انا ليا فى الميكانيكا... سعر السوق مليش فيه
كمان انا عايز اسال عشان اعرف السعر التقريبى... لان انا شايف ان العربية دى مطلوب فيها كتير اوى اوى
MMamdouh
عرض للطباعة
انا توقعت برضة انها حتبقى فى حدود نص الاربعينات... صاحب العربية طالب فيها 52 الف :0002014A:
MMamdouh
52 الف تجيب 2006 فبريكة بره و جوه
الاستاذ ممدوح بعد التحيه
مع احترامي لكل الاصدقاء اللي سعروا النهارده النوبيرا بتتسعر بالمقارنه بسعر الاوبترا يعني لو العربيه مواصفتها زي ما بتقول واستعمالها نضيف وواقفه علي حيلها موديل 2001 تعمل 49000 وعلي فكره موديل 2001 تقفيله احسن من اللي بعده ززز اللي بيقولوا 41000 او 42000 لحد 44000 دي عربيات حالتها مش ولا بد وعلي فكره انا من انصار النوبيرا واملكها
تحياتي
---------------------------------------------------------------------------------
الاستاذ احمد المصري ...الاستاذ ممدوح
بعد مساء الخير
اولا اشكركم لانكم فتحتوا باب المناقشه الموضوعيه
اولا اعرفكم بنفسي انا دكتور كمال متابع سلبي لقسم الدايو منذ عامين
بس دي اول مره اشارك في القسم براي الصراحه المهنس ممدوح هو اللي نكشني لان دي اول مره اشوفه هو اللي بيسال
ودي مناسبه نادرا لما ها تتكرر زي مثلا الظواهر الفلكيه اللي تتكرر كل 100 سنه او ام كلثوم لما تنحني تحيي الجمهور
علي فكره يا ستاذ ممدوح انا بسجل كل مشاركه لك وانا بعتبرها مرجع لمشاكل الدايوززماحدش ضامن يمكن الموقع يقع والكلام المهم يروح
نيجي بقي لموضوع النوبيرا
في رايي ان النوبيرا في نفس الفئه للاوبترا والنيسان صني التجميع المصري
لو شوفنا سعر الاوبترا المانيوال الزيرو ب94000 والاوتو ب 98000
والنيسان صني المانيوال 84000 والاوتو89000
يعني لما في عربيه نوبيرا مانيوال موديل 2007 عامله 50 الف كيلو فبريكه بره وجوه واستعمال نضيف تعمل في حدود 55000 او 56000
والجدع اللي مايستناش زي الاستيمشن لما الدور يكون اوفر الجدع اللي يشييل بسرعه ليه لانك بتشتري عربيه فئه الاوبترا والنيسان صني بنص التمن
بعد كده مافيش بح علي فكره مافيش حاجح اسمها نوبيرا 2001 و2007 لان كله شبه بعضه الاختلاف بس في الرخصه
يعني لو نوبيرا 2001 او 2002 حالتها كويسه افضل من 2008 وشقيانه
علي فكره عربيتي اللي قبل دي كانت اوتو موديل 2001 كانت عامله 135000 كيلو ومغيرلها رفرف وفانوس يمين وراشش جزء من الكبوت يمين نتيجه خبطه
وبعتها في مارس اللي فات ب 45000 واللي اشتراها مني بتوع التوكيل اللي في العباسيه
بس اللي بيقول عليها ممدوح بك فبريكه بره وجوه
دلوقتي بعد اسعار الاوبترا ما ذادت كل اللي عنده نوبيرا نضيفه عارف قيمتها والسعر ها يتراوح مابين 50000-الي 60000
وعلي راي ممدوح اللي مايعرفش يقول عدس
وتقبلوا تحياتي
دكتور كمال
يا اهلا بيك يا دكتور و نرجو اننا ننجح فى تحويلك الى مشارك ايجابى فى القسم
و فوق كل ذى علم عليم يا دكتور... اكيد فيه حاجات انا معرفهاش و فى يوم من الايام ححتاج اسال حد عندة الاجابةاقتباس:
بس دي اول مره اشارك في القسم براي الصراحه المهنس ممدوح هو اللي نكشني لان دي اول مره اشوفه هو اللي بيسالودي مناسبه نادرا لما ها تتكرر زي مثلا الظواهر الفلكيه اللي تتكرر كل 100 سنه او ام كلثوم لما تنحني تحيي الجمهور
ربنا يخلليك يا دكتور دة شرف ليااقتباس:
علي فكره يا ستاذ ممدوح انا بسجل كل مشاركه لك وانا بعتبرها مرجع لمشاكل الدايوززماحدش ضامن يمكن الموقع يقع والكلام المهم يروح
معاك انها نفس الفئة... بس طبعا التكنولوجيا فى العربيات دى اكثر تقدما من النوبيرااقتباس:
