة و الخشونة و الصوت فضلوا موجودين أصبر عليهم لحد متتيسر الامور و غير فتيس أو صلحه ،، شوف أيهما ايسرلك من حيث المشقة و التكلفة ... و ربنا يسهل ان شاء الله و يتحل الموضوع

**smsm_nabawy** · 18-01-2011 01:34 AM

المشاركة الأصلية كتبت بواسطة spiderxp

انا شاكك في الكرونة برضه

ميتهيقليش أن حضرتك واجهت عيوب كرونة قبل كده :))

لأن عيوب الكارونة مش بتبان على الواقف ،،

و كمان بيكون صوتها واضح على السرعات العالية .. من التالت و طالع ،، تسمع صوت الونة جامدة أوي ،، و بتزيد ،، لحد متحس أن العربية بتاعتك فيها حرب في الحتة بتاعت الكرونة دي و حتفكك من بعضها ،، ده غير صوت الازعااااااج :))

ساعتها برده يا أخ سبايدر حتضطر تشغل الكاسيت :)))))

**smsm_nabawy** · 18-01-2011 03:41 PM

ممكن تسأل في القسم الخاص بعربيتك ،، حيفيدوك اوي أن شاء الله عن أسعار قطع الغيار و كده ....

**A.Saad** · 18-01-2011 06:26 PM

على فكرة يا </B>smsm_nabawy
مشاركاتك عن الدبرياج جميلة ووافية
وهتخلينى اسالك ازاى اعرف ان فيه مشكلة فى الغوايش واصلاحها بيحتاج تنزبل الفتيس كله ولا ايه

الموضوع: صوت غريب من الفتيس

LinkBack

أدوات الموضوع

عرض

-

-

-

-

-

-

المواضيع المتشابهه

صوت غريب في الفتيس في الام 11

صوت غريب من عند الفتيس

كلام غريب عن زيت الفتيس

ده فيديو غريب من شوارع القاهره.غريب

الكلمات الدلالية لهذا الموضوع

المفضلات

المفضلات

ضوابط المشاركة