السير بالسيارة وحرارة الموتور على 50 بارد دة صح ؟ رأيك مطلوب ف الافتى دة

السلام عليكم ورحمة الله ..

علشان الكلام يتفهم صح ... اقرأ بعناية وقولي رأي حضرتك .. الميكانيكى طلب ناخد العربية نطلع بيها مشوار صغير

دورت العربية وسبتها تسخن براحتها بدون شفاط .. وزى الفل .. طلب انة يسوق لانة بيخاف من السرعات العالية

اخدت العربية ساق وطلعنا الدائري .. اليوم دة كان ثـلج بمعنى الكلمة .. بقى بيعدى غيارات وهو ماشى

بحيث انة يريح الموتور .. ببص على عداد الحرارة لقيتة على ادنى حد لة وهو 50 .. قلت لة انى لما بمشى بالعربية

مش بحرق غيارات .. بس ع الاقل بخلي الموتور سخن شوية على 70 مثلا .. علشان متعبش الموتور

ردة كان وهو سؤالى : الاحسن والافضل للموتور بعد ميسخن كويس وطالما طريقك مفهوش زحمة عدى غيارات

وخلي عداد الحرارة على صفر لو تقدر " يقصد ادنى حد لة " ودة افضل بكتير للموتور .. وشوفتة بيحول مراوح

التاكسى الشاهين وعربيات اخري من ثرموستات الى مروحة عادية بتركب على الموتور نفسة بحيث انة تدور

طول ما العربية دايرة ... فما رأي سيادتكم هل فعلا صح ان الواحد طالما سخن الموتور كويس وطلع انة يمشى

بالعربية ويريح الموتور لدرجة ان عداد الحرارة على ادنى حد لة كأن العربية مبطلة 50 درجة مئوية وهو ادنى حد

لعداد الحرارة .. انا بمشى دايما بالعربية ف السفر بالذات بخلي العداد ميعديش 60 درجة يعنى اول شـرطة ف العداد

او 70 .. يعنى شرطتين بحيث يكون الموتور دافي شوية .. لكن انى امشى بالعربية واخلى الموتور متلج دى غريبة

فما رأيكم فى كلامة ؟؟؟ علماَ انى سبت العربية تسخن كويس جدا قبل منطلع بالعربية .

عمرك ما حتاخد اداء ممتاز من الموتور الا فى رينج درجات الحراره المتوازنه 70الى80
العزم حيقل لان البنزين مبيتحرقش صح داخل الغرف لنقص الحراره(حيزيد استهلاك البنزين)
الزيت مش حيقوم بوظيفته لانه مسخنش ودرجه لزوجته لسه مظبطتش(خطر على المكنه)
يبدو ان الميكانيكى اخد المكنكه بتاعته من باريس(ارحمنا يا رب من الصنيعيه)

انا مستغرب بصراحة من كلامة ليا دمر لي كل معلوماتى اللى ماشي بيها
المكنة حسيت انها معة حلوة صوتها مش مسموع وزى الفل .. هو معداش على فكرة 90 ك نهائى لانة بيخاف من السرعات
ولاننا على الدائري كمان .. كانت سرعتة 60 لـ 80 مثلا وبينزل تانى .. الجو كان تلج وقتها ودة ساعد ان الموتور يتلج
انا لقيت المؤشر على 50 استغربت .. طيب الزيت اللى انا حطة زيت شـيل متعدد الدرجات .. يعنى حلو ف السقعة وف الحرارة العالية .
منتظر رأيي باقى الاخوة ... واشكرك روتانا على رأيك المقنع

تصدق انا العربيه عندي متمشيش حلو و تسحب كويس الا لما تسخن علي 80 ولا حاجه

لكن لو مشيت بيها علي ال 50 لحد 70 مثلا احس ان العربيه مخنوقه جدا

علشان كده باخد وقت طويل في تسخينها

ملحوظه العربيه 128 :)

انا اول مره اسمع الكلام ده
ولو كلامه مظبوط كانو عملو نظام التبريد في العربية بالفريون وخلوها دايما ساقعه

واللي اعرفه ان احسن اداء للعربية بتاخده عند درجة حرارة في رينج مكتوب في كتالوج اي عربية
اعلى منه غلط واقل منه غلط

بالنسبه لحركة فصل الثيرموستات دي حركه سيئه جدا جدا خصوصا في الشتا
لانها بتخلي الميه البارده تدخل على المكنه السخنه وده بيؤدي الى ان راس المكنه ممكن يتشعر وتحصل مالا يحمد عقباه