نيجي بقي لموضوع النوبيرا
في رايي ان النوبيرا في نفس الفئه للاوبترا والنيسان صني التجميع المصري
برضة معاك... و فعلا النوبيرا ال2007 اللى انا ذكرتها اشتراها زميل ب 57 الف لان فعلا العربية نضيفة جدا جدا و متتفوتشاقتباس:
لو شوفنا سعر الاوبترا المانيوال الزيرو ب94000 والاوتو ب 98000
والنيسان صني المانيوال 84000 والاوتو89000
يعني لما في عربيه نوبيرا مانيوال موديل 2007 عامله 50 الف كيلو فبريكه بره وجوه واستعمال نضيف تعمل في حدود 55000 او 56000
والجدع اللي مايستناش زي الاستيمشن لما الدور يكون اوفر الجدع اللي يشييل بسرعه ليه لانك بتشتري عربيه فئه الاوبترا والنيسان صني بنص التمن
هنا اختلف معاك.... عنصر الزمن عامل مهم جدا فى المستعمل... بغض النظر عن ان النوبيرا 2001 هى هى نفس النوبيرا ال 2007 من الناحية الفنية... تاثير ال 6 سنوات فرق على العربية له عامل كبير... يعنى اكيد العربية ال 2001 حتلاقى فيها مكونات كتير محتاجة تتغير نتيجة عامل الزمن مش بسبب الاستهلاك خصوصا المكونات الكاوتش سواء خراطيم او سيور او اويل سيلات... و طبعا جسم العربية اتهرى شمس خلال ال 6 سنوات دول... دة كلة من الحاجات اللى بتاثر فى حالة العربية و لازم يتعمل حسابها فى التقييم... حتى لو كانت العربية مرفوعة و ماشية 35 الف فقط مش 135 الف زى العربية اللى بنقيمهااقتباس:
بعد كده مافيش بح علي فكره مافيش حاجح اسمها نوبيرا 2001 و2007 لان كله شبه بعضه الاختلاف بس في الرخصه
مهو الخدعة هنا فى تعريف كلمة "شقيانة"... شقيانة مش كيلومتر بس... و زمن كمان... انا معايا زميل فى الشغل اخد الكيا سيفيا بتاعت والدة... العربية موديل 1999 و كانت عاملة 32 الف فقط لاغير... طبعا شكل العربية باين انها نضيفة جدا... بس المشكلة ان زميلى فاهم ان العربية كدة زى الفلاقتباس:
يعني لو نوبيرا 2001 او 2002 حالتها كويسه افضل من 2008 وشقيانه
طبعا اول حاجة قولتهالة انة يغير طقم كاوتش و سيور و فلاتر و مية رادياتر و زيت فرامل بس هو حس انى بقول اى كلام.... بعد شوية اشتكالى من الفرامل و بعد ما شرح المشكلة قولتلة دا عيب كاوتش... و لما نزلت ابص على العربية لقيت فيها كاوتش الفابريكة... يعنى انتاج 1999 و كان مشقق و حالتة بالبلا و لازم يترمى (بالرغم من انة ماشى 32 الف فقط) و فعلا اخدتة و غيرنا الكاوتش و حتى الراجل بتاع الكاوتش مرضاش ياخد القديم لانة ميت
هنا اقتنع الراجل بالكلام اللى قولتهولة و راح غير سير الكاتينة... تانى يوم قاللى الميكانيكى لقى السير متهربد و مشقق و كان فاضلة شوية و يتقطع (شغال 32 الف فقط) و طبعا الراجل كمل و غير باقى السيور و الفلاتر لانة عرف ان كلامى صح
اذا احنا وصلنا برضة ان سعر العربية دى فى حدود منتصف الاربعينات فعلا مش 52 الفاقتباس:
علي فكره عربيتي اللي قبل دي كانت اوتو موديل 2001 كانت عامله 135000 كيلو ومغيرلها رفرف وفانوس يمين وراشش جزء من الكبوت يمين نتيجه خبطه
وبعتها في مارس اللي فات ب 45000 واللي اشتراها مني بتوع التوكيل اللي في العباسيه
بس اللي بيقول عليها ممدوح بك فبريكه بره وجوه
خللى بالك برضة من عنصر الوقت... كل ما الزمن بيعدى النوبيرا بتقدم اكتر و المستعمل من الاوبترا و الصنى بيكتر اكتر و صعب اوى اوى النوبيرا موديلات اوائل 2000 الاوتوماتك توصل للمبالغ دى... دا على كدة عربيتى (لانوس 2 2001 هاف) توصل خمسين و تعدى كماناقتباس:
دلوقتي بعد اسعار الاوبترا ما ذادت كل اللي عنده نوبيرا نضيفه عارف قيمتها والسعر ها يتراوح مابين 50000-الي 60000
MMamdouh