الاستاذ كريم منير ( تقييم الكيا ريو )

**mohamed10** · 30-05-2007 10:21 PM

السلام عليكم يااستاذ كريم
ارجو منكم بصفتك مالك للسيارة كيا ريو ان تعرفنا بمواصفات الفنية لهذه السيارة والتى تبدو رائعة شكلا فى الصورة وربنا يبارك ليك فيها ، بالاضافة الى تقييمك الشخصى من خبرتك فى قيادتها ، وهل قطع غيارها متوفرة ورخيصة ولا غالية ، وهل هى عالية عن الارض حيث انك تعلم ماساة المطبات فى مصر ، وشكرا جزيلا

**mohamed10** · 02-06-2007 01:08 AM

ايه ياجماعة هو السؤال صــــــــــعب ولاايه مفيش حد عاوز يرد ليه ، عموما لو السؤال غامض جدا ومالوش رد ارجو من ادارة المنتدى حذفه مباشرة

**Karim_Monir** · 03-06-2007 01:33 AM

السلام عليكم ورحمه الله
انت بس اللي عجول حبتين ولنا مخدتش باللي من الماخلة الا دلوقتي
ولما يكون في حاجة زي كدة ممكن تبعتلي عنوزان الماخلة علي الخاص وهاتلاقيني رديت فورا ان شاء الله اول ما اشوفها

شوف يا سيدي
اللينك ده كنت حطيت فيه مقارنة عملتها بين الريو والنيو اكسنت
http://www.nilemotors.net/Forum/viewtopic.php?t=202
والعربية ما شاء الله
تحفة بكل المقاييس عالية عن الارض تماما وعمري في خلال السنة اللي امتلكتها فيها ما حكت مني في اي مطب مهم كان الوزن في العربية
وعلما باني سافرت بيها اسكندرية (العجمي خلال الشتاء لما كانت مكسرة وعمرها والحمد لله ما حكت في اي حفرة
الثبات بتاعها غير عادي ما شاء الله
اما التجميع والشد فتقدر تسال حازم خضر لانة كان قاعد جنبي ونزل في ارضية من الخوف :mrgreen:
وتقدر تسال شريف المصري اللي كان قارص علي عربيتة عشان يطلع منها بالعافية ومطلعش غير عند المطب لما جات عربية قدامي وبقي في فرق زمني بيننا وكنت هاجيبة لولا انه خاف وماكملش لان السرعة كانت عديت ال 180 جوة العبور
واسعة ورا وقدام بس ورا مش الوسع الرهيب بس مش اللي يتعب اللي قاعد ورا علما باني بفرد كرسيا عشان ضهري تاعبني

شنطتها حلوة جدا
تقفيلها احسن من الياباني بدون مبالغة ويكاد يقارب الكرولا
تققيماتها برة عالية وتقييم ليها عالي
في الغالب هاغير عشان حاجتين
انا شخصية ملولة محبة للتغير
ثانيا شكل العربية اللي هاتسوقني عشان هاركب اتوماتيك :mrgreen: :mrgreen:
عشان بعد ما اتنقلت مصر الجديدة وسيبت مشوار العاشر اليومي بدات اعصابي تتعب من التعامل مع الشوارع الزحمة جدا
يارب اكون فيدتك

كريم منير

**mohamed10** · 03-06-2007 08:54 PM

شكر خاص للاستاذ كريم منير على الرد وده طبعا من عشمى فى اصدقاء هذا الموقع الجميل واذا لم يقدر لنا ان نتقابل وجه لوجه فان الارواح تتقابل وشكرا

**Karim_Monir** · 04-06-2007 09:34 AM

المشاركة الأصلية كتبت بواسطة hazem_khidr

اما التجميع والشد فتقدر تسال حازم خضر لانة كان قاعد جنبي ونزل في ارضية من الخوف

و ليه الاحراج دا بس يا كريم باشا طب نا حمدت ربنا ان محدش شافني :D
كلام الاستاذ كريم فعلا صحيح العربيه تجميعا ما شاء الله
الاول 50 كم/س ....
التاني 90 كم/س ....
التالت 120 او 130 كم/س
الرابع 180 و كانت ممكن تجيب كمان
فكرتني في تجميعها بالمازدا 3 في الركوب و التقفيل و الصوت قريبه منها اوي دا طبعا من وجهه نظري انا سقت المازدا و عارفها كويس
و ثباتها برضه ما شاء الله و فراملها كويسه ما شاء الله لو بتفكر فيها هاتها من غير كلام في رايي احسن من الياريس بكتير الياريس ممكن يكون شكلها احلي حاجه بسيطه بس دي ليها طعم عنها

احراج ايه بس يا حازم ده اللي شافك شريف المصري يعني التشريد كلة :lol: :lol:
انا مخدتش باللي اللا لما هدينا وفتحت الشباك لقيتة بيقولك انت غطست تحت كدة ليه يا حازم
بس انت نبهتني لنقطة اني اثناء الشد ماجبتش الخامس والعربية جابت ال 180 كم ما شاء الله
طبعا كان علي حساب الموتور بس في كل النقلات ال RPM ماعداش ال 6000 والحمد لله
وربنا يكرمك يا باشا علي تشبيهك بال M3
وانا فعلا دلوقتي وانا بغير محتار جدا اجيب ايه
لاني لما ركبت حاجات كتير مالقتش حاجة في مميزاتها والله
عشان كدة مش عارف لو بيعت هاجيب ايه :shock: :shock: