اجراء المرور مع التعامل مع فامية المصنع بعد الترخيص بدون فاميه

اعزائي اعضاء نادي نايل موتورز الحبيب

كنت عايز استفسر في حاجه ضروري
الحمدلله السنة ديه نيسان ابتدأت في طرح سيارات نيسان صني هاي لاين و نازل في الفئة ديه زجاج خلفي و اجناب خلفي فاميه
فلو عملت اتفاق مع المصنع انه يركب في عربيتي الزجاج الفامية ده و فعلا اتركب
هيكون ايه تعامل المرور او ايه الاجراءات اللازمة عشان المرور يوافق علي ترخيص العربية و كتابة الفامية في الرخصة
طبعا يا جماعة مع العلم ان عربيتي مش فامية اصلا

فأرجوا الرد من ذوي الخبرة في الموضوع ده عشان بصراحة انا نفسي افيم العربية من الزجاج الخلفي علي الاقل لأن الشمس في السفريات مشكلة كبيرة و معلش محدش يقولي ركب ستائر
انا عايز الموضوع يكون قانوني بنسبة 100% عشان اريح دماغي
شكرا جزيلا


http://img249.imageshack.us/img249/7253/69616598.jpg

بص يا اخي انا ها اساعد حضرتك على قدر معرفتي بالموضوع

الفاميه نوعان
فبريكة وتركيب
الفبريكة بيكون العربية قبل ما ترخص من اول يوم بيثبت في الرخصة انها زجاج ملون .. ودي مفيش منها مشاكل ..
فكرة التركيب ده انا وكما اعلم ليس لها غير حالتين او ثلاثة على اضيق الحدود
واحدة منهم جواب من احدى دكاترة العيون غالبا وبيتعمل كومسيون طبي مثبت فيه بأن عينيك فيهما لا قدر الله نوع من انواع الضرر الناتج عن التعرض لأشعة الشمس وبيأمرلك بتخفيف الإضاءة وده بيكون عن طريق الفاميه
ثانيا وهي ان تكون هيئة سياسية او دبلوماسية او حكومية عليا ..
ثالثا بصراحة مش فاكرها ولكن غالبا برضوا ها تبقى حاجة تعجيزية كده ولكن بصراحة انا مش عارف ولكن برضوا عليك بالسؤال لأن لكل قانون مخرج وان شاء الله الناس ها تقول لحضرتك على الحل الآمن وأحي في حضرتك اهتمامك الشديد بأن يكون الوضع كله قانوني x قانوني ..

اقتباس:

---

المشاركة الأصلية كتبت بواسطة sayed911

بص يا اخي انا ها اساعد حضرتك على قدر معرفتي بالموضوع

الفاميه نوعان
فبريكة وتركيب
الفبريكة بيكون العربية قبل ما ترخص من اول يوم بيثبت في الرخصة انها زجاج ملون .. ودي مفيش منها مشاكل ..
فكرة التركيب ده انا وكما اعلم ليس لها غير حالتين او ثلاثة على اضيق الحدود
واحدة منهم جواب من احدى دكاترة العيون غالبا وبيتعمل كومسيون طبي مثبت فيه بأن عينيك فيهما لا قدر الله نوع من انواع الضرر الناتج عن التعرض لأشعة الشمس وبيأمرلك بتخفيف الإضاءة وده بيكون عن طريق الفاميه
ثانيا وهي ان تكون هيئة سياسية او دبلوماسية او حكومية عليا ..
ثالثا بصراحة مش فاكرها ولكن غالبا برضوا ها تبقى حاجة تعجيزية كده ولكن بصراحة انا مش عارف ولكن برضوا عليك بالسؤال لأن لكل قانون مخرج وان شاء الله الناس ها تقول لحضرتك على الحل الآمن وأحي في حضرتك اهتمامك الشديد بأن يكون الوضع كله قانوني x قانوني ..

