الموضوع: أحساسك أيه وأنت راكب سيراتو 2010 "نيو-أولد شيب"

أيه الرضا دا كله :)))
ربنا يزيد ويبارك :)
بس محدش يعيط بقى لما أبيع وأجيب الجديده ومحدش يقلدنى بقى :)))))))

عادي يا نورمال

عدي من عند سوق السيارات يوم الجمعة او الاحد وهي تتباع هوا :))

بالنسبة للفتيس ......مهم وهيفرق في سعر اعادة البيع وهتسمع كلمة (دي الفتيس القديم يا باشا ههههههههه )

المرايات والليدات والافتكاسات التانية مش مهمة أوي ومش هتفرق

بالمناسبة سمعت اعلان كيا الجديد على نجوم اف ام ؟؟؟

انا عن نفسي الاثنين كانو ادامي و اللون المطلوب و الفتيس القديم كانت اغلي طبعا لانها sx و اخترت الsx عشان
الebd طبعا
و الجنط ال17 تحفه في اللون الغامق
و الفرض الجلد الاصلي الي ميتعوضشي طبعا
و البصمه
عن الشبكه بقا الجديده مش عجباني
الفوج لين مش ملحوظه اوي
الي افتقده المرايات الضم و البلوتث(مكنشي فيها شفت لانها خليجي) و الفخامه بتاعت الفتيس الجديد بس حاسس انه خاماته مش اد كدا
لكن حسيت ان مميزات الsx القديمه اكثر عمليه
و كمان الفتيس الجديد محدش كان لسه جربو و مش مقتنع بيه الحقيقه
الحقيقه انا مقتنع بالsx الي معايا و مش حاسس اني راكب شيب قديم ولا حاجه لاني مش ببص لها من النظره دي خالص علي كدا الي راكب بي ام 740 موديل 1998 هنقول انه قديم اوي!

الفروقات مش كبيرة قوي امال الشيب القديم بقى يعمل ايه لما النيو نزلت !!!!!!!!!!

على فكرة انا معايا الشكل القديم و بمووووووت فيه , و متفق مع سيمون اوى ف موضوع العلاقة اللى المفروض تبقى بين الواحد و عربيته , لانى بفكر لو جيبت نيو نيو نيو سيراتو ماهو هييجى وقت ينزلو الشكل اللى بعده , و بعدين عمرك ما هيبقى معاك احسن عربية ف الدنيا , و لا تزعل على الموتور الـ .140 حصان لانك غالبا مش هتستخدم الـ ار بى ام على 5800 او حتى 4000 علشان كدة مش هيفرق معاك و لا كدة بقى اتفرج على موتور الفورد موستنج مثلا او المرسيدس الـ سى ال كيه , يعنى اقصد انك فعلا الحمد لله راكب عربية جميلة جدا جدا و انا عن نفسى مقتنع جدا جدا بعربيتى و بوجهة نظرى

هو بس للعلم ومع أحترامى لكل الاراء
مفيش عربيه فى الدنيا بينزلها فيس ليفت فى نفس السنه
دى محصلتش ولا هتحصل :)
دا بس ردا على ألى بيقول أن العربيه مسيرها هتقدم وشكلها يتغير
بالتأكيد كلام سليم لكن ليس فى أشهر
يرجى نفكر أعمق
والى معاه سيراتو دلوقتى موديل 2010 ينزل بس يجرب يبعها
ويرجع يقولى أتقله أيه :)
ساعتها بس هيفهم أنا بتكلم فى أيه :)
بعيد وأكرر مفيش عربيه فى العالم بينزلها فيس ليفت فى نفس السنه
السيراتو مش بس نزلها فيس ليفت
دا حصلها فيس ليفت وزادلها كماليات وأتغيرلها فتيس وقريبا محرك...محدش سامعنى ولا أيه :)
هل دا طبيعى أن يحصل فى سنه
ولا أنا مش من هنا ولا أيه :)))
حاسس أن ردود الناس تدل أن محدش فهم كلامى :)
بس شكرا على المشاركه