السلام عليكم
انا عندى صوت غريب بيطلع من الفتيس عامل زى صوت ونه او نحره كده مستمره
على طول وصوتها عالى غيرت زيت الفتيس لزيت 140 وبرضه الونه موجوده
علما انها بتختفى عند الضغط على الدبرياج
فما السبب فى هذا الصوت
عربيتى بيجو 504 موديل 77
منتظر ردكم
عرض للطباعة
السلام عليكم
انا عندى صوت غريب بيطلع من الفتيس عامل زى صوت ونه او نحره كده مستمره
على طول وصوتها عالى غيرت زيت الفتيس لزيت 140 وبرضه الونه موجوده
علما انها بتختفى عند الضغط على الدبرياج
فما السبب فى هذا الصوت
عربيتى بيجو 504 موديل 77
منتظر ردكم
ان لم يخطيء حدسي دا صوت من الكرونة مش من الفتيس !
هل الصوت ده والعربية ماشيه ولا مموره؟
أزاي صوت كرونة و بيروح مع الدبرياج ،، أكيد صوت من الفتيس ،،
مقدرش أفيدك في حاجة تانية لا أنا ولا أي عضو الصوت احنا مش سامعينه عشان نحكم ده أيه بظظبط في الفتيس ،،
يفيدك ميكانيكي ذو خبرة ،، تسمعه الصوت و يقولك أيه ،، بس مبدأياً طالما بيروح مع الدبرياج يبقى ممكن يكون فرش دبرياج ،، او بلية دبرياج ،، او لو مكنش كده يبقى فتيس جاب أجله ....
بس مش كرونه ...
المكانيكى بيقولى انه احتمال يكون التروس بتاعت الفتيس بايظه
انت راي ايه هل تنفع تتصلح ولا لازم واحد جديد وعلى فكره الغيار التالت اوقات بينطر انا اخر مره غيرت اسطوانه وديسك وبليه ان من حوالى 10 سنين فممكن تكون البليه وعلى فكره برضه الصوت ده ظهر ما غيرت الزيت بتاع الفتيس كان بقاله اكتر من 10 سنين متغيرش كان بيتزود بس ولما غيرته غيرته بزيت 90 وبعدها ظهر الصوت والمكانيكى قالى غير الزيت ل 140 يمن يقل معاك وبرضه الصوت عالى
لا كده يبقى أنت شككتني اكتر في البلي بتاع الدبرياج ،، على العموم في كلتا الحالتين ،، حتحتاج تفك جير بوكس ،،
و مصنعية الفك واحدة،، بس روح للراجل على أساس الكشف على طقم الدبرياج ،، "بس أعمل حسابك على فلوس كتير لتغير الفتيس"
بمعنى ،، شيل فلوس لتغير الفتيس ،، و روح للميكانيكي خليه يكشفلك على الدبرياج ،، لو طلع العيب منه غيره ،، لو طلع العيب مش منه و من الفتيس ،، يبقى على حسب
الفتيس لو جاب غوايش يبقى يتصلح ،، لو مش غوايش ،، يبقى مفيدكش ،ن و لكن الأحسن لو الفتيس جاب آخره غيره ...
و ربنا معاك و تطلع مشكلة هبله و آخرها دبرياح و السلام ،،
بس بعد كده متزودش زيت فتيس ،، يتجيبه أرض و تغيره كله ،، يا تسيبه زي مهو ،، بحيث ميعدش اكتر من 60000 كيلو
"ستين ألف" كيلو ...
انت تفتكر الفتيس يعمل كام تقريبا وهل نطره الغيار الثالث ممكن تكون الغوايش
وتفتكر املى الاسطوانه ولا اجيب واحده جديده
اللي حيددلك الحاجات اللي متاكلة بظظبط ،، الميكانيكي ،، او أنا لو شفت سمكها !!
لكن ده مستحيل طبعاً :))))
بس ممكن يكون العيب من كله ،، اللي طبلت عليك من كل جته يعني ،،
كون الفتيس بينطر في التالت يبقى كده عيب فتيس ،، و ده مش عيب غوايش فتيس ،، و لكنه عيب فتيس ،، و حسب معلوماتي ممكن يتغير ،، و لكن ممكن تلاقي ميكانيكي ،، مخضرم لما يشوف العيب ده يقولك ممكن أصلحه ،،
زي مقل لحضرتك قبل كده ،، كله على حسب الميكانيكي ،،
و في نفس الوقت ،، أسطوانة الدبرياج و طقم الدبرياح كلله قعد كتير اوي كده من آخر مرة حضرتك غيرته زي مقلتلي ....