حتى موضوع ان المروحه تتعمل تدور علطول فده غلط
المروحه مش معموله عشان كده اطلاقا وكان برضو لو هوا الاحسن كان اللي صنعوا العربيات عملو كده

ممكن بس تعملها زرار مخصوص بحيث لو في حالة طارئه والترموستات علق ولا حاجه تستخدمه
اما كده عمال على بطال فده غلط


من الآخر كده
حاسس ان السباك اللي حضرتك كنت عنده كان بيفتي في الميكانيكا لا اكتر ولا اقل!!!!

تحياتي

السلام عليكم..حضراتكم ومن غير ما حد يضرب أنا مع الميكانيكى دا..حضراتكم بتحسوا بالموضوع دا لأن فى فرق بين درجة حرارة مركز البساتم ودرجة الحرارة الخارجية أو أقصد أطراف البساتم..أطراف البساتم هى دى اللى حضراتكم تقصدوها..أما مركز البستم بتكون درجة الحرارة فيه بعد التشغيل لمدة نصف ساعة تقريبا حوالى 400...وهى حضراتكم بتصادف لما الحرارة عندكم بتوصل ل80...ولمعلومات أكتر لو حضراتكم مهتمين بكلامى هكمل شرح الجزئية دى

اقتباس:

---

المشاركة الأصلية كتبت بواسطة mohamedadelemam

السلام عليكم..حضراتكم ومن غير ما حد يضرب أنا مع الميكانيكى دا..حضراتكم بتحسوا بالموضوع دا لأن فى فرق بين درجة حرارة مركز البساتم ودرجة الحرارة الخارجية أو أقصد أطراف البساتم..أطراف البساتم هى دى اللى حضراتكم تقصدوها..أما مركز البستم بتكون درجة الحرارة فيه بعد التشغيل لمدة نصف ساعة تقريبا حوالى 400...وهى حضراتكم بتصادف لما الحرارة عندكم بتوصل ل80...ولمعلومات أكتر لو حضراتكم مهتمين بكلامى هكمل شرح الجزئية دى

---

ياريت تشرح اكتر يا جميل

اقتباس:

---

المشاركة الأصلية كتبت بواسطة ranger

ياريت تشرح اكتر يا جميل

---

اضم صوتى لصوتك ++++++++1 ياريييت شرح

معروف ان احسن أداء للموتور وهو سخن بدرجة حرارته المطلوبه .. في الجو ده وانا مروح كل يوم بالليل أمبير الحراره يدوب بيطلع فوق الكولد بشرطه واحده حتي لو كنت مسخنها بتبرد علي الطريق وادائها مبيعجبنيش لما بهدي واجي امشي تاني لازم حرق علشان تسحب زي الطبيعي

استاذ محمد اعتقد يقصد ان درجة الحراره بتاع الأمبير دي هي حرارة مياه التبريد مش غرف الحريق وده طبيعي .. إيه بقي اللي بيخنق العربيه لو الميه بارده لو حضرتك شايف ان ده الأصح ؟ المفروض دورة التبريد تتقفل طالما الموتور مش محتاجها وشغال في درجة حرارته المطلوبه لم يتعداها .. علي رأي اللي بيقولو "الخواجه عملها كده" :)

السلام عليكم...حضراتكم حتى لو الأداء بيتحسن فليس بالدرجة الكبيرة ...وفى المقابل درجة حرارة الزيت داخل المحرك بتكون أقل وبالتالى أداء أفضل للزيت فعمر أكبر للمحرك غير طبعا إن كدا بنقلل الحمل على جوان وش السلندر وما شابه..الحاجات اللى مع الحرارة بيحمل عليها لود أكبر وفى نفس الوقت ضمان إن درجة الحرارة تبقى بعيد عن الخطر ودا طبعا يزود من عمر المحرك كثيرا..والدليل والدى عنده بيجو 605 عامله حوالى 400000كم وطبعا شايل كوعة الترموستات وماشاء الله الموتور زى الفل ومتفتحش إلى الآن

وأى أسئلة تحت أمر حضراتكم وميرسى جدا على الإهتمام

اقتباس:

---

المشاركة الأصلية كتبت بواسطة rotanamasoud

عمرك ما حتاخد اداء ممتاز من الموتور الا فى رينج درجات الحراره المتوازنه 70الى80
العزم حيقل لان البنزين مبيتحرقش صح داخل الغرف لنقص الحراره(حيزيد استهلاك البنزين)
الزيت مش حيقوم بوظيفته لانه مسخنش ودرجه لزوجته لسه مظبطتش(خطر على المكنه)
يبدو ان الميكانيكى اخد المكنكه بتاعته من باريس(ارحمنا يا رب من الصنيعيه)

---

الكلام ده هو الصح
لازم درجة حرارة البلوكة تبقى ثابتة عند درجة معينة عشان يحصل أحسن حريق
ده في علم الإحتراق
وابسط مثال على كلامي ليه كل العربية الجديدة امبير الحرارة دايما ثابت على حتة معينة صيف شتا ؟
كمان احنا مش بنحسها قوي في العربية عشان مش محتاجين قوة زي مثلا الجرارت الزراعية
الناس برده بيشيلوا ثرموستت الكوعة واديني في الخستعة
العزم بروح تماما

اقتباس:

---

المشاركة الأصلية كتبت بواسطة mohamedadelemam

السلام عليكم...حضراتكم حتى لو الأداء بيتحسن فليس بالدرجة الكبيرة ...وفى المقابل درجة حرارة الزيت داخل المحرك بتكون أقل وبالتالى أداء أفضل للزيت فعمر أكبر للمحرك غير طبعا إن كدا بنقلل الحمل على جوان وش السلندر وما شابه..الحاجات اللى مع الحرارة بيحمل عليها لود أكبر وفى نفس الوقت ضمان إن درجة الحرارة تبقى بعيد عن الخطر ودا طبعا يزود من عمر المحرك كثيرا..والدليل والدى عنده بيجو 605 عامله حوالى 400000كم وطبعا شايل كوعة الترموستات وماشاء الله الموتور زى الفل ومتفتحش إلى الآن

---

حضرتك مديتناش اي تفسير ميكانيكي وكون ان عربية الوالد الى الآن ماشاء الله سليمه ظاهريا مش معناها ان مافيش اي مشاكل

ده اولا
ثم ان اكبر غلطه هو المشي بالعربية والموتور بارد والزيت بارد وفي اسوأ حالات التزييت
وللعلم ايضا ان 60 % من تآكل المحرك بيحصل في الدقائق الاولى لتشغيل اي مكنه يعني وهيا بارده والزيت بارد


عموما انا عندي استعداد اقتنع لو جبتلنا دليل ميكانيكي او علمي واحد يثبت صحة كلام الميكانيكي الفتاي ده او حتى صحة كلام حضرتك



تحياتي

بص يا باشا خلاصه الكلام ان الميكانيكى بتاع حضرتك مش عايز العربيه عندك تسخن عشان يريح دماغو من اى اعطال ممكن تتسبب فيها السخونه فبيقلك سيب المروحه شغاله و دة اجهاد على المروحه و كهرباء السيارة و الموتور عشان دة مش الاستاندر بتاع اى عربيه لكن لو عايز تظبط الدنيا هات الثرموستات الاصلى و خلى اى كهرباءى يركبهولك و لو اشتغلت و فصلت يبقى الموتور عندك سليم و لو اشتغلت مباشر يبقى الموتور عندك بيمسك حرارة و الميكانيكى مشغلك المروحه مباشر عشان ينهى القصه دى ثانيا المروحه ما بتشتغلش على الطريق السريع لان الريداتير اللى فى مقدمه السيارة بياخد تبريدة من الهوا اللى مقابل للسيارة على السرعه فهى وظيفتها انها تشتغل فى الزحمه عشان مفيش هوا بالبلدى كدة انا عندى شغاله مباشر و نفسى نفسى اعملها اتوماتيك لو هدفع فيها 500 جنيه بس الدفيرة عندى بايظه و السلوك مش متقسمه صح انتا عندك الثرموستات بس هتشتريها و ممكن اللى عندك تكون شغاله ____ شغلها و اطمن على موتورك

اقتباس:

---

المشاركة الأصلية كتبت بواسطة alzelafy

بص يا باشا خلاصه الكلام ان الميكانيكى بتاع حضرتك مش عايز العربيه عندك تسخن عشان يريح دماغو من اى اعطال ممكن تتسبب فيها السخونه فبيقلك سيب المروحه شغاله و دة اجهاد على المروحه و كهرباء السيارة و الموتور عشان دة مش الاستاندر بتاع اى عربيه لكن لو عايز تظبط الدنيا هات الثرموستات الاصلى و خلى اى كهرباءى يركبهولك و لو اشتغلت و فصلت يبقى الموتور عندك سليم و لو اشتغلت مباشر يبقى الموتور عندك بيمسك حرارة و الميكانيكى مشغلك المروحه مباشر عشان ينهى القصه دى ثانيا المروحه ما بتشتغلش على الطريق السريع لان الريداتير اللى فى مقدمه السيارة بياخد تبريدة من الهوا اللى مقابل للسيارة على السرعه فهى وظيفتها انها تشتغل فى الزحمه عشان مفيش هوا بالبلدى كدة انا عندى شغاله مباشر و نفسى نفسى اعملها اتوماتيك لو هدفع فيها 500 جنيه بس الدفيرة عندى بايظه و السلوك مش متقسمه صح انتا عندك الثرموستات بس هتشتريها و ممكن اللى عندك تكون شغاله ____ شغلها و اطمن على موتورك

---

ياباشا النقطة موصلتش لحضرتك مظبوط .. وبالتالى فهمت الموضوع غلط
الراجل كان طالع مشوار عادى خالص .. العربية مفهاش حاجة الحمد لله .. وسؤالنا وتفكيرنا بعيد خالص عن النقطة دى
الثرموستات عندى شغالة زى الفل وجديدة كمان .. وحتى القديمة اللى فكتها من فترة شغالة . والسيارة مفهاش اي عطل الحمد لله
الموضوع بعيد ان الميكانيكى خايف من اعطال والقصة دى والا مكنش طلبها منى .

النقطة اللى بنتكلم فيها استاذى وهى : بعد تسخين العربية ووصول الزيت لكل اجزاء المحرك بالداخل كاملاَ وكلة تمام
وقيادة السيارة ببطئ مع اندفاع هواء بارد شديد خلي الموتور تلج بمعنى الكلمة .. الميكانيكى كلامة ان دة احسن لحالة
الموتور وحاول تخلية بارد قد متقدر .. معنى كدة ان الزيت شغال فى دورتة جوة الموتور عادى خالص وواصل لكل
اجزاء الموتور بس بارد وبيساعد على تبريد الموتور من الداخل .. دة افضل للموتور .. ولا درجة العمل العادية
اللى اقصى درجة ليها 80 درجة ... اي قبل التسعين وقبل ما الترمستات تشغل المروحة ... وصلت لحضرتك النقطة ؟
بالنسبة لسـيارة حضرتك .. الموضوع سهل يتعمل جداَ وبعيد عن ضفيرة السيارة .. وهتاخد نص ساعة بالكتير تظبيط المروحة
والثرموستات .. دة لو المروحة شغالة دايركت .. لو عندك المروحة اللى بيركبها الميكانيكى ع الموتور فدى متنفعش ..
ومش مقتنع بصراحة بحوار تركيب المروحة على الموتور على طول بتفضل شغالة طول ما العربية شغالة واعتقد بتخليها تاخد وقت عبال متسخن
وبعدين لما الخواجة اساسا حـول النظام القديم وهو من مروحة ع الموتور زى العربيات القديمة .. الى ثرموستات ومروحة كهربا
يعنى خلاص كل خواجات اللى عملو العربيات كهربا اغبية للدرجة دى !

متابع باهتمام

سوري بس الميكانيكي ده بيفتي لإن درجة حرارة الموتور لو نزلت عمر ما البنزين هيتحرق صح حتى لو الزيت لف الدورة كلها لإن مع البروده هيتقل تاني والإحتكاك هيزيد

راجع هذا الموضوع وانت تعرف

http://www.nilemotors.net/Nile/194754-zx-ax.html

من خلال تجربتي للمروحه الي واصله ع الماتور
مشاكلها و عيوبها اكتر من مميزاتها

انا الي خلاني افكها و ما اركبهاش تاني انها كسرتلي طرمبه الميه و طارت لبست ف الرادياتير و المشكله كنت ف طريق مصر اسماعيليه الصحراوي و مفيش ميكانيكيه طبعا ف المنطقه دي !!
غير طبعا ان الماتور مابيسخنش و كان سحبه ف الضياع
و سير الدينامو كان بيتدمر ف مده قصيره جدا
و لو عايز تحرق ب العربيه بتحس انها تقيله جدا عشان تحميلها ع الماتور

