الموضوع: طلب تسعير نوبيرا لزميل بالعمل

المشاركة الأصلية كتبت بواسطة kagawa

الاستاذ احمد المصري ...الاستاذ ممدوح
بعد مساء الخير
اولا اشكركم لانكم فتحتوا باب المناقشه الموضوعيه
اولا اعرفكم بنفسي انا دكتور كمال متابع سلبي لقسم الدايو منذ عامين

يا اهلا بيك يا دكتور و نرجو اننا ننجح فى تحويلك الى مشارك ايجابى فى القسم

بس دي اول مره اشارك في القسم براي الصراحه المهنس ممدوح هو اللي نكشني لان دي اول مره اشوفه هو اللي بيسالودي مناسبه نادرا لما ها تتكرر زي مثلا الظواهر الفلكيه اللي تتكرر كل 100 سنه او ام كلثوم لما تنحني تحيي الجمهور

و فوق كل ذى علم عليم يا دكتور... اكيد فيه حاجات انا معرفهاش و فى يوم من الايام ححتاج اسال حد عندة الاجابة

علي فكره يا ستاذ ممدوح انا بسجل كل مشاركه لك وانا بعتبرها مرجع لمشاكل الدايوززماحدش ضامن يمكن الموقع يقع والكلام المهم يروح

ربنا يخلليك يا دكتور دة شرف ليا

نيجي بقي لموضوع النوبيرا
في رايي ان النوبيرا في نفس الفئه للاوبترا والنيسان صني التجميع المصري

معاك انها نفس الفئة... بس طبعا التكنولوجيا فى العربيات دى اكثر تقدما من النوبيرا

لو شوفنا سعر الاوبترا المانيوال الزيرو ب94000 والاوتو ب 98000
والنيسان صني المانيوال 84000 والاوتو89000
يعني لما في عربيه نوبيرا مانيوال موديل 2007 عامله 50 الف كيلو فبريكه بره وجوه واستعمال نضيف تعمل في حدود 55000 او 56000
والجدع اللي مايستناش زي الاستيمشن لما الدور يكون اوفر الجدع اللي يشييل بسرعه ليه لانك بتشتري عربيه فئه الاوبترا والنيسان صني بنص التمن

برضة معاك... و فعلا النوبيرا ال2007 اللى انا ذكرتها اشتراها زميل ب 57 الف لان فعلا العربية نضيفة جدا جدا و متتفوتش

بعد كده مافيش بح علي فكره مافيش حاجح اسمها نوبيرا 2001 و2007 لان كله شبه بعضه الاختلاف بس في الرخصه

هنا اختلف معاك.... عنصر الزمن عامل مهم جدا فى المستعمل... بغض النظر عن ان النوبيرا 2001 هى هى نفس النوبيرا ال 2007 من الناحية الفنية... تاثير ال 6 سنوات فرق على العربية له عامل كبير... يعنى اكيد العربية ال 2001 حتلاقى فيها مكونات كتير محتاجة تتغير نتيجة عامل الزمن مش بسبب الاستهلاك خصوصا المكونات الكاوتش سواء خراطيم او سيور او اويل سيلات... و طبعا جسم العربية اتهرى شمس خلال ال 6 سنوات دول... دة كلة من الحاجات اللى بتاثر فى حالة العربية و لازم يتعمل حسابها فى التقييم... حتى لو كانت العربية مرفوعة و ماشية 35 الف فقط مش 135 الف زى العربية اللى بنقيمها

يعني لو نوبيرا 2001 او 2002 حالتها كويسه افضل من 2008 وشقيانه

مهو الخدعة هنا فى تعريف كلمة "شقيانة"... شقيانة مش كيلومتر بس... و زمن كمان... انا معايا زميل فى الشغل اخد الكيا سيفيا بتاعت والدة... العربية موديل 1999 و كانت عاملة 32 الف فقط لاغير... طبعا شكل العربية باين انها نضيفة جدا... بس المشكلة ان زميلى فاهم ان العربية كدة زى الفل

طبعا اول حاجة قولتهالة انة يغير طقم كاوتش و سيور و فلاتر و مية رادياتر و زيت فرامل بس هو حس انى بقول اى كلام.... بعد شوية اشتكالى من الفرامل و بعد ما شرح المشكلة قولتلة دا عيب كاوتش... و لما نزلت ابص على العربية لقيت فيها كاوتش الفابريكة... يعنى انتاج 1999 و كان مشقق و حالتة بالبلا و لازم يترمى (بالرغم من انة ماشى 32 الف فقط) و فعلا اخدتة و غيرنا الكاوتش و حتى الراجل بتاع الكاوتش مرضاش ياخد القديم لانة ميت

هنا اقتنع الراجل بالكلام اللى قولتهولة و راح غير سير الكاتينة... تانى يوم قاللى الميكانيكى لقى السير متهربد و مشقق و كان فاضلة شوية و يتقطع (شغال 32 الف فقط) و طبعا الراجل كمل و غير باقى السيور و الفلاتر لانة عرف ان كلامى صح

علي فكره عربيتي اللي قبل دي كانت اوتو موديل 2001 كانت عامله 135000 كيلو ومغيرلها رفرف وفانوس يمين وراشش جزء من الكبوت يمين نتيجه خبطه
وبعتها في مارس اللي فات ب 45000 واللي اشتراها مني بتوع التوكيل اللي في العباسيه
بس اللي بيقول عليها ممدوح بك فبريكه بره وجوه

اذا احنا وصلنا برضة ان سعر العربية دى فى حدود منتصف الاربعينات فعلا مش 52 الف

دلوقتي بعد اسعار الاوبترا ما ذادت كل اللي عنده نوبيرا نضيفه عارف قيمتها والسعر ها يتراوح مابين 50000-الي 60000

خللى بالك برضة من عنصر الوقت... كل ما الزمن بيعدى النوبيرا بتقدم اكتر و المستعمل من الاوبترا و الصنى بيكتر اكتر و صعب اوى اوى النوبيرا موديلات اوائل 2000 الاوتوماتك توصل للمبالغ دى... دا على كدة عربيتى (لانوس 2 2001 هاف) توصل خمسين و تعدى كمان

MMamdouh