بس برده ممكن يكون النطر ده عيب أسطوانة مش ديسك
بمعنى لو حضرتك بتجيب تالت ،، و تحس بعضو ،، او تقل في النص كده ،، يعني بتغير عادي ،، و فجأة تحس بعضة بسيطة ،، او زي حاجة مكسورة كده و بعد كده يبجيب تالت عادي ،، يبقى ممكن تكون الأسطوانة فيها شرخ ،،
اما لو بعد مبيعشق و يبجيب تالت فجأة تلاقيه نطر لوحد و موور .!!! يبقى أكيد فتيس :))
القلب بتاعه تلاقيه فيه تروس مكسورة او حاجة ،،
و لكن من المؤكد أن طقم الدبرياج كامل في الحالة دي عايز يتغير !!
يا راجل يا طيب ،، دنا عربيتي جايبها زيرو ،، موديل 2006 لحد دلوقتي مغير الطقم كله مرتين ،، و التالتة أهي بعد الأمتحانات ،، يعني كمان أسبوع أو اتنين بالكتير ..."بعد الشر... :)) "
بص عامةً كده كده في كلتا الحالتين حضرتك حتضطر تغير طقم الدبرياج ،، لأنك لو حطيت فتيس جديد ،، أكيد حتحط عليه دبرياج جديد ،، عشام كده طقم الدبرياج حاجة مفرغ منها ...
و زي مقلت لحضرتك قول للميكانيكي أنه يكشفلك على الدبرياج ،، و قلله على العطل بالمرة ،، لو الدبرياج طلع سليم "و ده أستحالة"
يبقى غير فتيس ،، و ساعتها حتغير دبرياج معاه ..
لو طلع بايظ " و ده الاكيد" شوفه و أسأل الميكانيكي ،، هو ايه اللي كان بايظ فيه ،، الديسك بس ممسوح "و ده بيعمل ضعف في السحب" ولا البلي كان بايظ " و ده بيعمل صوت زي صوت بلي العجل كده .. صوت تصفير أو تزيق"
ولا شوف معلقة الدبرياج ،، و دي بتعمل صوت "طك" عند الدوس على الدبرياج ،،
ولا كان في بوش في الدبرياج ، و ده برده بيعمل صوت "طك" عند الدوس على الدبرياج،، مع صوت كركرة على المورة ،،
ولا الأسطوانة كانت مكسورة أو فيها شرخ ،، "و ده بيعمل خشونة و عضة في النقلات.."
ولا فرش دبرياج ،، "بيعمل صوت زقزقة ،، و تصفير بيروح عند الضغط على الدبرياج.."
دي معلوماتي ،،، و أرجو اني اكون أفدتك و ساعدتك .. و لو أفتكرت حاجلة تانية ،، حقولك على طول أن شاء الله ،،و ان شاء الله سليمه ،،
بس متبخلش على العربية ،، لأن من الواضح أنها حمالة أسيه معاك و بقالها كتير ،،.. و لو حضرتك كمان كنت جايبها مستعملة ،، يبقى أي عيب في الفتيس ،، غيره على طول ،، عشان تدي معاك اداء و تريحك،، بس عيب العربيات عندنا في مصر ،،
انها مش بتتابع في الصيانة ،، و الطرق بتاعت بلدنا الحبيبة بتبوظ أي حااجة
ده غير أن مش كل الميكانيكيا مخضرمين ،، و معظمهم "ان مكنش كلهم" واخد المهنة حرفة أتعلمها من صغرة ،، مش دراسة و بعد مخلصها أشتغلها و بيطبق فيها فهمه و دراسته ،، و طبعاً ده بيحطنا تحت أيد ناس مش كلها بتفهم ،، و بتجيب الاعطال بالشبه ... و تقعد تفتي كتير ،، و في الاخر يطلع فتيهم ده غلط ،،
نصيحة يا اخي في الله ،، لو عربيتك لها توكيل هنا في مصر ،، أجري عليه من غير تفكير ،، و مش حتندم أن شاء الله ...
آسف للأطالة
اشكرك اخى على ردك السريع
والعربيه اساسا بتاعه والدى وهو جايبها من سنه 77 يعنى بقالها دلوقتى 34 سنه معاه وهى فعلا حماله اسيه
وكان ليا استفسار انا حاليا ظروفى متسمحش افتح فى التصليح جامد فهل لو انا فكيت عشان اشوف طقم الدبرياج والبليه وطلع فى عيب فى الفتيس يلزم تغيره هل لو مغيرتوش وقفلته على كده تانى تفتكر هيتغل زى ماكان قبل فكه ولا مش هيشتغل لانى خايف افكه ويحتاج تغير وانا حاليا مش معايا انى اغيره وعلى فكره كل المشاكل اللى بقولك عليا ظهرت بعد تغير الزيت القديم لما حطيت زيت 90
قولت اغير تانى وغيرته بعدا باسبوعين وحطيت زيت تقيل 140 وبرضه المشاكل مستمره فهل ده ايه سببه يعنى هى كانت كويسه وكل حاجه انا كان عندى مكنه المارشيدير اللى بتنور النور الخلفى بايظه ولما جيت غيرتها المكانيكى قالى على فكره الزيت وسخ اوى ابقى غيره روحت غيرته فى نفس اليوم وبعدها ظهرت المشاكل ديه
أولاً . عفواً مفيش مشاكل ،، و تحت امرك والله ...