ميزتها توفير الكهربا و سرعتها بتزيد مع سرعه الماتور

بس حرام طبعا العربيه كانت ضايعه خالص

اقتباس:

---

المشاركة الأصلية كتبت بواسطة saadelden

من خلال تجربتي للمروحه الي واصله ع الماتور
مشاكلها و عيوبها اكتر من مميزاتها

انا الي خلاني افكها و ما اركبهاش تاني انها كسرتلي طرمبه الميه و طارت لبست ف الرادياتير و المشكله كنت ف طريق مصر اسماعيليه الصحراوي و مفيش ميكانيكيه طبعا ف المنطقه دي !!
غير طبعا ان الماتور مابيسخنش و كان سحبه ف الضياع
و سير الدينامو كان بيتدمر ف مده قصيره جدا
و لو عايز تحرق ب العربيه بتحس انها تقيله جدا عشان تحميلها ع الماتور

ميزتها توفير الكهربا و سرعتها بتزيد مع سرعه الماتور

بس حرام طبعا العربيه كانت ضايعه خالص

---

انا شفتة بيحول كذا شاهين وكـيا برايد من كهربا للمروحة دى .. ولما سألتة قالى ان الناس دى شغالة ف نار الحر طول اليوم
والعربية شغالة ورديات مش بتبطل ودة احسن للحفاظ على حرارة الموتور .. وفعلا حسيت ان المروحة حمل ع الموتور
وهو بيدور رغم انها خفيفة عاملة زى الورقة مش تقيلة .. كلام حضرتك مظبوط .. بس سواقين التاكسيات دماغ باردو
وفاهمين ولو المروحة هتأثر معة ف السحب وف الشغل كان رفض الموضوع .. كدة فية رأيين .. رأي بيقول ان الافضل
للموتور واحسن فى العمر الحفاظ على درجة برودة للموتور .. ورأي اخر بيرفض دة .. وانا مع الامر الاخر .. معلوماتى
ان الافضل للموتور القيادة ودرجة الحرارة متزدتش عن 80 درجة مئوية .. ومتقلش عن 60 كأقصى حد . انا مجربتش
اشد بالعربية والموتور متلج .. بس مش هحلق باردو .. لان حرق الغيار كفيل يسخن الموتور وبالتالى مش هتعرف الفرق
علشان كدة بنسأل الناس الخبيرة ف الموضوع . بشكل عملي وعـلمى .

اقتباس:

---

المشاركة الأصلية كتبت بواسطة elmkaneeki

الكلام ده هو الصح
لازم درجة حرارة البلوكة تبقى ثابتة عند درجة معينة عشان يحصل أحسن حريق
ده في علم الإحتراق
وابسط مثال على كلامي ليه كل العربية الجديدة امبير الحرارة دايما ثابت على حتة معينة صيف شتا ؟
كمان احنا مش بنحسها قوي في العربية عشان مش محتاجين قوة زي مثلا الجرارت الزراعية
الناس برده بيشيلوا ثرموستت الكوعة واديني في الخستعة
العزم بروح تماما

---

العربيات الجديده اصبحت الحساسات فيها على درجه من الدقه انها تثبت درجه الحراره بتفاوت قليل جدا يعنى لو مظبوطه 80 ممكن التفاوت يكون بين78-82
ازاى
فى حساس عباره عن محبس كهربى بيقفل على الرداتير سنه بسنه ويخلى الدوره داخليه بعيد عن الرداتير(لما يعوز تسخين)بتحكم مطلق ولما تحتاج تبريد يبدء يفتح الدوره الى الرداتير تدريجى
الحساس التانى بيتحكم فى سرعه دوران مروحه التبريد( rpm )ويبدء بسرعه بطيئه ويسرع كل لما احتاجت العربيه تبريد اعلى
ده سبب ان العربيات الجديده صيف شتا الحراره ثابته عند نقطه محدده بدقه للحصول على اداء ممتاز من المحرك