---

+111111111

جامده اوى حوار الكومسيون الطبى دا ممكن الواحد يظبطو انا فعلا عنيا بتتعبنى من اشعه الشمس وغير كدا كمان جلدى دا الواحد اديه بقت لون وباقى الجسم لون تانى ههههه نحاول نشوف حوار الكومسيون الطبى دا

بيشوي باشا ..... انا مقدر شعورك وانت واقف قدام الفامية ده وشكله تحفة في الصني ماشاء الله
نفسي اعمله بصراحة ...... يارب حد يظبطنا فيه
ومتابع معاك بشده :))

حلوة اوي فكرة الكومسيون الطبي طب انا هشوف الموضوع ده وكده كده انا عامل نظارة ضد اشعة الشمس لو طلع الموضوع بجد هقدموا في الترخيص الجديد

ريحو دماغكو يارجالة
جربت الحوار ده وبردو فشل

ممكن يتسبت فى الاول بالعب فى الافراج الجمركى بتاع العربيه او دلوقتى بس بواسطه وشايف برده انه مشكله علشان من يومين شايف كمين فى اول احمد عرابى وموقف واحد بيشوف الفاميه ولو لقاه فاميه ملزوق يسحب الرخصه وانا عن نفسى فيمت تانى اول درجه بتاعت الفبريكه وبعدى بس بالفلوس

عنيك بتوجعك تركب فاميه دا علي اساس ان الحكمومه بتخاف علي الشعب

اقتباس:

---

المشاركة الأصلية كتبت بواسطة rompo10

عنيك بتوجعك تركب فاميه دا علي اساس ان الحكمومه بتخاف علي الشعب

---

+111111111111111111111111111
جامده جدا
:36_2_33:

بدون الخروج عن الموضوع ..حد يعرف إيه نظام العربيات التربتك اللي فيها فيميه لو واحد عايز ينزلها مصر شهرين..هل بتشوفو عربيات جمرك مفيمة كتير ..سألت لو عايز أجر عربية 4x4 ذي عربتي في مصر .الشهر ب-24,000 جنيه ..بالتأمين ..غالية قوي

الفاميه فعلا المفروض يكون مثبوت في الافراج الجمركي بتاع العربيه

بالنسبه للستائر مره ظابط في كمين قالي اثبتهم علي الرخصه علشان متدفعش عليهم غرامه .. بقوله ينفع يتثبتو أصلا ؟ قالي اه ينفع .. معرفش ده بجد ولا تهييس أخر الليل

اقتباس:

---

المشاركة الأصلية كتبت بواسطة pro_samir

الفاميه فعلا المفروض يكون مثبوت في الافراج الجمركي بتاع العربيه

بالنسبه للستائر مره ظابط في كمين قالي اثبتهم علي الرخصه علشان متدفعش عليهم غرامه .. بقوله ينفع يتثبتو أصلا ؟ قالي اه ينفع .. معرفش ده بجد ولا تهييس أخر الليل

---

يا راجل ده طبيعى جدا اذا كانو بيثبتو النظارة الطبية على رخصة القيادة و لما دخلت لجنة و كنت مركب عدسات طبية قاللى " الرخصة مكتوب فيها نضارة و انت مش لابسها !!!!" قولتو لابس عدسات " المهم دماغة قفلت و انا كمان فى دماغى قولت مش دافع فلوس لحد قمت مطلع نضارة والدى من التابلوة و لبستها و عديت:44: و قلعتها بعد اما يدوبك هو دور وشو كنت قالعها:36_2_33:

بص يا سيدي انا كان عندي في التيريوس برضو الزجاج اللي ورا فيمية فبريقة بتاع المصنع و لما كانت بتترخص زيرو في 2007 الظابط مرضاش يكتبة في الرخصة غلاسة بس في 2010 في التجديد مرضوش يجددو الرخصة عشان مش مكتوب روحت اجيب الافراج من المرور ملقتوش عملت فحص المهندس قالي اه دي gls ( على اساس انه فاهم) فدي بتنزل كدة راح كتبو في الرخصة ( زجاج خلفي ملون) و الظابط قلي متفيمش اللي قدام.