ثانياً . يبقى أنت لما غيرته بزيت لزوجته قليلة ،، حصل حاجة في الفتيس ...
بس طالما الموضوع مش حيقدر يتعمل حالياً ،، يبقى أمشي بيها كده ،، و سيب الجير بوكس في حاله .. لحد ميبجيب آخره خاااااالص ،، ساعتها أبقى غيره ،، لو عايز تغير الدبرياج الامر يرجلعلك ،، بس عامةً هو محتاج يتغير ،، نصيحتي ،، غيره و متلعبش في الجير ،، و ان شاء الله الوضع يتصلح شوية ،، لحد متلاقي الجير بوكس مغلس عليك اوي ،، ساعتها يبقى حلها حلال و تقدر تغيره
يعنى قصدك بلاش احاول تصليحه الان حتى لا تتعطل السياره
لا ،، قصدي لا تحاول تصليحه الان عشان كده كده حتفتح بقها ، و حتحتاج تدفعلها كتير ،، و بما ان الظروف حالياً لا تسمح ،، فشوف ،، لو تسمح بتغير الدبرياج ،، قشطه ،، لو لا تسمح ،، افكس لحد ماتسمح الظروف أن شاء الله ،، عامةً أخي في الله ،، عيب الدبرياج و الفتيس لا يؤثر على الموتور !! و لكن على الاداء بوجه عام ،، من تسارع و خلافه ،، لكنه لا يضير بالماتور في شيء ،، بس هو حيغلس عليك و انت بتسوق في حكاية الصوت ده و السحب و نطرة و خشونة الفتيس ،، فممكن تستمر بيه كده عادي لحد نتكون مستعد تدفع و تعمل التصليحات بتاعتك ،، هايز تصلح حاجة من دلوقتي ،، غير دبرياج ،ن و شوف ،، ان شاء الله الوضع يتحسن شوية ،، و لو لسه فضل في عيب مضايقك في العربية و النطرة و الخشونة و الصوت فضلوا موجودين أصبر عليهم لحد متتيسر الامور و غير فتيس أو صلحه ،، شوف أيهما ايسرلك من حيث المشقة و التكلفة ... و ربنا يسهل ان شاء الله و يتحل الموضوع
انا شاكك في الكرونة برضه
ميتهيقليش أن حضرتك واجهت عيوب كرونة قبل كده :))
لأن عيوب الكارونة مش بتبان على الواقف ،،
و كمان بيكون صوتها واضح على السرعات العالية .. من التالت و طالع ،، تسمع صوت الونة جامدة أوي ،، و بتزيد ،، لحد متحس أن العربية بتاعتك فيها حرب في الحتة بتاعت الكرونة دي و حتفكك من بعضها ،، ده غير صوت الازعااااااج :))
ساعتها برده يا أخ سبايدر حتضطر تشغل الكاسيت :))))) :verygood::36_2_33:
هو الفتيس الاستيراد حاله جيده يعمل كام
ممكن تسأل في القسم الخاص بعربيتك ،، حيفيدوك اوي أن شاء الله عن أسعار قطع الغيار و كده ....
على فكرة يا </B>smsm_nabawy
مشاركاتك عن الدبرياج جميلة ووافية
وهتخلينى اسالك ازاى اعرف ان فيه مشكلة فى الغوايش واصلاحها بيحتاج تنزبل الفتيس كله ولا ايه
الله يخليك والله ده من ذوقك !!
بالنسبة للسؤال ،،
علامة بوظان الغوايش ،، تسمع صوت كركرة من الفتيس نفسه ،، و رجه في عضاية الفتيس لما تكون ممور ،، و الرجة بتكون ملحوظة ،، مش الرجة إياها اللي بتحصل لما الموتور نفسه يترج لما تديلها غيار غلط ،، او يكون حيبطل أو بيقطع ....أو متلت ...
ده اللي أعرفه عن بوظان الغوايش ،، ممكن معاها بيحصل صوت حكة كده في الجير نفسه ،، بيكون ملحوظ مع النقل من جير لجير تاني ،،
على حسب حالة البوظان ,,,
بالنسبة للأسلاح ،، للأسف أيون ،، الفتيس كلله بيتشال ،، و يتصلح ...
أنا قصدي "إصلاح" مش أسسلاح :)))
أنا مش فافي اوي كده ،، ده غلط مطبعي :)))
و بالنسبة لصوت الكركرة دي بتكون على المور !!