يالا بينا نعمل الصيانه الدوريه للكرستاله

**drhegab** · 16-01-2011 09:29 PM

ان شا الله انا هروح اعمل الصيانه الدوريه للكرستاله لاني لسه جايبها جديد
ف هاخد رأيكم كدا ان شا الله
هغير زيت شيل 5000 الاصفر (دا كويس ولا ايه)؟؟
فلتر زيت وفلتر بنزين و فلتر هوا (فيه انواع معينه؟؟؟؟)
بوجيهات njk ياباني واحد شمعه (دا احسن حاجه ليه؟؟؟؟؟)
هربط على العفشه
هكشف على سير الكاتينه واخلي الميكانيكي يشيكلي على باقي السيور والزيوت
لو فيها حاجه هغيرها ان شا الله
تمام كدا؟؟؟؟
ولا لازم اغير السيور دي؟؟؟؟ لان بصراحه مافيش سيوله اليومين دول تمن العربيه خلاني على الابيض هههههه
اجيب منظف كاربيراتير ولا حاجه؟؟؟؟
يعني لو فيه اي حاجه ممكن اعملها تبقا كويسه ياريت تفيدوني

**M.Elgergawy** · 17-01-2011 10:00 AM

أولا الف مبروووك بس انت مقلقني من موضوع رش القوايم ده
المهم السيور مبيكشفش عليها غيرها على طول وخصوصا الكاتينة + طقم البوجيهات + واكشف على التيل الامامي لو محتاج يتغير غيره
+ فلتر البنزين وطبعا تغير زيت + الفلتر وانا عموما بحط موبيل وان بس في اعضاء بيستعملوا الشيل وبيشكروا فيه
وممكن تنظف الكربراتير بالسبراي بس قبل متغير البوجيهات

**drhegab** · 18-01-2011 02:19 AM

الاسبراي بتاع الكاربراتير دا اسمه ايه ؟؟
وعلى فكره البوهيجي اللى قالى ان القوايم راشه كان بيفتي عليا وانا عرضتها على ميكانيكي النهارده قالى مين الجحش اللى شككك في نفسك دا؟؟؟؟؟ هههههههه

**Memo_Lancer** · 18-01-2011 04:11 AM

طيب تمام يا عم
انت من طنطا
روح للاسطي محمود عند احمد علام
و قولو انا من طرف المحلاوي بتاع الكريستاله 1600
و الله هيعمل الصح
و راجل فاهم جدااااااااااااااااااااااا اااا