انتا بقى برضو اعمل كدة قولو هيا نازلة كدة و الافراج مش مكتوب فية وطالما مش لزق ملوش حاجة عندك

والله تبقي فل لو بكموسيون طبي الواحد يفيم
يا ريت لو حد جرب الموضوع ده يا جماعه يقولنا

اقتباس:

---

المشاركة الأصلية كتبت بواسطة mohssenrashed

بص يا سيدي انا كان عندي في التيريوس برضو الزجاج اللي ورا فيمية فبريقة بتاع المصنع و لما كانت بتترخص زيرو في 2007 الظابط مرضاش يكتبة في الرخصة غلاسة بس في 2010 في التجديد مرضوش يجددو الرخصة عشان مش مكتوب روحت اجيب الافراج من المرور ملقتوش عملت فحص المهندس قالي اه دي gls ( على اساس انه فاهم) فدي بتنزل كدة راح كتبو في الرخصة ( زجاج خلفي ملون) و الظابط قلي متفيمش اللي قدام.

انتا بقى برضو اعمل كدة قولو هيا نازلة كدة و الافراج مش مكتوب فية وطالما مش لزق ملوش حاجة عندك

---

مينفعش يتعمل الكلام ده علشان بيبقو عارفين السيارات الى نازله فبريكه وبيبقى كمان مثبوت فى الافراج لاكن لو مش مثبوت يبقى مينفعش

اقتباس:

---

المشاركة الأصلية كتبت بواسطة eldell

مينفعش يتعمل الكلام ده علشان بيبقو عارفين السيارات الى نازله فبريكه وبيبقى كمان مثبوت فى الافراج لاكن لو مش مثبوت يبقى مينفعش

---

++++++++++++1111111 :verygood:

في الخليج السيارات ال suv او العائليه مثل الكارينز و الماتريكس و القشقاي الي حتنزل لازم الزجاج يكون فاميه
انا مش عارف البلد دي حتفضل ماشيه بالعكس لحد امتى لازم الواحد يكون قليل اللادب و يعرف كذا ظابط علشان يظبت العربيه حاجه بجد قرف يعني سبحان الله انا و واحد تاني واقفين في كمين يكون هوا معاه صني زي بس فاميه و انا معايا صني انا الي مفيمها هوا يعدي و انا لا بجد قمه العداله

فعلا ايه هيا كوكاكولا زيرو ؟؟؟؟؟؟؟؟؟؟
انك تركب فاميه و تخش لجنه و واحد تاني عربيته فيها فاميه يعدي هوا و تتمسك انت
ههههههههههههههههههههههههه هههههههههههه

أنا نفسي أعرف فين المشكلة الجامدة جدا في تفييم الزجاج الخلفي

اقتباس:

---

المشاركة الأصلية كتبت بواسطة sedyrohy

في الخليج السيارات ال suv او العائليه مثل الكارينز و الماتريكس و القشقاي الي حتنزل لازم الزجاج يكون فاميه
انا مش عارف البلد دي حتفضل ماشيه بالعكس لحد امتى لازم الواحد يكون قليل اللادب و يعرف كذا ظابط علشان يظبت العربيه حاجه بجد قرف يعني سبحان الله انا و واحد تاني واقفين في كمين يكون هوا معاه صني زي بس فاميه و انا معايا صني انا الي مفيمها هوا يعدي و انا لا بجد قمه العداله

فعلا ايه هيا كوكاكولا زيرو ؟؟؟؟؟؟؟؟؟؟
انك تركب فاميه و تخش لجنه و واحد تاني عربيته فيها فاميه يعدي هوا و تتمسك انت
ههههههههههههههههههههههههه هههههههههههه

---

كل العربيات ف الخليج بتنزل بالفاميه مش العربيات الكبيره بس
و عادي اصلا تفيم النص الي ورا كله

واحد صاحبي كان مفيم العربيه من اولها لاخرها و محدش كان بيكلمه

الظاهر موضوع الفيمية دا بيزعل المرور اوى بالرغم ان عربياتهم الشخصية متفيمة

اول مرة أعرف موضوع قومسيون العيون .. ده لو طلع صحيح يبقى سهل جدا .

هههههههههههههههههههههههه

فكرة الكمسيون اكيد جامدة بس فى مشكلة ان لازم يكون اساسا نظرك ضعيف ومع الكشف يتضضح ان نظرك حلو اية العمل هنا