اسمحولى انضم للنقاش الجميل اللى بنكم دة بس اولا احب اسجل اعتراضي على اى لفظ اتقال زى مثلا بيفتى وسباك وكلام من هذا القبيل لان منتدانا سمة فية الحفاظ على مشاعر الاخرين سوا كان صح او غلط
تانى حاجة الاخ الكريم اللى قال ان الخواجة اللى عدل العربيات من مروحة على الكرنك وتعالو نسميها مروحة ميكانيكة الى اخرى بالكهرباء بتاخد الكهرباء عن طريق سوتش الا وهو الثرموستات نسميها مروحة كهربية
ودة اتعمل مش عشان حاجة غير ان وضع الموتور بقى بالعرض مما يصعب معة تركيب مروحة ميكانيكية يبقى الخواجة عمل كدة عشان يتفادى وضعية الموتور بداخل حوض السيارة وطبعا الوضعية دى جت نتيجة الجر الامامى نستخلص من هذا ان تعديل مروحة التبريد كان حتمى وليس لان نظام التبريد الكهربى احسن او او او تعالو بقى نفكر بطريقة عملية ودة تعليق على اخ فاضل رد وقال غلط ان مياة التبريد الباردة على اولة تصطدم بجسم المحرك الساخن فجاة ودة معمول بة فى نظام التبريد الكهربى مش الميكانيكى لان المروحة هاتشتغل عند درجة حرارة 90 ويا سلام بقى لو ان الردياتير مصنوع من الالومنيوم اللى معروف عنة انة بيسخن بسرعة جدا وبيبرد بنفس السرعة وفى النقيد ( النظام الميكانيكى ) مياة التبريد من اول ثانية بيدور فيها الموتور دورة التبريد شغالة من جسم المحرك الى الردياتير يعنى صعود فى الحرارة بالتدريج وليس فجائي كما اتشار الية يبقى انهو نظام احسن فى التبريد ثم ان النظام الميكانيكى عملية تطاردية اى ان كل ما زاد سرعة دوران المحرك كل اما مروحة التبريد زادت معاة فى السرعة ودة شىء ممتاز واستدل على الكلام دة بعربيات عريقة مثل تويوتا كرسيدا قديما اللى بتشتغل فى اليابان وفى الخليج يعنى موتور مصمم لمعظم البلاد بتففاوت الطقس وفى وقتنا الحالى كل العربيات الخدمة الشاقة تبردها ميكانيكى مثل العربيات النص نقل اللى بتشتغل بالسولار ومعروف عن المحركات دى انها بتسخن اوى
نقطة تانية مهمة وهو التفريق بين درجة حرارة المحرك ودرجة حرارة مياة التبريد ...... درجة حرارة المحرك غير معلومة اما درجة حرارة مياة التبريد هى اللى بنشوفها فى العداد كدة كدة الزيت مع اول دوارة للمحرك بيتحول من درجة حرارة باردة الى متوسطة ثم مرتفعة مهم فى الزيت قوامة وليس درجتة ولو حد قال ان القوام بيتناسب عكسي مع درجة الحرارة فدة اللى انا عاوز اسمعة لان مصممى الزيوت بينصحو ان الزيت يتعرض لكافة درجات الحرارة لعدم تلفة وانا فاكر اننا كنا بنستلم شحنة من الزيت فى براميل وبنحطها فى المخازن بتعتنا وكان معانا مندوب الشركة الموردة الزيت واما شفنا بنحطا جوة هانجر بسقف اصر ان البراميل تتحط برة فى العراء عشان تتعرض للشمس والبرد فى نفس الوقت وقال كدة افضل انها تتحط فى الهنجر كمان فجة على بالى دلوقتى مولدات الكهرباء ماركة كاتربلر نفسي حد يكون جرب يدورها هيلاحظ حاجة غريبة اوى ومعروف طبعا مين هى كاتربلر ان المحرك الديزل اول ما بيدور وبصورة اوتوماتيكية بيدور على سرعة 3000 لفة على الدقيقة وبانتظام السرعة دى بتنخفض الى ان تصل الى 1500 لفة على الدقيقة ودة يرد على الاخ القائل ان تاكل الاجزاء الميكانيكية بيكون فى اول دوارة للمحرك
بشكل عام بقى ان برودة المحرك احسن كتير من سخونتة ووصولة لدرجات حرارة كبيرة وانا مع الميكانيكى قلبا وقالبا واعتقد انة مش فتاى واعتقد ان فى كتير من التعديلات بتم عندنا تفاديا لسؤ تصميم سيارة ما او لتناسب ظروفنا لاتشغيلية فى منها بينجح وبيكون دليل لناس تانية وفى منة فتى فعلا ومالوش لزمة
واخيرا اختلاف الراى مطلوب ومهم المهم نطلع بنتيجة
السلام عليكم