هل نحن جبناء ... أم ماذا؟ - دعوة للنقاش بهدوء

**mostafa3000** · 16-01-2011 11:19 PM

بصو للموضوع من ناحية اخري
يعني احنا كدة كدة بنموت في العبارات والقطارات وحوادث الطرق
بنموت من المبيدات المسرطنة وخلافة
بس بنموت منغير هدف

**salsat** · 16-01-2011 11:38 PM

المشاركة الأصلية كتبت بواسطة namla

احنا مش فى الاصل كده
احنا فى الاصل منعرفش حقوق البنى ادمين عشان نطالب بيها و لو عرفناها هتبقى بالنسبة لنا خيال علمى
لذلك احنا فى الاصل مش عايشين زى البنى ادمين اصلا و بكده مينفعش نسال هل نحن جبناء او لا او من الاصل احنا كده لان دى صفات الناس العايشين حياة البنى ادمين المحترمين

شكرا

عندك حق يا اخى

**mr_vampire** · 17-01-2011 12:01 AM

من حوار خوف او جبناء او احنا اصلنا كدة الاجابة من وجهة نظري المتواضعة تتلخص في الاتي::

نجحو في الهاءنا في لقمة العيش وتربية العيال واكلهم وشربهم ومستقبلهم. فالكل يقولك علي لسان واحد ( من هيربي العيال ده لو جرالي حاجة ). فهو ده بيت القصيد

**Ghamrawy** · 17-01-2011 12:15 AM

سؤال مهم و الاجابة صعبة جدا
لان فيها مواجهة صريحة مع الذات
احنا مش جبناء
احنا اتعودنا على الصبر و تحمل شتى انواع المصايب و البلاء و القهر و الظلم
و دائما يحدث تفريغ لشحنة القهر بطريقة سلبية
بنطلعه على بعض فى التعامل سواء فى الشارع او فى الشغل او السوق او حتى البيت
و لما نحاول نفوق و نعرف ان اللى بيحصل ده بسبب الفساد و الحكام الفاسدين نخاف نعمل حاجة بسبب الرعب من التنكيل و التعذيب و القتل و التمثيل بجثثنا بعد الموت على يد الامن
و علشان كده احنا دايما فى انتظار يد خارجية هى اللى تكون الفاعل لاننا دائما و سوف نظل ابدا المفعول به
و الامثلة واضحة فى التاريخ لمن يريد ان يعرف التركيب النفسى للشخصية المصرية

**Dr Ahmed** · 17-01-2011 12:20 AM

جبناء طبعا بلا تجميل كلمات

كله خايف على رزقه وحياته وأهله
وكل الحاجات دى اساسا فى يد خالقها مش فى يد بشر

الشئ اللى ممكن يحدث تغيير فعلا هو إما زيادة الإيمان عند غالبية الشعب (صعب) أو ظهور قائد يلهمهم الانتفاض والسير خلفه (صعب برضه)

**MTAK** · 17-01-2011 08:56 AM

طبعا جبناااااااااااااااااء
بس يا ترى حد فكر جبناء ليه
اعتقد انه فى الاساس هو

حب الدنيــــــــــــــــــــ ـــــــــــا

و صدق الرسول الكريم حين قال فيما معناه "غير متذكر النص الاصلى " انه يخاف علينا حب الدنيا
و الدنيا كلها فانيه لمن احبها
و المبكى فى الموضوع اننا احببنا دنيا دنيئه "يا ريتها كانت دنيا عدله "
و كما ذكر دكتور احمد للتغيير يجب ان يزيد الايمان عند غالبيه الشعب
و اعترف معه ان هذا صعب
و نسأل الله الا يجعله مستحيلا

**youssefmustang** · 17-01-2011 09:20 AM

نظام صهيونى متحكم اقتصاد البلد بالكامل ومش فى الاقتصاد بس فى جميع المجالات

**eng/muhamad** · 17-01-2011 02:26 PM

احنا شعب بووووووووووء بس
اول ما حصل اللى حصل فى تونس كل المنتديات و المواقع و الفيس
تشوف تعليقات المصريين كله بيقول التوانسه دول رجاله التوانسه دول عملو الصح ياريت نعمل زيهم و عقبالنا و كل الكلام ده و طبعا كلنا شفنا ده
لكن تعالى بقى قول لواحد انزل اعمل مظاهره يقولك و انا ماااااااااالى

**Ghamrawy** · 17-01-2011 06:06 PM

المشاركة الأصلية كتبت بواسطة mtak

طبعا جبناااااااااااااااااء
بس يا ترى حد فكر جبناء ليه
اعتقد انه فى الاساس هو

حب الدنيــــــــــــــــــــ ـــــــــــا

و صدق الرسول الكريم حين قال فيما معناه "غير متذكر النص الاصلى " انه يخاف علينا حب الدنيا
و الدنيا كلها فانيه لمن احبها
و المبكى فى الموضوع اننا احببنا دنيا دنيئه "يا ريتها كانت دنيا عدله "

"إذا تبايعتم بالعينة، وأخذتم أذناب البقر، و رضيتم بالزرع،وتركتم الجهاد؛ سلط الله عليكم ذلا لا ينزعه حتى ترجعوا إلى دينكم".
أخرجه الطبراني وابن القطان و صححه الألباني في السلسلة الصحيحة

كله موجود و رسولنا الكريم منبه عليه
بس احنا اللى حالنا بقى سيئ مع الاسف و حتى الدنيا اللى خايفين عليها لا تصلح لمعيشة ادمية فى البلد المنكوبة بحكومتها دى